樓主唔好嬲，支持你。大家係講緊其他人，唔係講你。
又其實…有幾多人會當面咁話人唔黃
咁少事就嬲成咁, 會唔會有D多餘
其實唔駛比人地知咁多嘢
有架，好多咁嘅人，不過係某些圈子，可能你咁啱無。
咁樓主真係遇到，可以想像有個人如果成日批評我，佢又唔知頭唔知路，都係幾嬲。咁樓主又無做咩特別嘢，開個po，咁都好正常嘅。我哋好少事都會開個po嘅
2個讚
但我真係唔會拎人地都食美心嚟講囉
[quote=“pompompurin, post:86, topic:68634, full:true”]
因為你嘅論點用唔著呢個例子姐。
我就需要，我都成日講我識啲手足食美心，我上面就講咗一次，因為我嘅論點係「有啲情況食美心係無問題」，呢個證據對討論有幫助。（呢個係我嘅論點，樓主無呢個意思）
同理，樓主論點係「佢唔會話人地食美心就藍」，咁「佢唔會話前線食美心」就係一個好例證去講佢嘅論點，對討論有幫助
如果有興趣，我仲可以寫好多嘢。以下好學術，覺得太煩嘅朋友可以skip，唔洗搞咁複雜都可以嘅。
重點：唔好挑戰其他人黃藍標準，但可以提供事實資訊。其他人點用個資訊就由得佢。
例子，HSBC藍，有人覺得payme應該杯葛。但我有個資訊係，payme係蝕著做，做一單蝕一單。我哋可以討論呢個資訊有幾啱，涉及幾多錢，但其他人會唔會因為咁杯葛payme，就無需要討論。
因為人人情況唔同，有啲人生活一定要用，有啲人好多替代品。有啲人精神壓力大，方便真係好重要，唔方便搞到自己精神緊張，處理唔到日常生活，連累同路人去用資源support 佢；又有啲人用少少藍就好內疚，精神緊張，佢哋係唔係都杯葛對佢精神反而好啲。呢啲情況大家太唔同，無謂比較。
例2，黃店老細話我知，好食嘅黃小店之所以好食，係因為佢哋買中國半成品，工廠出貨，一色一樣。自己整就會質素參差。
咁仲幫唔幫襯黃小店？有人覺得中國做無問題，幫到同路人緊要。有人覺得同路人都係想打擊中共姐，唔幫襯中國先緊要。有人覺得全香港黃店都或多或少用咗中國嘢，唔洗計咁細，全部幫襯。有人覺得因為全香港都有用中國嘢，連香港製造都要杯葛。
上述全部都無謂批評，大家嘅目的、價值觀、重視嘅嘢有偏差，亦無咩可能一致。
例3，買made in Italy / Vietnam 貨，其實呢兩個國家好多廠都係中國人開，勞工可能都係中國人。有人覺得咁唔洗杯葛mic啦。有人覺得都好過純中國製。都可以。
例4，有人覺得黃藍實際作用太少，佢留精力幫下流亡手足好過，然後搞手足聯誼，家長連結活動。
佢唔搞黃藍，省落嚟嘅精力，可能真係幫到咁多手足呢，邊個知。佢自己判斷啦。
例5，留意廣東歌，可以抗衡中共影響。但我識有位好熱心幫忙手足嘅朋友，完全無時間聽歌。
咁佢自己判斷，自己省落嚟嘅時間，係咪幫手足實際啲啦。
總結，我哋應該努力做嘅係提供資訊，同埋幫手減低做黃事嘅成本。
例如搵nmic好難，我哋就應該多交換nmic情報，甚至整個資料庫，等件事易啲做到，減低對同路人嘅難度。整完可以宣傳，但啲人唔用都唔需要批評。
7個讚
無辦法同無問題係兩回事。無辦法係因為無更好選擇，但係一旦有機會就會盡力避免，無問題代表心安理得。
回應返你上面講嘅計算，你提出嘅可以話係一個理想經濟模型（實際上都唔算齊全），但係有兩個問題：
**首先如果「以結果為目標」，唔會有能力計算到咁多，亦唔係你上面咁簡單可以概括。**呢個情況相當於，某國唔買另一國大豆，但係係第三國買，實際上可能付出更多運輸成本，對手毫無影響。
如果話免費、蝕住做嘅產品，所以你幫襯完佢會蝕多D錢，呢個想法肯定唔現實，**因為本身好多產品貼錢拎用戶，但係呢個行為長遠係賺錢。**例子太多，Facebook、Netflex、Youtube，或者微信都蝕過，甚至抖音依家都蝕緊。我覺得呢樣嘢應該都無爭議。
