我會講條件，星期五唔做咁做咩先?星期五唔做，星期六就要做，無條件講，再拖多日下次就唔會比佢話事，仲要收緊條款
然後再解釋，唔係想罰佢，而係佢無口齒做唔到自己承諾既事
當佢做到既時候就要提醒佢，你睇下咁快做哂功課聽日又可以玩，你又唔洗比我催又唔洗鬧幾開心etc…
無小朋友鍾意阿媽黑黑面架嘛有得揀那林做哂大家嘻嘻哈哈咪幾好
如果佢係學校好乖。即係都著重形象？如果係咁，直接俾佢試一次欠交，可能試過一次俾老師鬧就會自動自覺
2個讚
其實今年升小一嘅小朋友呢三年返咗幾多日學大家都心裡有數，不如比啲時間小朋友適應，唔好話放棄佢啦，漫漫長路，搵適合嘅方式更加重要，有啲小朋友受軟唔受硬（我仔就係咁），佢小一時我都係每日陪做功課，明明寫得慢都會讚佢寫得幾快wor，啲字唔靚都會話好靚, 同埋你要理解下佢唔想做功課嘅因，知道個原因後要同佢一齊傾下點可以做好啲，加油
2個讚
以前係香港好鬼勞氣,
最後比自由我小朋友
要晚上七點前做晒功課,
七點後想做都無得做(比我收埋)
第二日返學咪欠交囉
我個小朋友 6:30開工 佢會6:59先攞功課比我
每個小朋友性格唔同,攪唔掂可能真係外判,嘔少啲血
樓主，小一生寫時間表好重要！！唔止時間規律d, 你仲可以比個full picture 等個小朋友知道佢全日時間會點安排，做完功課有無可期待既事情會進行！呢樣野好緊要，有野可以期待就可以motivate 自己去做呢個苦悶既功課差事。而且時間表要set 到訓教，講埋夜晚有無野做，否則佢覺得夜晚好得閒就會拖到夜晚。
例如你預佢1.5 hrs 做完功課, 之後可打1hr波, 如果早0.5 hr 做完功課, 佢就可以打1.5 hrs 既波，唔會扣時間，寫得出做得到，咁就可以改善佢既拖延症。
如果佢想同你r 先打波後做功課，你當然會同佢講道理，當你比佢贏，但由於前車可鑑，佢打完波會唔做功課唔守承諾，咁所以先打波既話就只可打0.5 hr。你想打0.5 hr波有甜頭先，定忍住快快做晒功課可以打1.5 hrs 波？打多一個鐘wo!
而如果係星期五想拖星期六，無問題的。又係比2款佢揀，星期五做晒功課，不但可打波，星期六仲可以打半日波bonus 4hrs；否則每日只有1hr, 2日加埋只有2hrs, 你比佢揀。
其實佢咁明顯有樣鍾意既野即係佢有把抦係你手，你要好好利用。
5個讚
最重要，d野係要寫低落黎，要大家都實行。例如時間要點分配，大家想點arrange, 唔好dry talk, 小一生無咩時間觀念佢唔知自己講咩
口同鼻r 無意思，大家寫出黎最均真，大家都睇住時間做人。
佢做得好，day end 真係做晒所有promise 既野，一定要大讚佢，慢慢就識睇鐘做人，守承諾而且有規律。
1個讚
去功課班會唔會係解決方法
你要攪清楚咩原因唔做先
如果樓主要返工
部分內容外判都無可厚非
例如1-4自己協助，星期五請個補習姐姐督促
我係準備時間表個仔，同佢一齊寫嘅，而家仲係返半日學，我就wfh嘅，佢返嚟沖完涼食飯，休息一陣（玩玩具／睇電視／youtube／睇圖書），做功課半個鐘（如提早做完就提早下一項），再休息，之後溫半個鐘書，之後係自由時間同晚飯時間。
到晚上8點會上30分鐘online class ／ 睇書。（一星期有2晚係online class，如果唔係上堂日子就要睇圖書）。
時間表呢樣野我係由幼稚園已經開始，一直都好順利，幼稚園時呢，如果全日都達到（主要做功課溫習同睇書），做到哂就會蓋印仔，儲滿100個就買玩具
學校默書100分都會蓋印仔。
而家去到小學已經唔洗用蓋印仔買玩具方式，都自動自覺跟時間表做野架喇，如果學校假期（閒日）我仔會自己畫時間表，自己會分配時間，佢會叫我開96同99台嘅時間表比佢睇下幾點要睇卡通片，再安排自己嘅時間
加油呀，媽媽
4個讚
唔可以 hea 先，玩創左就唔想做野。啲家庭要小朋友先做功課再玩，啲小朋友都會心散心思思，只係冇俾你睇到呢方面姐。
同小朋友傾下，了解下佢諗法同埋睇下佢明唔明白唔做功課嘅後果同態度問題。
搵補習社唔一定係谷讀書，有啲補習社係功課班，齋做功課。我亦知有媽媽怕屋企多野會分心，小朋友做功課同溫書會去自修室，又靜又有冷氣。如果真係屋企靜心唔到，工人/長老接放學就帶去圖書館自修室試下。
樓上講嘅獎勵計劃都好好架，一二年級會受落！
1個讚
每個人嘅起步點都唔同，我見過唔少細個係超級問題兒童，大個仔後又乖又成熟，搵錢仲多過啲學霸，反而我有個 case, 小學時係奧數隊長，讀精英班，上到中學成績一直跌， DSE 炒哂要讀副學士，成個毒L 廢青咁。
你可能要搵兒童心理科睇睇發生咩事，例如我個仔係資優，心理快同年小朋友三年，所以小學五年級已經係反叛期，無得迫。
從字面睇，小朋友醒目。
知邊個大人可以hea。
有無其他大人佢鍾意？
我既小朋友都小一
我都好似半放棄咁
好彩以前幼稚園個基礎已打，依家只求做曬功課
好彩已建立閱讀習慣，會自己看書
就算考試佢也唔會主動溫，叫佢做練習都難
我也無時間同心力了
其實每個小朋友都需要鼓勵，我小朋友係升小都係，我哋有個to do list俾佢，總之佢完成得多，就會有獎勵，當然啲list唔好太難，但慢慢建立成功感，就會肯做。去到而家小三已經冇獎勵，但佢係知道做晒功課可以玩一陣，溫晒書可以玩多啲，慢慢幫佢，唔好放棄，加油
吓你小朋友已好好
有幾多個小一會主動溫書
我就係覺得佢而家已經好似反叛期咁，心諗到真係青春期都唔知點算，佢係比同年早熟，btw佢應該唔會係資優
除非我同爸爸外，任何大人都會聽 
你放棄佢既成績係一件好事,父母唔需要刻意去叫小朋友去做,放學回來正常小休及玩樂係最好,我的小朋友小學測驗從來都唔會刻意去溫,且都係同平時一樣玩完小休完隨便看看抽樣問下就算. 隔天測完知道結果,啱就讚許錯既無需責罵,指導一下知道錯處下次識答就可以. 讓小朋友開心啲去學習,唔好令佢害怕讀書就足夠.
1個讚
我覺得係聰明既小朋友
先識得小一已經番學一個樣
番屋企就做番自己 
明白好嘔血
只可以講句加油