有個剛認識嘅朋友有相當嚴重躁鬱症，會自殘，佢今日去求診後直接入院，然後轉去葵涌醫院，葵涌醫院應該係精神科
佢話唔用得電話，話會開始腦電盪治療，我無問詳細，主要氹佢因為佢話好驚
有冇人有呢間醫院多啲嘅資料？入面係點嘅呢？有冇人對呢個腦電盪治療有資料可以分享？
1個讚
我上網Search到呢篇嘢，好似都好詳盡。希望幫到你啦。
祝願朋友早日平安回家
3個讚
Thanks 
https://www3.ha.org.hk/cph/imh/mhi/article_04_02_chi.asp
腦電盪治療應該係張國榮係《異度空間》自己電自己果幕
2014年入過，電話同金錢私人用品醫院幫你保管。
女仔唔可以著胸住。
唔可以自己出病房。
你有情緒姑娘有權綁住你，
醫生有權唔比你出院。
你要打電話只可以係特定時段。
排隊用病房電話打俾親人。
同坐監一樣。
請問d 醫護有無濫權？
係房度有咩做？
我有朋友係入青山，應該都係相類似，電話會被收起，唔可以俾佢地用電話，避免佢地接收到刺激嘅資訊，住咗一個月左右，主要係幫佢試啱藥先可以出返嚟。好多嘢唔可以拎入去，避免佢地傷害人或自己。
佢出嚟有講返佢喺入面好驚，因為週圍床嘅人都會狂叫狂嗌，又接觸唔到出面，唔知自己可以幾時出嚟。不過唔入去都唔得，唔入就幫唔到佢。
D政策真係弱智，唔想病人接觸到”所謂刺激“ 資訊就一刀切剝奪病人通訊自由，唔痴都變痴。
都係果句，班醫護有無濫權？
1個讚
仲要見樓上講周圍床嘅人都狂叫狂嗌，可能本身無咩太大情緒問題都變到好有問題癲埋一份咁。
工作上有接觸過葵涌醫院既精神科醫生姑娘
都nice既 唔洗太擔心
都明白其他病人既情況有高有低
精神科一般比較複雜，每個case出唔出得院都有唔同專業開會去傾
1個讚
6點起身，
量血壓，探熱。
食早餐。排隊刷牙洗面，沖涼。
11點之後醫生看症。
同普通科唔同，
唔可以成日訓床。會鎖起個睡房。
醫生要見你姑娘會叫你。
星期一至五先可以見醫生。
下午有人睇電視，
有人睇書。
派藥會鎖起啲廁所。
派完先開。
啲姐姐會睇住你吞左啲藥先准行開。
9點半刷牙洗面，訓教。
啲人會同你講表現好醫生先批准你出去。
你唔好發脾氣。
謝謝你
我希望住院幫到我朋友，當然無人想住醫院，但如果長遠換到好身體，我希望佢可以捱過呢段日子
你覺得醫院幫唔幫到你？
我覺得係入面好悶，度日如年感覺。
外國係點？
識人減少上網用電話又真係好左啲。
起碼就算疑神疑鬼有人害佢/FBI電話監視住佢，
都可以說服到佢冇啲咁嘅事。
同埋冇得Google自殺/自殘行為。
加上淨心休養，唸少咗好多無謂嘢。
佢悶到請屋企人拎書嚟睇。
醫護都nice，
真係提示左好幾次同通知左屋企先綁人，
情況好轉就鬆人。
隔離床大叫就冇辦法，
不過我識個位自己都有叫埋一份，
所以佢感覺還可以。
當然，佢感覺都係好悶，時間過得好慢。
到第二次有自殘傾向，提醒左佢可能要入院，佢又好似有少少顧忌。
好彩暫時未有第二次
你有聽聞佢哋濫權？
其實如果病人收到刺激性資訊就好論盡。醫院又做唔到封某d page 某d website 某d app, 為咗病人著想先咁做。況且唔係真係完全與世隔絕，所以都理解嘅
1個讚
你識果位病人佢入院有冇幫助？
班醫護憑咩條例去剝奪病人通訊權利？
手法同中共一致，都係以保障百姓免受不良資訊影響而進行網絡審查，甚至斷網
唔好信入去幫到病人 睇過一d入過去精神病院的分享 似控制你多過醫你 仲要扮正常先出得返黎
完全同意！
有時唔係睇乜嘢，
而係多咗個機會幻覺，然後企跳都可大可小。
聽過唔少人係個一刻根本唔知自己做緊乜。
到清醒番啲，一係斷咗片咁，冇乜印象，只係覺得好攰，虛脫咁；
又或者有啲有記憶嘅會好驚，唔知自己點解咁做，亦唔知自己幾時有下一次，同埋下次會唔會咁好彩，冇死到。