係呀,我女本身學彈琴,屋企已經有琴,學校教多2樣小樂器佢好鍾意就買埋 
點知有1日佢話好想學小提琴,就又買埋小提琴,學左3個月太辛苦唔岩佢,佢拉到但好唔鐘意上堂,於是就無學啦
我女都學緊鋼琴，目標係考到五級，所以好早期已買咗座琴。最近佢話想學小提琴，我同佢傾過，佢唔想放棄鋼琴同其他興趣班，咁好難可以再抽到時間同精神學多樣樂器，所以最後佢決定推遲計劃，話考完五級先再睇下情況。
1個讚
學過鋼琴,小提琴就易上手~
我教音樂嘅朋友都咁講。
如果唔比返d限制同guidelines, 我女會乜都話想學。但錢、時間、精力全部有限，一定要取捨。
3個讚
我小朋友係另一款, 樣樣都唔想學, 總之問親都無興趣
但上起堂又唔係咁唔鍾意 (我係側邊睇, 起碼唔係討厭先), 但問佢仲報唔報, 都實係話唔報
名符其實皇帝唔急太監急 
我仔都係，未上咩都唔要，開始左又好鐘意唔肯停，但返屋企又唔練
最近我都發火，話再係咁就cut啦，唉阿媽好難做
咁計算法好難變成興趣，嘢嘢都要睇成果，佢開心享受就ok啦。
1個讚
我小朋友上幾個興趣班旨在見識多d, 多個興趣, 多個享受, 又可以識多d校外朋友.
當然都可以訓練佢毅力, 明白咩都要練習先有成果.
佢肯練琴, 肯讀劇本背台詞, 會同朋友打籃球踢足球等等. 出色又唔算, 但佢肯做又從中找到樂趣都會繼續做. 係燒錢ga la.
我通常揀d cheap cheap 班上2，3個月先，見佢幾鍾意，有d成績，就會搵d正規小小既班去打好個底。
係燒錢架，所以我成日鼓勵佢地唔好學，我就唔使送又慳返d錢
至於練習，如果佢唔練，但又做得到又做得好，我ok ge. 相反，佢就知味道架啦，個個星期就每日都要練架啦。如有任何怨言，睇返上面個段。
對於練習，都要睇學緊咩，有d真係唔使點練or無得練。而且又要睇老師要求，所以唔練背後都有好多原因，唔可以一概而論。
1個讚
我覺得樣樣都去接觸，唔論精唔精，對於個人修養同見識都係一件好事。
假設情況係音樂，商場背景播放緊 Alla Turca，學過下音樂就可以講到作曲家係莫扎特，採用左 Rondo form 即係頭中尾都會聽到同一個旋律，好似一個循環。
又或者係芭蕾舞演出胡桃夾子，可以講到芭蕾舞原型係一個德國嘅故事，nutcracker 公仔真係要黎夾果仁，點知俾兄弟姐妹夾爛左個公仔下巴。
就算講得唔算深入只係皮毛，身邊朋友或者係見客對象都會覺得你有文化有修養。
而且唔同領域都學左唔同生字，對於讀書時期作文係超級大幫助。
1個讚
我女學琴上堂好開心,老師都有讚佢上堂專心~
但佢其實一星期先練一日琴(專心練一個鐘內),我知道有D人要小朋友日日都練,但係呀女平日要做功課,我唔想為練而練
小朋友學下音樂同體育對佢地腦部同身體成長都好~
我有朋友話細個俾阿媽迫學琴，要學到8級先可以停。最後佢真係考到8級，之後好決絕話永遠唔會掂部琴。所以我引以為誡，唔會迫小朋友上興趣班，但會鼓勵佢地多作嘗試。
1個讚
係，所以我贊成一體一藝，除咗讀書，都要小朋友學下其他嘢，對佢哋全人發展都好啲。
2個讚
如果仔女學音樂， 畫畫，做父母嘅真係除咗畀錢上堂外， 仲要多啲時間陪啲仔女去聽音樂會， 去美術館。 畀多啲機會小朋友接觸藝術唔同嘅表演（達）形式。
5個讚
培養=錢+時間+心機，缺一不可
2個讚