呢個真嘅，先唔講事件性質對錯，做人幾時都唔應該長年累月咁花太多時間喺唔認同自己嘅「朋友」身上
細個好嫌棄酒肉朋友，而家先知要搵可以風花雪月嘅朋友都唔容易㗎
2個讚
因為好多人都係雙重標準。
其實賺藍養黃呢個字係一個好大既頭盔。
如果本身就係包容性大既人咁講我覺得ok, 但如果係出自一個鐘意鬥黃既人，成日批評人地唔夠黃，但自己追mirror然後話賺藍養黃，我就覺得有d 有趣。
4個讚
睇forum多，有時見到d post 係講朋友既黑暗面，都會有d 覺得成年人世界既友誼都幾脆弱，好容易有諗法，特別係女仔
1個讚
其實男女都係，男人唔講出口
4個讚
先唔講係咪真係存在賺藍養黃嘅可能性， 但我覺得金拱門都唔係傻，如果佢嘅利益小過佢哋搵mirror做代言人，佢哋會做搵完一次又一次嗎?
5個讚
另外就係人人對"朋友"既定義唔同
有d 人覺得小學識落中學識落而有聯絡既人就一定係朋友
有d 人可能要熟絡既人先當朋友
點頭之交就唔計
3個讚
鏡粉都可以本身係藍，如果黃鏡粉無額外幫襯，藍鏡粉因為佢地代言，放棄美X、大XX，咁又無問題。（未計最緊要平、好食中立人）
所以問題在於有一堆因為Mirror走去嘅「黃粉」
4個讚
我都唔明，佢地係賺左藍，但點樣養左黃？
3個讚
佢哋假設左鏡係黄啩，我冇追開，唔知佢哋有冇表明過立場。
就算冇都好，佢哋自有一堆理論圓左佢。
其實喺香港生存, 就係好難避免接觸到"藍"既嘢, 可以就盡量避免, 有其他黃既代替品就就盡量用黃嘢!!
買嘢同食嘢, 其實都可以避開藍店, 咁搭車呢? 住屋呢? 搭車得巴士, 黨鐵, 電車同船, 有邊間公司係黃? 咁唔通就唔搭? 公屋居屋都係房署, 私樓都係中資? 係唔係唔住? 我覺得你朋友要鬥黃就由佢…首先, 佢自己係唔係真係可以大大聲講, 佢完全100% 用/食/住都係黃既先? 如果係既, 畀佢抽秤都抵, 但如果佢自己都做唔到, 其實又憑咩批評人呢?! 我自己都係盡做, 做得幾多得幾多…如果香港8成係黃店, 2 成係藍店, 我相信, 黃人都一定會100% 幫襯返黃店, 但而家正正就係調返轉, 咁大家都係盡做囉!!
而家唔係單單話食/用係黃既就係黃, 我覺得係由心出發, 好多人其實慢慢都忘記左初心, 畀呢個社會磨滅咗!! 要繼續堅持初心, 不如真心關心班手足, 用自己方法去幫場內既手足! 放左學既手足, 好多都有開舖, 佢哋既收入都係幫返場內手足…
2個讚
Mirror唔明顯，但係Collar部分成員不時出post幫黃店宣傳，Errror都有出來幫襯唔少（但係Poki對陶大宇表示敬仰，非常高興合作）。
Viu當初比好大自由度，可以有理想國、黑市，另外2月29嘅徐天佑，吳海昕，同埋編劇。甚至游學修、程人富等等，雖然無可能係藍奕邦、晴天林，但同其他規模傳媒比已經算好多空間。
音樂節目見開都係林家謙、CAllStar、雲浩影、欣宜、張敬軒、謝安琪，林二汶走左就無再出現。
背後老細，小小超應該係大股東，中聯通應該係第二大，not FC。所以相當於咁樣背景老細，加上員工略黃。唔會算黃店，但係比起其他台，或許可以接受D？
如果誠哥旗下嘅屬於可以接受範圍（我都近乎無幫襯，因為係某台長期廣告商），個人覺得ViuTV大概都屬於呢個range左右。
4個讚
可能我身邊朋友多數黃，所以追䦕佢哋都係黃。
不過，我覺得咁幾年嚟，大家都屈到病，有嘢令佢地開心吓，我都冇講任何嘢。
別人講什麼都管不子，
緊記一句「問心無愧」
1個讚
佢係唔係黃我真係唔知，
但藍人已經認定佢係黃，
就係這原因，愈多鍾意mirror，越受歡迎，
藍人愈眼火爆。
3個讚
該主題在最後一個回覆創建後90天后自動關閉。不再允許新的回覆。