日常都開心，但久唔久就覺得自己咩都差過人。
覺得自己性格、學術、待人處事、湊仔、EQ、IQ、AQ咩都唔夠其他人好, 覺得呢世都係咁。。
自我價值低，覺得人地無嫌我已經好好，唔應該再有咩不滿
呢d 感覺。。耐唔耐就有，要down 一排又自己好d。咁樣係唔係病？定正常低潮期？
1個讚
我都係呀，唔夠人好，有咩問題？
我呢世個理想人設係做個好人，做到我心滿意足㗎了，你估易呀 
7個讚
會呀，久唔欠就情緒低落，覺得可以做好啲，尤其湊仔，成日覺得人地湊得好好，不過真係過幾日又無野，可能m 前低落
我理想反而係做個自私既壞人~ 
4個讚
我都自問呀女BB時我湊得唔好,因為咩都唔識又無人幫 
問呀女佢又唔覺,佢話我係最好既媽媽 
4個讚
係，小朋友一句真係覺得抵返晒，同埋原來得我介意，小朋友根本唔覺
1個讚
樓主，你童年嘅時候你父母有冇讚過你呀，華人社會好多人都有呢個童年缺失，唔知邊個發明小朋友讚得多會讚壞。
好多時父母唔單止冇讚仲會成日彈三彈四，甚至鬧廢柴、垃圾、唔死都冇用等陣侮辱嘅說話，其實好影響小朋友嘅自我價值，可能細個呢件事已經淡忘，個腦唔記得咗但係細胞有記憶，久唔久佢都會彈返出嚟。
而且有好多人內化左成日都覺得自己唔值得被人愛，移咗民我都發覺亞洲人係冇白人咁有自信
9個讚
有時有不如意事就會懷疑自己
當身邊嘅人好積極搵唔同嘅嘢學，而我成日無所事事，連自己報興趣班都計住計住啲錢，我就覺得自己好浪費人生
同埋我社交唔叻，見到d同事、親戚佢哋個個都可以傾一餐，就覺得自己融入唔到時，個自我感覺都好差
不過我諗係正常啩，每個人總有啲時候好啲，總有啲時間低落懷疑自己
1個讚
始終個人負面，好難振作
好好學會欣賞自己，問題會逐漸遠離，一齊加油啦
多謝大家分享。。
知道唔好同人比，不過對比太明顯
一事無成咁
過幾日down 完又無嘢 
每人生活方式不同，唔需要比較
1個讚
都係傳統阿媽。。。彈到子女一文不值咁la
到依家都仲彈緊
話我做咩都無佢做得咁好
不過由細到大咁多年。。自己都有小朋友
可能到依家都有影響到我，不過基本上都當佢唱歌同盡可能唔接觸佢
係。。。我都覺得同人比好傻
都咁大個人仲咁諗
但同時我都知自己缺點多。。優點少 
做人心地善良已經好足夠，你睇吓林奠同陳同佳
完全理解樓主嘅感受，細個羨慕細佬聰明得意多人錫，大個啲羨慕旁邊同學靚女多人追，鄰居有個充滿愛嘅屋企，出嚟做嘢羨慕smart嘅同事受人賞識，到嫁咗仲好羨慕朋友唔識做家務乜都唔駛做，自己被揀中因為自理能力高
認唔認命都好，學習欣賞自己對自己好啲，問題好似逐漸遠離…共勉之
我無論幾努力都唔夠我身邊靠炒賣同有家底朋友有錢，仲要嚟到呢度乜都從頭嚟過，都好努力適應緊，心理調適緊
但上天會眷顧善良人及勤力嘅人，加油
我都係、放棄討好佢、反正做咩都唔會滿意、無辦法減少接觸、但會避免自己再受傷害
我會，成日話要愛自己欣賞自己，但我覺得自己冇嘢可以愛，唔知點欣賞自己，對自己好harsh
1個讚