其實睇D BB相都覺得唐氏feel
但可能父母自己唔覺, 亦從來冇諗過會係
其他人更加唔會出聲講啦
2個讚
OSCAR false negative 比 false positive 慘好多，兩者都見唔少， OSCAR 一早唔應該再存在
3個讚
我朋友同事當年未有t21或nifty, 度超聲波頸皮同抽血，都話低風險，媽媽29歲陀唔係高齡。剛剛出世都唔覺，但bb滿月後先發覺點解自己bb比細一個月表妹各方面都追到，身型呀，頭圍呀，返去政府再檢查就確診咗係唐氏bb。bb爸爸接受唔到，離家出走
睇對眼，都明顯。
我有朋友，個仔2歲幾時，情緒好唔穩定，除咗湊佢嘅工姐姐同我朋友外，任何人都唔可以望佢，一望就喊，仲要全時間要人抱住，唔肯落地(不是一般trouble 2嘅表現)，我建議朋友帶個仔去睇下醫生，結果朋友嬲咗我。
咁以家個小朋友點？
呢啲叫拋妻棄子
3個讚
係IS讀到grade 2時，學校老師發現唔妥，叫朋友帶佢睇醫生，結果係亞氏症。
2個讚
星期日有睇,佢好似冇做nifty or t21, 其實頸皮得75% 準,
我女個陣oscar 都話high risk , 1/9 機會唐氏, 明明係個nurse 度錯, 度左3.5 cm , 一星期後醫生check 只有1.x cm … oscar 根本好多error, 假陽性, 假陰性, 好多人都唔做功課…點做爸媽
幾千蚊$5000-6000,nifty/t21 唔捨得俾就唔好生bb
13個讚
我仔女都係高風險，去到 1/4.x 唔記得啦，係抽血果 part 出事，頸皮完全正常，然而可能相應的荷爾蒙影響下， 我兩胎都無人奶
我女nifty check 埋nifty , 咩都low risk, 出到黎都正常…講真, 做父母真係好多關要過…1歲大左又怕佢自閉
2個讚
唔知佢係幾時生，1x年前我記得T21都算係新新地，當時都未必咁多媽媽知呢樣嘢，我有舊同事都有講過佢唔知。
T21/nifty 係99.x%準，準確率高過oscar 好多，所以我覺得係好值得做。
2個讚
佢個case 係最近1-2 年生bb , 點會新科技, 我個大女5歲, 當時都已經有…
2個讚
我冇睇到條片，如果係近年生，咁大部分準媽媽都聽過了，只係佢自己選擇唔做。
我回應番樓主既問題，係咪驗錯左，醫院有冇責任？其實我覺得冇。因為oscar 呢個技術真係好多年前好唔準，所以以前係多d 唐b。
希望其他準媽媽睇到後唔好心存饒幸政府oscar算，情願其他嘢慳d都唔好慳呢d檢查費。
6個讚
做手術可以根治，但佢地係一個完全正常既小朋友/人，手腳正常活動自如，所以醫生係唔會建議墮胎，因為唔人道，佢地唔係自理唔到架，只係一歲到十幾二十歲要經歷不同手術，小朋友一出世就要經歷手術係痛同辛苦既，但好多成功例子做完都會康復好好
係呀，最嚴重既話係最辛苦，因為父母見到小朋友咁係好難過架，同埋跟住既手術都好辛苦，之前睇左好多呢類訪問，小朋友條路係唔容易行架
所以無論個媽咪點選擇都會尊重佢地既決定
2個讚
係咪自閉對我嚟講無咩所謂，個人認為自閉只係人類進化中重要的一環，我估計自閉人口現時已經超過 10%，當然嚴重的真係都幾慘，但我估最終會變成多數人都係自閉得嚟智商勁高
條片無講個小朋友幾大，只係講佢只有 100cm 左右，我估個小朋友都超過 8 歲以上，就算有 T21 都應該係好新好新的，未普及
個小朋友7歲，當年nifty未算普及，要驗都唔係個個私家醫生有。
2個讚
我個大嘅8歲半，細嘅6歲半，當年都好多人做架啦
大個個興nifty, 細個個興T21
1個讚
讀到grade 2先發現，其實幼稚園嘅時候，無老師發現到?