記得之前有人提過家長對小朋友嘅興趣班迷思
其實所謂嘅迷思係指啲咩？
如我要求小朋友一定要學一樣體育活動，因為想佢地活動多啲，長高啲；而且我自身經驗係去到中學想入xx隊時發覺體力唔夠細個有玩開運動嘅人（即係同樣係初玩排球，細個有玩開田徑 etc 嘅，體力速度反應總好過由細到大都無玩咩運動嘅我）而且團隊運動亦可令小朋友tough d, 及多一班波友。
所以我呢啲算唔算迷思？
又，去到我讀大學，眼見識音樂嘅，識畫畫嘅，上庄時係creative d, 或有時可係hall同hallmates jam下歌，咁我希望小朋友學音樂畫畫，途中可能想放棄，但長大某一日可能會享受返，咁呢啲又算唔算迷思？算唔算燒錢？
係咪姐係stereotype?我覺得每個人都會有啲主觀感受。
有能力咪俾個小朋友試多啲，最緊要係小朋友feedback要聽。例如佢覺得彈琴原來好辛苦既，咁就唔好迫佢。佢覺得跳舞好玩，咪俾佢跳。
講到明興趣班就當然要有興趣先讀。要佢長大先有趣既咪長大先讀。
同埋你見到既只係結果，eg 某人體力速度快，你就覺得佢係因為佢做左某樣運動。其實可能佢天生就速度感好啲。
其實天才係人羣堆中只係極少數
即使我小朋友而家俾人話極有天份嘅野，真心，我係佢好細個時有引導過重視過
好小聽天才係俾啊媽迫出嚟。天才不嬲都係小數。
我無話唔好引導啊，有講要咩都俾小朋友試吓，但引導都要聽小朋友feedback, 兩件事。
我無話過會唔聽，上面已提過預小朋友中途會放棄
咁無問題啊，個個都有stereotype
好多出名嘅亞裔音樂家，都係細個俾阿媽發現天份，然後迫佢成材…
我老公認為，任何天份想成材，當中都會遇上樽頸位，就係要好努力先可以突破，呢個時間如果小朋友年紀少，好容易放棄，又或者根本唔鍾意練習
佢有少少怪佢阿媽當年無迫佢，佢想放棄就除得佢放棄，到自己睇住個仔學音樂，先再揾老師學，考返個8級…
不過，點迫阿仔都係唔想練琴，阿仔考到6級就唔駛佢學…
迫到佢成材》成功例子
迫到佢憎你，發顛》失敗例子
所以人人都有stereotype，未發生既野總係有無限可能，適當引導，無愧於心咪得。一樣米養百樣人。
我覺得都無得怪啊媽唔迫你老公，有小小將責任俾左啊媽既感覺。
我細個都學琴，唔想學同啊媽講就無迫我，我係感謝啊媽既開明既。
同都要睇吓context係點，你話屋企係醫學世家，咁正路都想培育個細路仔係呢方面。但如果你話本身自己都無咩特別但要強迫個細路做就唔好囉。
人好得意，唔知大家有無聽過類似…
作為家長，俾到d自己無嘅野孩子，但就俾唔到自己成長得到嘅野俾孩子？
老公絕對係一個例子，佢覺得阿媽無迫佢，所以佢去迫個仔
但佢無將"自由選擇"俾到個仔
呢d野無對錯，每個人經歷唔同，結果都唔同
係，當時我媽心態都係覺得當時自己細，想學琴無得學，所以佢有能力個陣就想個女可以學。
呢個心係好既，但人人想要既都唔同。
認同呀，每位父母都係想比好嘅嘢仔女，不論係自己童年有嘅定欠缺嘅，我地要提醒自己，要多聆聽，睇下仔女想要乜嘢。
另外對於小朋友學嘢，就更加因人而異，人地聽到小朋友呻會覺得係家長逼佢學嘢，會自動忽略當初可能係小朋友自己話想學、家長唔比佢輕易放棄係想佢學下堅持同突破…
我真係見好多，好似證明人地唔係「好」家長，自己就係正義嘅好家長咁。
有家長同我講過、覺得燒錢負擔重就唔好學….
其實諗落都有啲道理
我哋唔喺香港，從來唔使擔心咩一體一藝，個女六歲開始就俾好大自由度佢去揀興趣班，第一年佢想試嘅都俾佢試，然後篩走一樣又篩走一樣，最後得返游水。
啱啱學校offer 佢哋可以揀樣樂器學，仲可以借埋樂器返屋企練習，完全免費。我同老公兩個勁想佢學，但佢就無興趣。唉心諗嘥哂機會，我哋細個見到同學仔識彈琴或識玩樂器好羨慕，香港學又貴，佢連試都唔想試，我哋都唔會迫佢嘅，希望細女第時仲有機會同佢有興趣啦。
贊同，學嘢係應該要有commitment, 唔係鐘意就掂下唔鐘意就半途而廢，尤其如果係個小朋友自己揀。要放棄都起碼要達到某個目標之後（最好同小朋友傾）。
我仔之前學樂器，要比賽要考試時， 就要同鋼琴伴奏一齊練習，越高級鋼琴伴奏越貴。我成日覺得佢係度燒銀紙
（雖然佢好鍾意音樂）
阿女試過打功夫、跳舞，畫畫…佢最鍾意畫畫，但佢話唔鍾意跟老師上堂，鍾意自己上網睇，所以而家無同佢報興趣班了…
小朋友想學乜就俾佢學，無謂迫佢，媽媽好想迫小朋友，我就企硬唔報。跟本自己都唔係好榜樣，點講得通小朋友要返興趣班?
你迫我去打波，媽媽你有無跑過步? 媽媽你五音不全，點解要我學樂器? 媽媽你幅畫畫緊乜…
平日你就話工作忙無時間，星期六日只係hea煲劇，你都唔努力下呢啲興趣，點解要小朋友努力?
想佢地學琴，搵到個cheap雞電子琴，我完全無學過，上網自學日日係屋企練俾佢地睇，嘩好勁呀但無意欲去學，慳返
細女就媽媽好想佢跳芭蕾舞，係咁睇下啲舞蹈，但佢完全無感覺，慳返
大仔依家睇世界杯，有啲想玩踢波，但我又俾佢睇入樽漫畫，話要同我打籃球，駛乜迫佢? 等到中學見識多左，佢想學野時你想擋都擋唔住
有D呀媽仲慘,迫到仔女成功,但個仔女好憎呀媽 
學樂器真係可以好燒錢
父母是但一個真係要做下榜樣,如果父母都掛住打機睇電話,點叫得郁小朋友