揸筆姿勢係咪唔啱?
如果呢張係你個女寫嘅，唔覺有幾差…
而且睇落揸筆好似都冇咩問題呀
1個讚
幾好喎幾工整
可以用書法練下？
我細佬40歲，寫得差過你個女，好似幼稚園咁。我覺而家D人寫字普遍冇咁靚，可能同少揸筆寫字有關。
2個讚
你講緊反話？
3個讚
唔覺佢啲字唔靚，都唔覺佢揸筆有問題喎…
都寫住叫你勿理啦
3個讚
咁都叫差。。。。你真係未見過打風字。打風打到自己都唔記得自己寫左咩。呢個連 1 號波都打唔成，低氣壓都做唔到。佢揸得唔正確頂多係容易攰。
我唔識裝字同揸筆，我係用第四隻手指托筆，去到六年級/中一先慢慢改，右手無名指同中指都有繭。唯獨到依家都唔識筆劃。難得小學年年被推薦參加書法，次次抄詞語都甲-，中學作文字體都攞足分。
附圖一張，呢個係六年級，當時係未改揸筆方法。
我覺得你女啲字仲靚過我嗰啲。
字唔靚，性格同手部肌肉影響大啲。有啲小朋友手肌肉弱控制唔到方向同力度，佢地擺幾多時間心機都寫唔到效果。如果係冇耐性同心機，就更加唔會靚。
呢個字體絕對唔可以話 “唔靚”，只可以用 “清秀” 去形容。容易攰同寫得慢就反而係重點。
1個讚
我都係好似你女咁揸筆 (手指公覆蓋食指), 我都覺得自己姿勢唔岩
如果你好想執番正, 可以睇雷超榮執筆教學 (佢教點四點響手指, 易學)
但我都想講就算揸筆姿勢唔正確, 都唔代表寫字唔靚
你個女手字算整齊 
如果學校老師無話佢寫字醜樣, 你都唔好要求太高, 以免佢對寫中文字好反感
3個讚
老師冇講，只不過覺得佢就嚟升中學，應該要寫靚D
其實係咪佢隻font style 唔岩你心水?
佢宜家d 字就唔係好成熟書法feel, 但真係整齊清楚, 你係想佢手字寫得成熟d/ 似大人d 字 ?
學寫毛筆字，可以幫助寫字寫得靚
哈~又係喎佢寫"物理" 
2個讚
媽媽唔好咁啦，辛辛苦苦做完功課你一句唔該就要重新再寫，我覺得阿女啲字好功整，無問題
6個讚
唔覺得唔靚，都正正方方整整齊齊，冇歪斜丫
你點定義靚先？係咪要好似人地楷書咁先係靚
佢先6年班，已經算好好，我識有啲老師都未必咁工整
要練手靚字由練習筆劃起，學乜都係要練習，我有朋友由初中練練左一兩年開始有起色，練到畢業時一手靚字，但佢而家有時間都仍然會練字，不過由成日練硬筆變練毛筆
你都唔好咁緊張喇，大佬寫得咁工整要人重頭做過，如果咁想佢啲字靚，不如留啲時間俾佢真係練下字好過啦
1個讚
楂筆手勢唔啱，但D字唔算差
佢d字叫差。。。。。。。。
咁我2個細路果d 。。。。真係就快似醫生寫果d病歷架喇
阿女宜家準備考埋最後一次呈分試，冇時間練字，考完試我一定要佢每日抄幾版字，令到啲字靚D同埋工整D一。
至於揸筆方面，需唔需要帶佢去學書法班？
1個讚