小一已經想放棄佢

返學明明好專心,好乖好聽話又主動,但偏偏返到屋企乜都唔做,只係想玩想hea,叫做功課叫到嘔血,寧願坐係度扭幾個鍾計,但其實認真做好快就做完,默書又唔想溫,叫佢溫又晦氣,測驗又唔會去溫,真心累

用心去教

可以用咩方法,已經軟硬兼施,溫柔佢又當我耳邊風,惡d又特登同我唱反調

朋友掉個仔去功課輔導班後,覺得命都長返幾年,或者可試下。

9個讚

其實我都有考慮過,不過補習社都唔平,又要找邊間好,問我個女,佢一定唔想去,但佢又唔聽我講,真係無辦法。以前覺得咁早就找補習社好似好谷咁,但而家明白唔係一定想谷小朋友先找補習社,而係唔想傷和氣,日日都激氣

你放工返屋企都唔想掂公司嘢啦,如果會繼續在家OT都係因為「責任感」。小一咁細,有幾多細路真係知咩係「責任」?

做家長嘅慢慢培養返佢哋嘅責任感啦,例如同佢一齊整課後time table; 一齊搵晒要做嘅功課出嚟,等佢好具體知要做乜;試一次默書提佢溫但唔幫佢,等佢默得差會有羞恥心,再「扮」提供方法,同佢一齊溫等下次有好成績…… 不過唔好預咗好快有成效,分分鐘以年計。

18個讚

如果覺得自己會冇耐性會鬧佢,不如將教功課責任外判出去,雖然要預咗可能冇自己教咁貼心,但起碼可以避免傷害親子關係:melting_face:

2個讚

整timetable都可以試下,其實佢放學都無要求佢即係做功課,通常等佢食完飯,hea陣玩夠先去做,係有時果日要出去學野,返黎會無時間做先叫佢快d做,但通常愈迫佢就愈衰。但有時見其他家長既做法係一返到黎食完飯就即刻做晒功課先好去玩、睇電視,但人地小朋友又好似做到咁,所以有時都覺得自己幾失敗

又唔好咁講
今年小一既小朋友其實數下手指都唔係返左好多學,習慣要培養,責任心係要啲時間去學

慢慢黎,開始大個,傾下個時間表出黎
我女今年小二,覺得放左學其實功課係一擺凍左就愈唔想做,反而休息時間少啲啲那林做仲快,同埋比佢知,其實快做哂好多好處,小朋友識揀既:smirk::smirk:

加油呀

2個讚

有幾多人會將自己失敗史攞出嚟講丫。我覺得我個女已經屬於中上自覺嘅小朋友,但有時都會受唔住誘惑會睇咗電視、睇咗書、玩咗玩具先,等到食完飯都未做晒功課。我每隔一段時間又要提下佢,或者review 下係咪太多嘢做太多課外活動,令佢好攰而唔想做功課。

人有惰性,大人返工太攰都會偷懶,何況小朋友?多啲同理心,用平常心去睇件事,對你自己都會好啲。

5個讚

其實唔一定係補習班,社區好多功輔班的。

主要陪/教小朋友做功課,做完可以玩一陣,或者有默書、測驗、考試,會同佢哋溫吓書咁。

我姪女小一就俾佢去,但主要溫書睇功課,返到屋企我哋屋企人都會跟進的。

唔同出面嘅補習班到催谷成績。

尤其星期五…成日都會話聽日先做,但其實到左星期六都唔會想拎出黎做,到左已經星期日,就更加唔想拎黎做,反而星期五快快趣搞掂仲輕鬆

都係既,我諗佢都應該攰,佢好鍾意學打波,成日一打就打幾個鍾,但返到黎就攰晒唔想做,係佢自己提出要好想練波,我就成日唔忍心cut佢鍾意既野,但再係咁,我真係要狠心d cut一次俾佢睇。。。

1個讚

我唔需要谷成績,但求做晒功課就可以,不過擔心有d功輔班會直接俾晒答案小朋友

1個讚

其實週末如果有時間,我建議可以同小朋友妥協,等佢有啲自主權,唔好好似乜都媽咪話事冇自己講,同埋可以學下自己分配時間。

我女有時都有咁嘅要求,我會同佢傾有幾多功課、聽日有乜活動、幾時要做好、做唔晒有乜後果(例如取消出街),要慢慢教佢自己分配時間。當然做家長要講得出做得到,限時內做唔晒話咗冇得出街,就真係唔可以出街(自己都要犧牲下)。

1個讚

咁其實小朋友返咗1-2個月嘅話,小朋友係真識定假識。都會知掛?最多返到屋企你咪抽吓問題當溫習試吓囉。

你咁多擔心,好難搞喎:sweat_smile::sweat_smile:

小一真係要適應
當然都要跟時間表去做 (大人要提)

如果當日有六樣功課
你可以試吓將啲功課分開兩組嚟做
感覺係會輕鬆啲

1個讚

無幾多個小朋友會自動自覺做功課溫書
仲多小咁細個,初小係需要陪讀
俾d時間自己同小朋友慢慢適應

有幾個因素

認同!
我小朋友小一要坐喺隔離陪住做
唔係唔識做喎
係要我坐喺同一個空間陪住先會做 :joy::joy::joy::joy: