精神需要協助, 狗狗走咗, 求對話, 極負

Sorry, 我唔知可以同邊個講

我家狗狗尋晚走咗, 已經搵咗善終公司接走咗佢
我食緊晚飯時, 我哥打黎話狗狗好似死咗, 叫我即刻返去睇下
我返到佢, 見到阿媽抱住toby(狗狗名)
佢係死咗, 我見佢瞓嘅地方有叉燒粒, 有啲水漬係叉燒粒旁邊
跟住我抱起佢,放係地,嘗試做急救
按心, 吹氣, 了口腔, 但都係無反應
我掂到佢條脷心知, 佢走咗啦
但都係想試多陣

現場種種環境都話比我知 (唔想再詳細形容)
係我媽喂嘢比佢食
佢唔知食到啲咩, 濁親
唔肯定 窒息 定係驚定滯嚇親心臟病發而死

我當下真係忍唔住問, 到底你地比咩佢食
我媽知道我意思, 佢都覺得好唔開心
我將想講嘅嘢, 吞返落肚, 無講出黎

我有好努力同自己講, 唔好再諗佢點解會咁樣死法
佢係老, 但好健康, 行得, 食得瞓得
開心時仲會轉圈, 跳住咁行, 仲好似bb咁

我執好晒佢啲嘢, 明明我一開房門口嘅開心小可愛, 而家見唔到佢, 我好唔開心
但我媽係都要攪啲嘢出黎, 放埋toby張善終公司單係我檯面

頭先見到鄰居, 佢就講咗toby死呢件事比人知
鄰居話咁突然嘅, 佢好健康架

我真係忍唔住又諗起, 叉燒,佢瞓嘅地方
我無出聲, 但心中又諗起, 如果唔係我媽亂比嘢食佢
Toby唔使咁就走咗去

Toby當下一定好驚
因為之前都有試過咁樣濁親, 我見到佢即時幫佢了返舊食物出黎, 咁先無事, 但toby個樣係好驚, 抱住佢, 呵返佢, 安慰下佢, 讚佢good girl, 就無嘢啦

我好明白, toby完成佢今世使命, 可以做個開心小天使
但我好嬲我媽, 點解你係都唔聽我講
要比人食嘅嘢比toby, 要係好驚, 無人係理到佢, 幫到佢嘅情況下咁樣走

總係要迫人面對一啲, 我都暫時處理唔到嘅事
好撚攰
(食咗粒藥, 無咁難過咗瞓咗一晚, 然後發咗個惡夢, 自己嚇醒咗自己)

節哀順變
你有無宗教信仰,可以為Toby送上祝福。
另可能處理後事先,再慢慢平靜下心神。

事情都發生左,先完成善後工作。

一個唔小心既意外
你有責怪家人都係合理
你感覺非常難受,亦係非常合理

佢有你呢個咁關心佢、對佢好既主人都係福
雖然不幸地提早離開,而且離開既過程痛苦
但唯有希望佢可以去無痛極樂

比自己難過一段時間,接受自己既感情
再慢慢沉澱

無, 無宗教信仰
不過, 如果相對易講出口
我會話佢去咗彩虹橋, 做個快樂小天使
我有對住toby講, 唔使再驚啦, 而家無事啦,
(佢識無事點解, 咁佢個身就會唔震, 唔驚啦)

2個讚

Sorry ,唔知講咩安慰你好,你會唔會想唸經俾狗狗?或者搵傳心?

完全明白你感受,我毛孩走左超過十年,間中仍然會夢到,仍然會流淚……

一個本應可以避免, 唔會發生嘅事
前一兩年, 我都準備過下, 諗住佢百年歸老
安心走, 我會點, 有咩要做

但意外就係咁, 突然殺你一個 措手不及
尤其係屋企人做成, 仲要係一位有病嘅老人家, 自己阿媽,
無得怨佢, 鬧佢, 話佢
因為佢有病, 佢都唔開心
我要屈埋係自己個心到
想收埋自己係房, 處理下啲情緒
轉個頭我阿又叩門
問我呢樣點,個樣要唔要
一係就叩我哥房門口, 問呢樣問個樣
大家都無得精神上休息

Toby黎到我地家,我覺得我地家都好幸福
佢帶咗好多 歡樂比我地, 甚至鄰居, 同屋苑, 路過嘅人都鐘意佢, 見到佢會笑, 話佢好可愛, 好得意
Toby自帶幸福散播能力, 有佢出現, 周圍嘅人都會笑
佢不知不覺間, 都幫佢自己做咗好多好事
但點解佢要走得咁痛苦

佢而家自由啦, 唔好去輪回, 留係彩虹橋, 做個無憂無慮小天使

有心
我有諗過唸經, 不過我一來唔知念咩 (唔識呢方面嘅事)
二來我怕我半途而廢, 佢會因而唔好

傳心就。。。唔啦
我想像到, 我一定會問發生咩事
Toby會唔開心咁講
傳心師亦接受負能量
我亦唔開心

每位可愛嘅毛孩
係我地佢為寵主都係最最最愛
以前我朋友讓過隻狗狗, 我都對住呢隻狗狗成一個, 有日佢主人通知我, 狗狗自己走咗, 無再返黎, 我到而家都係會掛住佢 (但呢隻狗狗應該唔係度啦)

你作為寵離就更加, 每日都見面, 互動
我地都好愛佢地, 反之
毛孩亦都係
唔捨得都係
佢地永遠都係留係我地個心入面
每個動作, 每次抱抱錫錫, 個份溫暖, 無其他嘢可以代替

唔緊要,你可以照跟住唸一次,再迴向俾狗狗,大約2個鐘,你可以分開一個月唸都得,半途而癈都冇問題的。
試下。

1個讚

請問有冇經文名可以提供?
(Try to keep myself busy, then I wont spent too much time to think too much)

1個讚

節哀順變

我都經歷過,每隻狗仔都係獨一無二,只有時間可以令你好受d

Sorry 唔記得Po

係, 每隻狗狗都不同
但佢地都係永遠都係人類最好嘅朋友
時間。。。 可唔可以快啲過
咁痛苦就可以唔使咁耐

2個讚

唔使sor
唔該你

喊到就喊下啦,我之前有隻都係意外,幾個月食唔落嘢,真係要啲時間處理

講哂出黎就好:heart:
相信家人都一樣難受
希望狗狗做無憂無慮小天使:heart:

同你媽媽講以後唔養寵物,費事累多一條生命

2個讚

時間會沖啖
我明
只係而家仲係好難過
我開門見唔到佢
返屋企, 下意識都會諗起佢以前會汪兩聲, 再搖尾巴咁迎接我
佢瞓係鞋櫃旁, 而家個位吉咗
好後悔尋晚一嘢扔晒佢啲毛巾, 被
而家想留返好暖毛巾比自己都唔得:sob::sob::sob:

我都明另外兩位都好難受
所以大家返到屋企都係各自返房
第一日就唔想太chur
比大家冷靜下

(除咗我媽係咁攪toby啲嘢之外
我知佢都難過, 但佢就係病咗都唔理其他人感受
我喊, 佢叫我唔好喊, 唔係嘅話佢都喊, 喂呀
我連喊嘅權利都無嗎? 我喊都唔得嗎?
喊都要顧及你感受嗎? 唔係你, 我使咩咁樣喊法

我轉個身返入房喊, 個心好撚拿住:sob::sob::sob:

佢會架, 佢會成為可愛嘅小天使
佢今世幫到好多人, 帶咗好多笑嘅機會比大家
佢未desex之前, 有人叫我帶佢去做狗醫生,
但因為未desex, 所以無做)

3個讚