精神需要協助, 狗狗走咗, 求對話, 極負

我媽今世真係。。。。

太多好心做壞事

再養其他生物
只會害咗佢地

我唔想咁殘忍, 其他生物都受害
亦唔想, 阿媽再作更多惡
(我明佢無心, 但佢只為自己嘅性格,
真係會為別人帶黎傷害)

喊下啦,生命就係咁無奈,take care :people_hugging:

1個讚

想喊就喊啦,情緒真係要發洩出嚟㗎,唔係好屈住屈住!如果影響到媽媽,就入房冷靜吓

Toby生前有你咁錫佢,佢一定會知道!佢都一定唔想見到你咁傷心!佢依家喺彩虹橋做緊小天使,唔會再驚驚㗎喇!

至於你媽媽方面,畀啲時間大家,如果佢嘅行為令你辛苦,就冷處理住先,先整頓大家嘅心情,遲啲大家心情都平復啲嘅時候先傾返,要佢知道佢做得唔啱。有時老人家當面實會deny,但佢應該知道自己有唔啱嘅地方。

1個讚

兩個都係親人
如果我係你都會將想講的說話呑返入肚,講左只會hurt媽媽,令佢更內疚,而toby都唔會翻生。

只有自己一個人喊下,喊既時候先將想講既野講出嚟,或者私下同朋友/兄弟姊妹呻下會舒服啲。

toby應該都好錫你地一家,佢應該想見到你哋開心,唔想你因為佢而同媽媽有隔膜。希望你哋一家齊齊整整去送佢最後一程,佢喺天上會望住你哋。🥹

2個讚

明白…了解…
你唔好嬲伯母喇,佢冇想到會咁,我隻狗走果時,我都好自責好內疚。難過左好耐…. 直到有日,有人同我講……個天要狗狗走,就要走,點樣走只係一個形式。就算伯母冇餵叉燒佢食,佢可能遇到其他意外而走。

先同媽咪保持距離,整理好自己情緒先:cry:
有時佢哋完成今世使命就走喇,我有隻貓都係毫無先兆下離開,本身健健康康,有日我同個女出咗一日街,返到嚟貓貓已經得返硬咗同唔再溫暖嘅身體
寵物絕對係我哋家人嚟,呢種痛,幾多年都唔會好得返……明白你有幾傷痛,但再諗媽咪做過咩,改變唔到結果。人個心好細,我哋留返啲位嚟安放同佢美好開心嘅回憶,感激有幸遇到咁好的家人,期望佢哋離開後繼續做個小天使

3個讚

你媽始終都係顧住自己先,連喊都管住你

唔好理佢了,但一定要比佢知係佢累死Toby

絕都要

我真係好難唔嬲佢
我成日都同佢講, 唔好再餵人類嘢比佢食
唔聽,
我執Toby 嘅嘢
睇到啲 vet invoices我就諗
每次toby病, 唔舒服
大家都會好擔心, 帶佢睇醫生
急症, 通宵, 大家都會等
帶toby去街, 食嘢 (睇我地食嘢)
都係想佢過得開心, 過得健康

點知, 就係我媽。。。
我知佢錫toby
但有啲食物, 太大件, 唔岩佢食, 太味重, 唔啱佢食
我媽都係要整細粒, 然後比佢食

咁同整死佢有咩分別?
我返到黎嘅叉燒, 水漬,
隻狗係為食, 但我媽係咪都比佢食
之前啲麵包呀, 豆沙餅呀, 係我睇唔到嘅情況下
都比佢食
你自己肚餓, 咪自己食囉
做咩你要比啲佢唔食得嘅嘢佢食
Toby好細隻架咋, 小小份量都足以致命

我解釋咗無限咁多次都唔聽我
好撚掛住我隻肥嘢
而家我見唔返佢啦
佢又走得咁痛苦, 咁孤單, 係點解呀

我點會唔嬲佢
我仲有好多地方想帶佢去
我想睇見佢開心咁同其他狗狗玩
做隻可愛活潑小狗狗:sob::sob::sob:

佢係lonely xmas 咁走
就算佢叫, 我媽都聽唔到
單身狗咁走:sob::sob::sob:

佢知道, 呢件事
我再鬧佢都。。。 只會令佢個病更差
想同佢講嘢, 但又唔想同佢講嘢

生有時,死有時,如果未到時間老天爺唔會比佢走,唔好怪責媽媽,小天使去左好開心地方,佢會一路守護你,將來大家會見翻的,節哀順變!

咁基本上你阿媽係特登整死佢,同佢有冇病冇關,佢真係有病邊有精力啄碎食物比隻狗?