第二，就算有粗略計算方式，絕對唔係大部分人可以做到，相反只會成為好多人覺得「特價所以可以幫襯」嘅理由。到時價值消費就會變成特價消費，反正平我就買得。你上面仲有個假設，係「代價」可以簡單計算，所以有快餐係附近，幫襯下無所謂。實際上，代價係無辦法簡單衡量，如果你唔食個快餐，你唔開心嘅損失會唔會係對方10倍？如果咁計，套用返你模型，只係說明價值唔係好緊要，因為我會覺得，食一餐唔開心嘅嘢損失係無法彌補。
所以Day 1開始就係講緊「各自努力」，呢個係點解唔鬥黃，因為你唔知道人地背景，但係鬥自己係應該，亦都係點解最緊要盡力。
所以呢兩段非常認同。
返去第一句，我覺得可能你上面「食美心無問題」，實際上意思係「因為無更好選擇所以無可厚非」，但係言語有時好緊要，「無問題」同「無辦法」之間，缺少一份無奈、多一份心安理得，聽落會差好遠。
1個讚
啲人話係走難就唔應該返香港
返香港會畀人笑敗走
唔係只係藍人講，黃都有咁講既人
一早都知香港人就係咁架喇
追mirror 食M 記話係賺藍養黃
日本一開關
個個咩都唔記得哂咁搭CX, 快運，香港航空機票
無野架，自己開心最緊要
人就係自私架喇
但唔好再話自己係黃
比人鬥黃就好委屈咁囉
因為係你自己攞黎
1個讚
我識人好鐘意鬥黃
話人仲做老師做醫護都係幫兇
又話人做中資為紅底打工
講到自己同"藍"有牽扯都接受唔到
但後黎發現佢開始追mirror
然後就轉口風mirror賺藍養黃冇問題
其實好多人有口話人冇口話自己
寬己嚴人，極度雙標
静等回力鏢喇，到時佢自己樣衰
黃唔黃自己過得到良心就可以
人地講既都唔洗上心
真係做成困擾直情可以遠離呢種熱愛鬥黃既人
耳根清静
6個讚
唔需要理會人地講咩,自己做得冇錯就得.
其實由2019已經係咁，批鬥到d人都怕，好似要做到100%先係黃咁。我自己就盡做，有黃店食黃店，無就食無色個d，美心個d就打死唔食。但係要再細分，好似完全唔買mic，唔坐黨鐵呢d我都唔完全做得到。我會覺得做到嘅好勁，做唔到嘅都唔會批判佢。係香港已經好多嘢無選擇，唔使再自己逼死同路人。
10個讚
講開mirror, 呢樣真係好唔明白… 我有好多所謂黃朋友, 平時講到自己只幫襯黃店, 但一有mirror, 就仆倒去老麥, 見到鏡仔代言嘅品牌, 唔理係咩就9衝去買
2個讚
我都有呢啲朋友。不過我唔會以呢樣嘢嚟判斷佢哋。
其實我自己都係鏡粉, 只係唔明點解可以咁啫, 我又唔會因為咁同佢哋絕交, 但唔會參與佢哋去幫襯囉
5個讚
因為精神文明唔係咁容易理解到。
追偶像，同愛身邊伴侶、親人、子女一樣。自私嘅愛先係索取，只顧自己歡悅；無私嘅愛係奉獻，係希望對方更好。
偶像代言邊個牌子，一來賺佢地錢無咩唔好，二來亦唔到自己選擇，而消費行為係Fans選擇。無鏡仔之前，可能比更加多廣告費隔離台，所以佢地賺廣告費係好事。但係Fans因為佢地而作出好多額外而不必要消費，令其他人產生唔好嘅觀感，只係間接影響偶像形象。呢個唔係真正愛自己偶像嘅行為，只係消費偶像為自己帶來歡悅。
我都覺得呢個先係重點
話不投機半句多
如果因為純粹因為一盒鈣思寶樓主朋友就批評人地藍
呢d 朋友都係疏遠算
我有淺黃朋友把口話準備一家移英
但同時今年過節上黎又買皇玥月餅等藍店產品俾我做禮物
我都唔會出聲批評
禮貌上講句多謝算
同意~
mirror 為麥記代言 同 係咪應該為mirror 幫襯麥記係兩個問題
我都同意香港人係善忘
食買玩點都最重要
就正如有人為左堂食同入商場就帶小朋友去金
1個讚
好同意你上面嗰兩句.
但係我又真係好唔明白點解會有人話佢哋賺藍養黃。
4個讚
去瘋狂消費嘅fans唔會咁諗, 佢哋只會覺得如果偶像代言嘅產品銷量唔好, 就會影響偶像日後獲得廣告商垂青嘅機會, 所以而家好多, 唔單只產品, 甚至電影都係不停谷… 包場睇戲谷票房, 有姜糖朋友已經睇咗同一套戲超過20次