其實呢度大家都唔覺你囡寫得差，連老師都無咁講
會唔會係得你一個覺得差？
如果係得你一個覺得差，似乎不是你囡問題
另外，我覺得寫字靚唔靚無乜所謂，答案啱緊要啲 
3個讚
我覺得寫得唔差喎⋯⋯
正確，最緊要寫得快又工整就夠
我預科時有同學成日為寫得靚而做唔晒卷，有乜意思呀。佢又係個啲細個時成日俾阿媽擦擦擦，擦到有陰影，有強迫症咁
6個讚
我覺得你有點太緊張
練字係想佢重新留意自己控筆，點、橫、豎、撇、捺，鈎……
佢同時要兼顧力度，大小，長短，空間擺位，落筆點落，研究同理解個字係點寫，點解人哋會寫得咁靚，有啲似學畫畫
並唔係要佢狂抄寫就可以做到嘅事，有心每日10-15分鐘專注練習嘗試吓先
當佢了解到上面嘅野，平時就要多點應用係日常做功課道，以我朋友同分享，有一排佢真係會做慢左功課架，因為要兼顧同實行，你比我感覺有點急，同求結果，而唔係想小朋友理解寫字係可以好有趣，寫得靚好有成功感
希望咁講唔會令你唔開心啦
如果小朋友喜歡書法，帶佢去興趣班有人教佢都係好事，因為自己練習好需要恆心同有團寫靚字嘅火嘅，有老師鼓勵會幾好
1個讚
上到中學求快求答岩而唔係求靚，樓主係咪有野攪錯左？
4個讚
我都覺得有成就感既野小朋友就自然會有興趣
成日迫佢重寫反而增加佢挫敗感。
我講下我自己, 我中學時都有中文老師讚過我手字靚, 的確自此以後我都比較留意點樣可以寫得再靚d, 甚至試過參加校內書法比賽幸運地有獎拎。
(另外留意到樓主好似最近先安排阿女學琴, 開左另一個post 講指甲問題, 會唔會暫時唔好focus 佢手字, 留番多d 時間俾佢練琴好d?)
1個讚
係咪風格唔得？醜就一定唔算啦
不如媽媽都post一張你寫嘅字嘅相？因為真心想知你對於靚嘅要求係點樣。我覺得你個女嘅字工整清晰可讀，各結構大小合理，睇得好舒服。
14個讚
我都覺得會
我細個我媽媽出左少少界都擦左重寫，又唔見得我手字有幾好
最後都係自發改變由細路仔字變大人字
小朋友而家6年級，其實諗深一層，父母可以用呢種方式用到幾耐，唔好加重大家對立嘅情況，教佢由基本做返好
希望樓主自己學下放鬆
你個小朋友好快就青春期會好抗拒，反彈個時你仲傷心，係時候要放鬆下自己
1個讚
升中一喇
媽媽放手啦
啲字我覺得幾清秀，完全唔覺得唔靚
6個讚
你女啲字都唔叫唔靚，都幾好呀。
中學唔會要求你寫得靚，正正常常寫到睇得明就得啦。
個個人都有唔同，點解一定要用你自己靚既標準去量度呢？
要學識欣賞小朋友其他優點，唔好只睇佢唔好既嘢，咁樣對大家既相處都會好啲。
2個讚
你有病不如去睇醫生？
14個讚
樓主, 我想睇睇你手字先,
另外你阿女D字我睇得明, 無問題,
4個讚
就算佢自己寫得靚，唔通天生就咁靚咩
如果佢俾人迫佢狂抄書狂擦功課練返黎我都好同情佢
不過己所不欲…
睇佢啲回覆真係滴晒汗
3個讚
咁多個回覆你呢句最岩聽。
阿樓主你有病睇醫生啦。
唔好講手字靚唔靚先，根本就好工整清楚。我相信樓主阿女手字絕對唔會惹來老師嘅投訴。既然老師都無投訴，我都唔明樓主無病呻吟個位晌邊度。
同埋去到中學，測驗考試最重要係答得岩，作文夠字數。答問題內容唔貼題，我話之佢手字寫到識飛都係唔合格架啦。
4個讚
佢純粹發洩多過想個女寫得好
狂擦重做，控制狂加強迫症，自己根本講唔出邊度有問題，咁佢都講唔出問題仲想呀女點改
人地教佢點改善又話冇時間跟手變埋狂抄，又係道發洩係個細路身上
佢其實係咪假膠黎架
8個讚
我頭先都諗緊係咪膠post。
我個仔K2剛剛學寫字，佢寫得點衰，我最多都只會揀最肉酸嗰2個擦咗佢叫佢寫多次就算。
要佢擦晒重寫就真係點都做唔出，因為就算點衰，都係小朋友付出時間寫嘅字。
2個讚
如果真係太樣衰/錯長短劃，一定要再寫，但寫到咁靚都擦，好挫敗。
同埋擦都好浪費我精力 （奉勸大家唔好咁樣對自己，擦到手軟！）
我好憎呢啲膠Po，好多人因為天生能力問題係真係寫唔到完整嘅字，係好努力寫都寫唔到，一舊嘢咁，完全睇唔明係乜嘢字。
如果呢個Po 唔係膠，我就更加嬲，我幫過一位讀寫障礙人士搵工，只係搵7-11，唔請，我跟進後對方話佢張見工form完全睇唔到佢寫乜嘢字所以唔敢請。
玩膠唔好玩呢啲。
2個讚
原來唔止我一個覺得膠
樓主個女對手好靚，靚到唔似一個小六學生，好似大人嘅手一樣
另外樓主話佢女啲字唔靚，大佬啊，佢淩空用個電話托住黎寫，可以寫到咁工整都算係咁。
6個讚