你唔好再養動物了,累死啲生命

你唔凶狠對你阿媽你都係幫兇

我知道難聽,但你都好大責任。Day 1佢開始餵,唔聽你講,隻狗病完你已經即刻要送走佢,一係帶隻狗離開,等到今日你媽仲扮無辜話你喊佢又想喊,真心pk一個

Sorry我對於無辜被犧牲嘅生命感到憤慨

叉燒,豆沙餅,聽到我個心都撕裂

你哋唔好養動物啦,佢哋已經好慘

佢有嘅係精神病
焦慮, 抑鬱 +早期腦退化
佢唔係手腳郁唔到, 佢自己都有個人思想
唔通我綁住我媽唔比佢郁? 咁就係對狗狗好?
我凶狠, 係對我媽唔好
我唔對我媽凶狠, 係對toby唔好
你想我點揀?
我估我無話過佢咩?
我都想問下, 係咁嘅情況
你係咪同我有相同問題嘅人,都對自己阿媽凶狠?

如果你係想講佢在生時唔帶佢走
一)你又有冇諗過, 我唔想帶架?
我都想帶佢走
但toby心目中, 我唔係第一位, 我媽先係第一位
如果我帶佢走, 你覺得toby又會開心咩?
我帶走toby, 你估我媽會開心咩?
二)我個度唔比養狗, 你講就輕鬆, 但香港有幾多業主唔比人養狗你知唔知?

如果你係想講
佢死咗我扔佢嘢
我除咗瞓, 就係喊, 全屋人見到toby嘢都唔開心
見到張被有個舊叉燒真係我好火滾
我早早執toby嘢, 早早送出去, 早早將啲福回返比toby
希望佢可以積多啲福, 唔使亦唔想佢再輪回做人好, 做狗好, 就只係想佢做個開心小天使, 咁先唔需要再受人間嘅不幸
(係呀, 我覺得做人好辛苦呀, 我都唔想toby如果轉世做人受到苦)
我一係唔做, 一做呢啲好快手, 因為我知時間耐咗, 你再見到有關佢嘅嘢,只會再想起唔開心嘅事
要收埋嘅, 收好佢, 要送要扔, 盡快, 對我黎講, 呢啲嘢, 唔想拖, 休息完一日, 唔想做都要做, 你我唔知
但我好清楚我自己要點做, 做啲咩

1個讚

俾啲時間自己
有很多事情令人無奈

情緒要時間沉澱

1個讚

抱抱你,呢個係一場意外,相信你甚至你媽媽都唔係有意令toby走左,作為主人你會比任何人都傷心,但希望你都唔好自責,toby有錫佢既主人已經好幸福。
至於你媽媽,而家啱啱發生一定係心入面好有埋怨,係好正常。暫時先同佢保持距離,等自己心情好番少少先再諗點同佢溝通。

你今日好啲嗎?
聽你咁講,Toby同媽媽感情係最好,媽媽應該都好傷心。
我之前講我隻狗意外走嗰次,其實都係家人大意,佢哋冇收好啲電線,我之前都係同你一樣,同佢哋講過好多次,我隻老狗18歲,老狗痴呆了,盲中中,會纏到啲電線,叫佢哋收好啲。
但係就係咁,我一個人返到屋,就見到。
但我冇講到真相俾佢哋知,只係話佢自然咁走左。
點解我唔講,因為我知意外冇人想發生,大家都好愛錫佢,講出黎屋企人只會自責內疚,令大家加深痛苦。
所以當時我選擇唔講,過左幾年先再講返。

其實我係想講,Toby絕對唔想你咁樣,不如原諒你媽媽啦,好冇?

2個讚

我都想安慰你,但你哋真係同謀殺冇分別,尤其是已經不止一次

好我收口,起碼對你會好啲,我啲說話你唔會啱聽

樓主,養寵物其實好多人會大意,因為有時當左佢係人甘,我都試過小貓醃後幾天離世,我覺得係因為自己對佢傷口處理唔夠好,當時真係哭到呼天搶地。

生有時,死有時。 你狗狗已經完成佢任務,上天要佢去一個更好的地方,你要釋懷,唔好再怪責邊個,大家都唔想,其實你隻狗都老,你起碼唔使經歷佢老時病重的情況。

1個讚

我個毛孩仔噹噹上星期都走咗,今日走佢最後一程
好唔開心,自責內疚中
我覺得係因為我令佢走㗎

anyway,我冇宗教信仰,有一個師傅朋友話可以抄寫“般若波羅蜜多心經“
最後一句我咁寫:願以此功德迴向愛貓噹噹,希望牠早登極樂,一路好走,脫離畜牲道,落入人道。早日投胎,做好人家的孩子

呢10年來,我家有幾個毛孩走左,每次都有抄寫。送佢最後一程時,俾佢一起帶走。

2個讚

係, 又執下自己房, 又執下toby嘢
好唔舒服咁食咗藥
之前約咗 輔導員, 我都加長時間
肚餓食咗嘢, 口渴飲汽水
提自己記得呼吸

當諗起點解, 提自己唔好諗
無答案, 想喊就喊

開始要提自己唔好再咁廢
趟平會無人生, 無機會識新朋友
咁樣toby係橋上面會反我白眼

廢多排, 廢多排

2個讚