有個親戚生活水平好似普通人但其實佢好有錢，香港屋企四千萬，有其他屋收租。
佢有間深圳屋，買個陣三百萬，升到四千萬，佢就咁放喺度當渡假屋。我就話賣左佢，就算你買返一千賣既樓，有三千萬洗都正啦，就算拎唔出大陸，係大陸洗都過到世。佢大陸仲有其他屋同鋪。但佢話賣左啲錢都係洗左佢，不如留返啲磚頭俾下一代。
我覺得好神奇，佢平時係香港都好慳，買餸又要格價，但明明大把錢洗，佢下一代都係正常人生活做嘢，仲要份工都辛苦唔係就咁過日晨。香港中產有時食下buffet去旅行個啲佢哋都覺得貴。但明明勁有錢，買樓個啲係full pay。
呢啲想法係咪好奇怪，定上一代有錢人都係咁？
我唔係有錢人 
我諗同個人成長背景、經歷，生活習慣有關
後生時努力搵錢積穀防饑，之後生活豐裕後都會慣左應洗則洗既模式
我諗佢地都會有豪洗享受生活既時候
我都唔係有錢人啊所以我覺得好神奇 
我好熟佢哋，就係佢哋從來都唔豪洗嫁，著一件衫著十幾年。不過買車買樓個都可以叫豪。但就唔會係享樂上面豪。
豪在大ITEM上 
我都覺得居住環境好重要，家係最舒服放鬆既地方
車，我諗好多在男人心中係佔一席位，身份象徵
但佢話話賣左啲錢都係洗左佢，所以唔賣放磚頭。呢個想法我真係唔明，大部分人做嘢都係為錢，但佢竟然有錢都唔想洗錢。
同埋佢都唔怕啲錢拎唔走。
深圳屋應該有價無市
有親戚都係咁，
香港有兩層樓揸手，大陸又有兩層樓揸手。
銀行存款都過千萬。又有車（大陸）
全部都係收租用。
平時生活好慳，
買餸要格價，
倒野會比佢鬧。
重每日朝7晚6咁番工。
紅日先放假。
更唔中意出街食。
乎合國情
依家賣左樓D錢都係O係返銀行得返堆數字，O係銀行既數字即係黨既數字，即刻清零都得。
咁不如留返間房點都有得住好過。
佢既金句係：勤力啲做慳啲洗。
我識人都係咁。不過後生D，未到60。
生活習慣慳開，又唔係炒樓人士，咪覺得唔需要賣囉，或者人地真係需要大舊錢時自然會套現啦
我覺得佢只係以為愈升愈有
覺得佢間屋仲有排升
反正唔等錢使唔急於套現
可能到子女繼承呢個物業時已升到五六千萬
深圳樓癲升果浸已經完左
如果宜家放左呢度買左一千萬樓
咁新買既樓有爆發性升幅既機會好小
好難買番有一樣升值潛力既資產
已解釋左點解佢唔賣
就算無價極佢買入咁低都無得輸啦。
一模一樣
但我就諗咁係大陸洗，買下啲金手袋手錶用下都好過就咁放喺度。
封關三年佢屋就咁放喺度。
依家賤賣都未必有人肯買, 某地大把店唔洗比租淨負責比雜費都無人啃…
好偉大 我自問做唔到
之前未爆個陣已經有agent叫佢三千萬賣唔賣，但佢話佢唔係炒樓唔賣。我覺得好勁真係視錢財如糞土。佢俾我感覺真係唔係唔係等升值，係真係要錢都無用個種感覺。
都係，同佢三年無返去都無問題，我覺得佢返去都唔係必須。仲有啲車放喺度封塵。