啱啱喺間consulting firm搵到份front office工，全德文返工兼成日出差同成日瞓酒店，同要捱六個月試用期
有冇人有德國職場經驗分享下
諗緊係咪做幾年拎到eu passport後應該試下跳去瑞士(平均net salary高成倍，計埋購買力平價都係比德國高一大截)或者返香港，如果返香港，有冇人經驗個工作經驗接唔接到軌同叫唔叫到高價？喺德國個人工會唔會對人工談判有參考價值？如果用德國個稅前人工做base喺香港叫價合唔合理？
1個讚
舉例，份工由新人入職年薪70k EUR (單身稅後hkd ~30k)，到五年後應該會上到manager grade，大概稅前年薪120k EUR (未計通漲調整，單身稅率稅後只係對應香港月薪48k HKD，已婚就係55k HKD)，如果喺呢個時候走返香港，按呢個做base換算返香港85k (跟而家EURHKD匯率)，喺香港開返80-90k HKD價位，咁樣適唔適合？定係其實外國拎幾錢冇乜參考價值？因為以我所知consulting全世界價位都唔會低得去邊，包括香港，就算係boutique firm
1個讚
長遠黎講
德國仲難頂過UK
諗清楚
ching喺德國有經驗？邊方面難頂？
Btw 我而家冇得揀，我個second degree都喺德國degree，德國生活都一早適應咗，而德國degree喺德國以外既認受性冇咁高(因為德國唔玩大學排名遊戲，所以啲淨係識睇排名既hr未必了解德國既教育制度)，加埋我未有full time工作經驗，喺其他地方作為一張白紙搵工好大機會俾人年齡歧視(我而家廿到尾)，所以我個事業起步點一定只有喺德國，冇乜選擇餘地
唔係我，朋友
飲食方面
小事啦，慣晒，都係自己煮
我諗你係應該睇返當地market該職位嘅市場價，如果香港manager市價6萬你叫8萬咁你要show到點解要俾多2萬請你做同一樣野，反之亦然，冇理由市價10萬你叫8萬，就算同工種同grade去左唔同市場會唔同價，不過香港人工係偏高嘅，我相信大部分情況係高於外國稅前人工，否則唔會有咁多人唔想放棄香港份工要做太空人啦，當然，若干年後仲是否維持到高人工就唔知啦
OK，因為我聽開啲人喺香港跳槽似乎好多時除咗市場價之外都好睇本身之前搵開咩人工，之後都係用呢個人工做base加某個percentage去談判
但外國份人工可能因為同香港市場爭太遠未必適用？
但係喺香港同一行出咩價好似彈性都好大，所以我想睇下有冇人回流之後真係用喺外國既(稅前)人工嚟做base去bargain去說服hr自己值某個價
未必，當然你個base 要within 佢人工個range, 但個range 有幾闊就視乎每間公司。
相信你亦會target 同德國有connection 既公司，咁你既特有價值先可以開高債，否則平債揾到相近人材，點解比多啲錢。
我係外國做香港公司，人工香港價位，香港比外國高20到30%, both 低稅率。再揾工,亦係香港或中資既外國公司，因為我有既兩地經驗先幫到我開呢個價，否則人地大把人揀，justify 唔到比高於市價。
呢個情況多數適用於跑數嘅工種，hr會睇人工評估你嘅工作能力同埋可以幫公司賺多幾多錢，如果一般regular salary工種都要睇市場價，當然你心中價高過市場價就要show俾人睇點解你值，呢點就應該全世界通用
1個讚
返工都係一買一賣，德國橙賣$10, 香港 $5 買到，點解要比$10? 除非特別甜？ 大公司HR 都請人過老闆亦要過internal audit, 解得通先得㗎
1個讚
明白 
不過假設香港冇極速衰落應該點都搵多過德國
另外有冇人都喺德國或者歐陸其他地方返過全職工有經驗share下？
真係咁少人喺EU？雖然唔係英美澳加咁熱門，但我諗住EU都唔算冷門，而且德法荷呢啲應該係EU中既熱門，讀書又近乎免費入籍又容易，好多人喺到留學之後直接做嘢先係 
呢度媽媽谷，係少啲外國打工人仕架啦。我識得喺EU嘅香港朋友無一個係媽媽
不如你搵好出名嘅「港女德國扮工」facebook啦。
講下人工問題。我親人做IT，去過香港，北京，新加坡，倫敦等打工/搵工。人工方面，如果係人地刮角，人工會參考上一份工。但如果係自己求職，人工就會跟返當地工資，可以仲低過香港價。
1個讚
我知啲跨國公司，香港office出嘅人工反而會高過紐約/倫敦 office。因為香港本地請嘅人，都係想借份工移民，少人想留低；白人又唔係咁肯被派到香港咁遠。
白人都係因為香港人工高好多先肯來啫，如果想搵錢冇地方好得過香港
Hello 可唔可以請問下你係咩background? 自細喺香港讀德文或者 German Swiss 國際學校再去德國讀大學? 我小朋友而家3歲, 機緣巧合, 我搵到一個playgroup 係全用德文, 佢好中意啲老師, 都上得唔錯, 可以繼續. 我純粹想知道多啲如果德文學得好, 將來條路可以點行… 唔該你!
