昨天某醫院HR,打來叫我檢查身體,因之前見工問過部門返工時間,佢哋話睇下派去病房定點,返早放早,跟住就見完。
hr打電話嚟,我咪問佢如果派去病房,我應該唔適合,咁佢都話幫我問下部門,之後佢覆番我我諗住再確認多次上班時間費事唔啱唔啱曬佢時間,因我以為hr會清楚過部門,因上次部門都唔係太講到,之後HR就發脾氣話我點解唔一次過問,因為我上班時間好多同事行嚟行去我都唔方便同佢講咁多,其實我係好想知多少少費事簽約嗰陣或者驗完身甚至返下工先至唔做,因為我而家呢份工都做咗十幾年我唔鍾意成日轉工㗎,所以好想知多啲入到去就長做,我同佢講考慮多兩日我星期一覆你,跟住佢又發癲咁講你唔好咁遲如果唔做我要出adv.黨參日間醫院門診部唔會得我一個見工呀!?我見佢咁講我話咁我唔做啦!諗住畀佢可以立即安排,仲有其他都講唔到咁多,總之做咗咁多年嘅我係第一次畀hr咁樣講我其實唔開心咗成日,最後叫我自己同返醫院總部講點解我講唔係佢講,我話有第二個offer考慮緊因為見工到而家都三個禮拜,佢又問我係咪第二間醫院呀係咪等你屋企呀?我話我已經搬咗但係佢根本冇聽一路係咁鬧!
即係你已reject offer?
(明白你好嬲, 但係有d 句子你可能一時情急打錯字, 我有少少睇唔明, eg “佢又問我係咪第二間醫院呀係咪等你屋企呀?” 
)
2個讚
佢問係咪去第二間醫院做呀?第二間醫院係咪近你屋企呀?佢問咗我呢個問題兩三次,我答佢我已經搬咗屋,但係佢都冇聽到咁我有得佢講落去,嚴格嚟講佢哋係未正式請我嘅!只不過對我初步有興趣叫我驗身,都未出信請我,我就要email總部話唔做。其實呢啲係唔係應該由佢哋日間醫院hr做呢?
我係你, 一係唔send email (應該係佢做), 一係我直接寫長篇email 投訴係佢個HR 態度唔專業所以我唔想proceed application。
6個讚
我有諗過再send email講hr嘅情況,不過就簡短講
題外話, 我唔係做你果行
但根據我個人經驗, 反而係自己直屬上司先講到真正上班時間
HR 咩都唔知, 只係講到一個公司 general 既辦工時間, 但最後會講句都要視乎番部門實際需要而定
Send email la
因為上次部門見工都唔太知,所以今次咪問埋。
番工時間直接影響會唔會接受offer好合理，佢地唔清唔楚依家又發個申請者脾氣，工都未番，點解要受佢氣
2個讚
我又覺得醫院呢啲工係預左會返病房…或者係你唔可以預佢唔駛你返病房，就算呢一刻可以，亦難保他日唔會team，一轉就唔做？
如果你返放工時間有限制，可能搵其他工比較好？
2個讚
其實醫院因為太多唔同部門，HR係未必知得咁仔細，或者你下次見工可以講明如果返病房要輪班就唔考慮。
同埋叫得你驗身就係請架啦，但唔講到咁白，可能怕你驗完身真係唔合格掛？（利申我都係做醫院）
不過佢態度咁差就一定唔啱，如果一個HR都可以咁惡，間醫院嘅職場文化都唔方好得去邊
你咪照email過去，但照實講咩原因唔接受offer…
1個讚
你email照直講, 個阿頭知HR趕走左佢個applicant實同佢supervisor投訴。有D HR係好惡架, 覺得請你比份工你做要多謝佢咁
1個讚
zoom見工佢哋突然緊急會議,唔想驗身後先知返工時間,到時唔啱咪仲麻煩。
我問佢返工時間,佢咪發脾氣話做乜唔一次過問,因為喺公司太多同事行開行埋我又唔方便講太多電話,其實佢返工最早幾點放工最早幾點其實已經ok啦!唔係話好似見部門咁返得早放得早.返得晏覺得晏咁我永遠都知唔到個實際時間
話我唔做佢要登adv.請人,呢個情況係應該係我做緊一份工,而我要辭職公司先要咁做,佢都唔會只係見我一個啦!之後佢係為鬧而鬧,又話我住九龍區呢度遠佢哋梗係冇所謂,我話我已經搬咗!但係佢都冇聽繼續話咁我就由得佢。
唔知佢會唔會玩嘢,我本來諗住好來好去,而家搞到我都無入職,亦都冇話入職就要幫佢email
我嬲係因為我做咗咁多年嘢,亦都識啲hr未見過一個係咁!
見佢咁樣我唯有同佢講有其他offer,佢又追問我係咪近屋企係咪醫院追問咗我幾次,我最近屋企都發生事,阿媽入醫院我又搬屋,得我一個湊兩個小朋友加埋日日返工,每星期返學,而家見份工都俾個hr咁鬧所以我唔開心咗好耐。
我都會咁做。況且理應係佢自己同番醫院講。唔係由樓主你去講囉。
呢個HR擺明唔想搞。
況且又未正式請你，又無出過任何Official 文件。你只係一個應徵者。
2個讚
我只係諗住將來可能都有機會去醫院面試但係未必係呢間港島眼科醫院,所以諗住好頭好尾幫佢send email,H R代表公司點解要搞到咁呢?應徵者做唔做呢份工其實見hr感覺都有一定影響,當然大家都係雙向。
無錯, 應該係咁…
正常都答唔到,不過最大問題係唔應該亂咁發脾氣將所有嘢炒埋一碟嚟講。
2個讚