唔好怪小朋友啦，佢仲細，老實說係香港教育k型，唔係小朋友問題，外國小學好hea, 一樣學到野
同我仔一模一樣, 我仔小三, 小一, 小二上學期既功課佢都仲識自己做, 我放工返去只要對吓就OK, 唔會有太多錯! 但小二下學期尾既嘢開始難, 佢會開始唔想做功課, 特別係中文, 完全理解唔到, 到我放工返到去, 再教埋佢做, 都差唔多9:30, 其實大家都真係好唔開心!! 我放工返去都想輕鬆啲食飯, 陪佢玩吓, 但往往返到去就要趕對功課, 改功課, 有時飯都無食就要沖涼先, 再陪佢瞓覺! 咁樣一個月已經頂唔順啦! 原本我都係想落樓下補習社功課班, 當然個仔唔想囉, 始終我要返工, 佢要落去補習, 我都唔知姐姐搞唔搞得掂佢, 到時佢一句, 我今日唔想補, 唔肯出門口, 你都吹佢唔漲! 最後我就搵上門補習, 淨係星期一至四上門對功課加溫吓書咁…係用多左錢, 但用錢買返時間, 睇吓自己覺得值唔值!! 同埋補習老師都會教返佢唔識既嘢, 都叫左比之前好左, 你可以考慮吓~
我小朋友去課託班, 有一段做功課溫習時間, 之後有集體遊戲時間(每日一個鐘), 勁開心
我仔本身放學99湊, 完全叫唔到佢做功課…(有叫但叫唔聽)
之後去補習社功課班, 但時間短, 價錢貴 (可能做完功課已經無得溫書)
然後宜家課託班, 時間長左, 多左時間溫習, 又有小朋友互動時間…應該一早黎 
BTW, 就算補習/課託, 其實返黎功課都仲有錯, 之前我會食完飯再睇再改, 但又係改得黎都夠鐘訓覺 (佢其實超級攰, 返學+補習+返黎再改)
宜家有啲睇化…總之有做晒就得, 錯左咪改正囉…功課唔計分嘛…
寧願多返啲休息時間做其他野
加油!!
1個讚
樓主抱抱
我小朋友大你好幾年，一樣咁嘔血
低年級努力學習上下課時間表
今年都仲係食老本(幼稚園）
上到小三以為蜜月期，其實儲定功力應付高年級呈分試
我準備外判喇，金錢換來家庭快樂！
咪唔做一次功課返去，睇下佢點， 會唔會係你太緊張佢
小朋友今年二年班, 去咗功課輔導之後, 我輕鬆好多,
去完功輔班都係會錯, 但佢起碼知自己慣性錯咩, 我個人就冇再咁精神緊張
但, 你有心理準備, 默書測驗考試都係靠自己好D