原來係咁，我都冇留意呢到係家長谷，去錯咗地方 
係香港某d直資學校有得學德文法文，都有家長舖路去個邊免費讀大學，前提係個語言要掂先得
如果由細學到大唔會難得去邊，尤其而家上下youtube或者上網識個朋友就可以日日練
我呢啲成咗年之後先學就辛苦啲而且成世甩唔到口音，但本身有英文底都冇啲人講到咁難，我覺得德文易學過日文先，我考咗個N3就冇心機學
日文開頭就易，一學到文法敬語時態，複雜過英文好多好多，一句說話幾百萬樣講法，但德文好似都好難，特別係發音
日文係孤立語系，最多係多漢字借詞，但文法同思維邏輯完全唔同中文
但係德文同英文都係日耳曼語系，其實只要識英文，德文就冇乜問題
發音唔難，因為德文係見嗰個音發嗰個音，英文發音規則基本上係點串同點讀冇乜關係，所以牛津字典先要每個字標國際音標，但學德文識音標係冇幫助，德文字典多數都唔會標
其實大多數歐洲語言都係咁，係英文特別古怪
2個讚
多謝你好詳細嘅分享
既然佢中意, 老師又好好, 會繼續上下playgroup 先~
我細個冇學phonics，而家有d字見到未必讀得岩，呢樣好痛苦
學多樣語言肯定冇壞既，不過係咪俾佢過德文國家發展就最好做足嗰邊既各種research，唔好太倉促，嗰邊有好多嘢未必符合我哋既期望亦有自己既缺點
更正：因為基民盟等黨既猛烈抨擊，執政社民黨應該會將新移民法案三年快速入籍既要求提升到德文C1水平，唔係B2
而C1其實喺香港好難達到。不過如果有德文底再去德國，應該唔會太難。
1個讚
英文呢個問題特別嚴重，其他好多文啲phonetics都好簡單
例如其中一個發音規則最清晰最簡單既係俄文，俄文字母本身就係音標嚟，只要記咗重音喺邊到就肯定唔會讀錯