需要錢個陣就應該好難賣，宜家都難。
好多父母都會打算留返層樓比仔女
或者人地本身都大把現錢呢
佢哋打算剩返啲錢比仔女？
我突然諗起個例子
幾年前有傳媒報導新蒲崗定邊區有個阿婆
成日話自己無錢四圍叫路人俾錢佢食飯
阿婆只收現金
試過記者唔俾錢俾飯盒佢問佢做乜成日問人拎錢
佢就拎飯盒掉記者發脾氣
事後俾人查到佢有一至兩個物業響手
我想講有無磚頭響手
經濟豐裕既人
都可能會一直嫌自己錢少
我知啊 但佢唔係一層留返，係慳自己然後所有物業同錢就係為左俾下一代
係大把錢但好慳
所以呢個現象好似成日發生係上一代有錢人身上。
有d人鐘意儲資產唔鐘意賣，又唔係等錢洗，佢地錢多到可能當分散投資。
3個讚
窮人做嘢為金錢, 富人做嘢為資產.
窮人金錢多資產少, 富人資產多金錢少.
窮人賺錢為快感(享樂), 富人賺錢為成功感.
3個讚
有錢人有錢唔係冇道理。
應使得使，識得投資，最緊要係唔會亂咁使錢。對於好多真正有錢嘅人物質已經唔係追求嘅嘢。
（我中產，仍然追求旅行，買玩具）
等如你餐餐都有飽飯食，你唔會好似貧困世界人民咁樣目標食飽啲。
我認識一個朋友，香港嘅隱形富豪。佢公司啲人話佢，
$2000 樓下支出需要佢噏頭。
$2000萬以上交易需要佢噏頭。
中間佢就唔需要問佢。
佢哋公司交易金額好大，但係公司真係唔會亂咁使錢，小數怕長計。積聚返嚟嘅財富通常就係喺呢啲地方慢慢溜走。
我都係追求呢啲。但佢哋係無去過旅行咁濟，但仔女都留學英國，我都有留學，佢地畢業個陣先去睇畢業禮。平時都要返工，我覺得人生咁樣好沒趣。不過都係我咁諗，佢哋應該無感覺。
香港有唔少人都係咁。我隔鄰長期冇人住。
1個讚
佢自己洗錢慳儉呢個我都理解
「窮人思維」係會覺得所有洗出去嘅錢都係減少財富同時唔會增加快樂，所以只會洗喺必要嘅嘢度。有啲覺得投資炒樓係投機，tricky 嘢所以唔會接觸。
但下一代呢個就有少少唔明，可能佢地覺得人生就係要辛苦？
年幼年青時窮過的50-60後係咁
1個讚
因為啲錢都無過下一代手，但幫哂佢哋俾首期買樓。同埋唔洗擔心供樓，必要時就會俾錢佢地等佢地快啲供完。但買個啲都唔係豪宅。
同埋下一代都要做生意行唔開，不過對比上一代，下一代已經識飲識食左。
錢係佢，資產都係佢，佢鍾意揀點過生活真係佢自由，最重要係有得揀，好多人過緊佢嘅生活純粹真係因為窮
1個讚
我會一時時，如果係返工就鐘意私家車，但放假唔趕耐唔耐電車地鐵我都可以。巴士唔多人有得坐就ok, 食嘢我只要好食就得，街邊魚蛋都like，衫就平貴都ok。但我唔係追求生活感只有對某啲嘢有preference。
不過個有錢親戚都同你一樣無咩物慾既感覺。唔係貶意。
1個讚
係呀，所以我都話只係我個人感覺。但我同佢都熟，我怕佢宜家唔賣到時啲錢蝕咗咋，佢仔女都係話由佢。
又好奇問下點先可以做到有錢人？
冇父母幹嘅話就係要靠自己，咁要靠自己就要由細就已經要目標清晰，知道自己要啲咩要點樣做
但普通基層父母淨係會識得要求仔女努力讀好啲書，將來就可以咩咩咩咩，但俾唔到其他個仔女，例如點解讀好書就會成功，例如點樣可以好好管理金錢
咁正常香港嘅教育都唔會教，普通老師亦都唔會教，拎到高分就得