痴線，我帶呀仔去海洋公園睇動物，又畀朋友話藍…我又唔係只帶呀仔去海洋公園，咩地方有動物睇我都會睇佢去睇，小朋友唔駛學嘢咩…仔仔飲鈣思寶，朋友見到又話我藍…鈣思寶係醫生推介代替奶粉，又要畀人批…我唔想同人嘈，但條氣好唔順，亦唔想講我堅持左乜做過乜，太費老了（費老：想當年我做過乜乜乜）…識唔少上過前線嘅人，間唔中食美心元氣，為左慳錢買360減價貨，但一樣會幫襯黃店，一樣會行出嚟，唔通我話佢哋唔黃？！黃應該係理念，唔係畀人批鬥嘅標準…點解而家變左鬥黃？我而家完全唔敢update社交媒體，好容易畀人入，畀人鬥黃…黃應該係聚集大家嘅方法，唔係不斷踩低人抬高自己…心淡…
16個讚
做任何嘢對得住自己就得，使鬼理人
只要相處令我唔高興，識幾多年我都會同對方反面，一把年紀，照顧好自己最重要，啲唔了解你嘅人唔好再比機會佢傷害你
22個讚
講真，美心元氣大把代替品，又真係冇食嘅理由喎
26個讚
- 鬥黃係自己，唔係鬥人地，應該睇下自己有咩做得唔夠，未必可以知道人地情況。
- 最緊要盡力，唔係結果。如果你覺得自己問心無愧，唔需要理會人地點睇，呢個如果返工多年應該都明白。
- 有人做得更加唔好，唔代表呢件事正確。如果食X心唔啱，就算一個聖人去做，都係唔啱，亦唔會因此我都可以做。
15個讚
唔係我，係識上過前線嘅人，識有個人做一般黃眼中更離譜嘅事都有，但佢堅係黃到金…
佢黃到金食美心唔代表乜嘢架
我覺得無可替代，硬食就冇辦法
但人地黃都金都食美心，亦唔係我要食美心嘅理由
14個讚
亦唔係我食嘅理由，我唔順氣係咩都鬥黃，我唔會因為人哋食咩買咩用咩去邊，就斷定人哋係唔係黃，亦唔會批評人…
食元氣咁貴, 又要慳錢買360減價貨咁矛盾?
1個讚
認同
唔好理人地禁多
我覺得只要無代替品，咁都無法，盡做
4個讚
係我講得唔好，係唔同人…上文講到識唔少前線嘅人，係唔同嘅人…
啲人又鬥黃又鬥移民，一律吊完ignore 啦，唔好勞氣
4個讚
早排反咗一個，佢好得意，自己貪英國仔女讀書唔使錢就覺得自己好黃，我話想返香港留守（先入籍，亦只係諗下，冇講實，未有耐啦）佢就插我係藍，我都想知邊個藍啲，咁危險我肯返香港
理得佢，diu, block, ignore三招對付
唔開心咗三日
5個讚
離港留港唔同人都會批評，好煩…我唔敢輕易話人藍，唯一聽到支持警察支持共大力叫好大灣區，我先會斷定佢係藍…
2個讚
唔好聽人講咁多，人都癲
講得啱，咁多人把尺個個度都唔同， 最緊要自己開心
1個讚
係咪就腳貪方便
唔好再拎咩前線食美心嚟講，大把人呢排排隊返學，人哋既犧牲咁多，我點解唔可以俾佢食美心？
我都懺悔下，呢排老人家都帶小朋友食m記，但老人家湊小朋友我都唔可以要求咁多。但佢哋知道壽司朗千之味好食過元氣n倍，仲乜仲要排隊食咁折墜？
2個讚
其實美心真正衰d乜？ 因為個太子女阿婆9up？
如果因為咁而blacklist好似有d無聊
仲要因為咁而鬥黃就更加無聊
通常Nancy都係咁講，覺得我哋搞咁多嘢好無聊。
民主自由堅持理念都好無聊，又唔食得
13個讚