其實呢啲病手尾長，
病人本身有幾聰明同有意志力亦係可以恢復正常嘅關鍵。
身邊人接納同幫助都係另一個關鍵。
答番你個問題，
個次入院係有幫助嘅。
佢個幾日係不停想死，同真係尋死。
入院乜都收晒冇得死，住左一排好啲就出番嚟。
有啲嚴重要綁係椅上，
啲病人嗌好急，
姑娘唔敢放。
好多急到瀨晒尿。
姐姐拖左佢就算。
去到生死關頭，通訊權利，甚至自由權利真係咁重要？
另外，公立醫院未至於有足夠人手可以廿四小時盯實每個病人。
請問如果佢通訊完畢，係幾分鐘內性情大變，而又真係死左，咁點算？
唔好低估呢啲失去理智尋死嘅力氣，
可能真係要兩三個人先可以mung 番佢番嚟。
醫護仲有好多嘢做，
例如派藥、招呼院友生理需要，
請問可以點樣兩全其美，既俾病人通訊權同時照顧到院友？
另外，唔係冇得打電話，
只係要問準醫護先打得，
又可來剝削院友通訊權？
9個讚
哎，唔知如果人手足啲，
例兩三個醫護對一個病人，
會唔會信任度高啲？（因為有事都可以即刻控制場面）
咁病人都有尊嚴啲。
唔係幫醫護講嘢，亦明白行行都有衰人。
暫時聽番嚟都係好嘅多。
醫護都只係執行，佢哋都係跟程序，呢啲嘢有晒protocol
呢件事同中共嘅分別係中共所有嘢上綱上線，擴到大一大嚟涵蓋本來唔suppose包嘅嘢。但呢件事唔同，入得呢種醫院都係好嚴重，好多係打算尋死，甚至已經尋過多次但失敗，好似我朋友咁。我明白你珍惜通訊自由，但呢啲ward唔係普通嘅ward, 制度係好多年前定下來，唔係一下子新加
病人情緒唔好會打人，
醫護都要保護自己。
綁人要寫報告既。
試過見過一個女仔，
有起床氣，
6點鐘叫佢起身會打番啲姑娘，
綁住佢，
啲姐姐幫佢洗面。
重鬧人哋仆街。
姐姐就發火好大力幫佢洗面囉。
之後就瀨晒尿咁。
有因先有果。
醫生寫明有暴力傾向就一定要綁。
有啲唔精神既訓教都要綁。
姑娘定時定候幫佢換尿片囉。 
男同女病房分開，
女病房既，
姑娘姐姐都係女仔。
沖涼都佢睇住你沖。
的確係無尊嚴。
智障人士，兒童都有分男女病房。
我講得唔清楚，佢無得帶電話入去，但有需要都係可以要求打電話，所以唔係唔可以無得通訊。
我朋友情況，佢住院時望住個天花板，都見到好多畫面，好多人講緊佢。
另一個朋友入院前，無論係睇電視／聽收音機／上網，都覺得所有人都講緊佢，所有人都想害佢。
所以入院無電話，可能係悶啲，但未必係壞事。
同埋入得去，其實病情都唔簡單，唔係普通情緒有問題咁。大家都知醫療制度上係有好大需要進步的空間，但呢一刻真係未必可以做到兩全其美嘅做法(病人自身權益vs公眾安全)，你去怪醫護有無濫權又有咩用？
4個讚
醫護都會跟DSM5去診斷病人精神狀態
中共係話你精神病就精神病
兩樣攞嚟比會唔會太誇張
利申 試過同住精神病房病人傾電話 係姑娘鼓勵個病人打既
1個讚
時代變左，仲要死跟d 過期指引，真係保護病人定 為左方便管理？
廿幾年前，普通醫院病房都唔用得手提電話，今時今日呢？可能有病人會因手提電話出現幻覺，咁係咪全部病人都有e 個情況？一刀切全禁，e 個係最粗暴既解決方法。有人話，去問醫護人員就可以打電話，我想問有冇reject rate 統計睇下？要人俾，都叫自由通訊？
精神病人可能係最弱勢病人，佢地講咩，其他人都未必信，如果任何時候都有智能手機“旁身“, 可能好多傷害都唔會發生。。。要知道今時今日cctv 可靠度係跟著加害方權力成反比。
當然大家都支持粗暴一刀切全禁精神病人自由通訊權利既話，咁算我多事。最後希望大家都身體健康
1個讚
如果正常都要扮即係佢未正常啦
朋友十零年前嚴重抑鬱+厭食
得返6x磅入左去
嗰時探病覺得醫院都幾舊又陰
好似返左上世紀
最後朋友都出返來過正常生活
1個讚
資源係得咁多，做法唔會有完美
係個制度入面，病人同照顧者同樣需要保障
該主題在最後一個回覆創建後90天后自動關閉。不再允許新的回覆。