我唔係樓主，不過我朋友個仔中學讀咗一半，就去咗德國讀書，然後打算免費升上大學。
我係香港讀大學跟住過去讀master，但本身喺香港讀bachelor嗰陣已經去過德國exchange跟住考咗C1，之後就再去德國讀書同搵工。德文學得好既可以選擇中學去或者去讀bachelor，前者唔清楚但後者係唔洗錢。本身我想bachelor就去讀工程但當時唔識德文，而德國bachelor program九成以上都係德文。master program同PhD多好多英文，但問題唔識德文喺德國係極難搵工。另外都可以揀去奧地利或者瑞士德文區讀書，但如果想喺本身同eu/eea冇任何家庭聯繫或者citizenship既情況下留低搵工，德國係最好選擇。所以如果你提供到德文環境畀佢，你可以考慮畀佢喺香港學到C1以上，如果佢有歌德C2/TestDaF全4以上/DSH全2以上，德國大學係會認佢德文程度，喺德國升學基本上無障礙，因為佢哋大部份科都係zulassungsfrei，即係對成績只有最基本要求，我當年睇係要求DSE全3就得，除非申請一啲熱門科例如醫科、牙醫、藥劑、獸醫、法律、心理等等(因地區同大學而異)，就會係zulassungsbeschränkt，即係會對成績有要求，醫科好多時Abitur要1,0，唔夠分要排隊，可能要排成7年，而且等候期間喺德國唔准讀大學。如果想喺德國發展建議讀STEM科，或者商科(作為外國人會難搵工過STEM少少，因為你要同大量德國人爭，但係德國人愈嚟愈少人讀STEM)，最好唔好讀文科，讀文科低人工事小，但太低人工係搞唔到工作簽證。但純理科反而冇乜所謂，尤其是係math/physics呢啲，喺香港乞食但喺德國係算易搵工，甚至平均人工係算高，有時可能比傳統engineering/business更高，我自己都係呢方面出身。醫科/法律呢類雖然係高人工，但冇香港啲醫生律師咁天龍人同咁blue blood，計性價比未必值得，因為稅後人工其實都係爭嗰少少，而且要通過Staatsexamen，即係國家執業試，過唔到既話搵工仲慘過普通科出身。想易搵工而家係IT，但係你個仔或者女大個嗰陣已經係廿年後，到時咩世界冇人知，要到時靠自己research。
另外德國唔讀傳統大學都可以揀Ausbildung(學徒制)或者duales Studium(讀書同時喺有學分係要喺企業打工完成)，喺德國國內認受性一樣高(但如果要喺德國以外發展就要諗清楚)。
話說德國而家準備開放到你有B2德文可以住3年入籍，當然前題你要有合法居留同有份工可以support到自己，所以唔驚學德文而且可以喺德國搵到份足以令你拎到visa既工(而家嚟講一般要求人工稅前3000歐一個月以上，而且要同你本身專業對口)，可以考慮。
但如果係諗住讀完回流既話，咁就真係唔知，我完全唔清楚德國學位喺香港搵工既認受性，不過唔洗諗咁多住，廿年後係點冇人知。
5個讚