朋友做左好多年主婦。
佢屋企環境一直都好一般、仔女上咗中學。
過去嘅主婦生活、主要係送完仔女返學、落樓買餸、跟住返屋企煲劇、時間差唔多就煮飯、食完飯就洗碗咁。
仔女上左中學、呢傢仲識買送、
或者買外賣自己食、佢就更加少出街。
因為娘家都係附近，所以佢近呢十年都冇離開自己住嘅屋邨咁滯、佢肺炎前、已經發現自己行到屋邨某一個位、就唔敢/唔想行出去、想返屋企。
咁當時佢自己又冇理、咁咪唔出街、老公返工忙唔多理、仔女基本上問夠錢用就得、甚至進化到自己買外賣、由細到大都慣左阿媽長期喺屋企煲劇。（但會比說話呀媽聽）
到今年小朋友要見家長（唔知係咪前兩年冇左見家長、得班主任打電話）、佢突然覺得好驚、發現自己已經去到落樓下見到保安都驚、最後扮病冇見家長……
佢feel啲仔女都開始嫌棄佢、會話佢日日喺屋企、但又唔煮飯
佢老公份工本身都辛苦、經常朝六晚十咁、都開始覺得個老婆宅得嚟唔對路….想同佢去政府診所睇醫生再轉介精神科、但呢傢係連門口都出唔到。
我想問有冇人屋企有類似情況、會唔會有咩方法解決。
似廣泛焦慮症或者驚恐症
要睇精神科醫生食血清素同埋見輔導
但你朋友仲有搵你?
屋企附近睇左家庭醫生先得唔得？
大家whatsapp群組都開了好多年
有日佢忍唔住喺group講
佢老公我地都識，都揾佢傾過呢件事、個老公私低下同我地講：覺得老婆係懶唔想出嚟做嘢….
都結左婚十幾年啦, 要做野都會做…但而家宅到樓下都唔會去咁
不如你搵佢出下街
我哋講過話過嚟屋企揾佢一齊落街食餐飯、佢都唔想咁、話買外賣上去食、又話屋企亂。
好明顯感覺到係逃避緊。
有時佢喺group到講自己點點點、咁大家就同佢傾、比建議話：不如咁做啦
之後佢就冇左影冇覆
我地又冇受專業訓練、唔知點樣切入個問題去幫佢面對。
無做野四年，
之前細佬都有問我唔做野唔覺得悶嘅咩？
你唔怕同社會脫節。
之前都有啲驚，工作經驗果到已經唔知唔寫。又怕找到工同同事相處唔到。
太早起唔到身，適應唔到做野。
到今年開始出嚟做嘢？
我覺得佢太太十幾年無做野會比我更驚。
我感覺我朋友都係想改變
但一去到要佢做翻啲行動、例如同佢行落街咁、佢就會縮、諗好多藉口逃避。
以前佢有有講過、搭𨋢、或者Facebook 見到啲明星靚媽呀、或者有啲打扮生左仔的同年朋友、佢會唔開心、覺得自己打扮好老土……
肺炎前又會私底下講、知道我哋會去旅行、會唔開心。
有估佢會唔會睇得人哋美好生活太多、深化左焦慮、跟住用煲劇逃避現實、結果搞成咁。
疫症有好大影響
每日比個目標佢，落樓下，行一條街，兩條街，離開屋邨咁得唔得？
要一步步黎, 最緊要有人陪伴, 到出到門口, 就睇醫生, 再踏出社會, 唔一定要打工, 做下義工都好, 家人支持好重要, 我冇…
我以前有8年冇做野, 又係呢埋屋企煲劇逃避現實, 落街買野都驚同人接觸
之後因為一D事要洗好多錢, 雖然我個底厚但都迫於無奈要出黎做野
搵左一份FT, 由於驚, 又冇自信, 比上司bully, 辭左職呢返埋屋企一年
之後再試PT, 當時又要扮正常唔驚, 但同其他人普通傾偈都驚到震, 個嘴唇都震, 自己一個LUNCH時喊
依家都只係可以做PT
你個FD都好有你地陪伴, 相信佢可以走出黎既
我以前試過, 對自己某方面好失望, 面對唔到果樣失敗(達唔到自己期望), 所以去到屋企大堂樓下然後都係返回屋企…我打定放棄某樣努力左幾年qualification, 最終同伴(屋企人從來唔知呢件事)見我消失左, 電話打來關心, 而我又其實必須要去交待, 所以硬住頭皮去交待…
所以要搵個避無可避的原因令佢出去, 同時要佢面對到自己的失敗, 接受自己的平凡, 個失敗其實無咩大不了, 攞個pass碌過去就得, 其實人人都係咁生活啦
對話/提議活動每次盡量單對單或唔好太多人, 免得佢覺得壓力太大, 無法面對, 試下真係一兩個人上門搵佢
搵一個佢最親近嘅朋友幫手及陪佢
係咪唔夠錢用，唔敢出街呀。鼓勵佢搵工啦
我未搵工嗰陣都好宅，去邊都要諗交通費
後尾點？你而家ok ？
情緒因為家事都係唔OK，呢兩日先自殘完，想自殺
工作上依家都係仲返緊PT，我都係頂硬上…有時會想呢返埋…面對人都係驚但起碼冇咁焦慮
主要係handle唔到工作&人事上壓力，我知道d同事背後會講我事非，覺得我好奇怪咁後生唔搵份FT做(其實我都中年，只係個樣呃到下人)，奇怪我經濟收入來源等
以前癮閉左咁多年係因為職場bully，變左越黎越怕人，由細個讀書到出黎社會都一直面對bully問題，覺得PT會好D冇咁多事非，原來都唔係…不過依家起碼我會頂到下，因為唔駛日日返
咁你使唔使睇醫生食藥？你有返PT都好努力㗎啦，至少你無放棄已經好叻
多謝你鼓勵，好感動，但我D親人唔係咁諗…
一年前因為一D事迫自己鼓起勇氣去睇精神科，比左個快期我，等一個月就有得睇
但政府D醫生個態度好差，我食左d藥唔覺得有改善，佢就好忟話冇野幫到我，冇其他藥比我食，叫我唔好睇停藥，令我每次睇完都好depress，睇左一年就冇睇啦…所以好灰
其實個人無自信，就會摺埋自己，唔想見人，
想去學嘢又唔想接觸陌生人，唔識同人打交道，唔想扮開朗扮健談，其實內向唔係罪卦？
可能我唔煲劇啦，所以我會出街，有時同最親密嗰兩個姊妹或者男友，其他朋友我都唔想見，人哋約都唔會去。
最enjoy自己出去，時間、地點自己可以話事。
講返樓主朋友case,如果朋友係咁，不如幫佢建立自信先，唔好迫佢出去住，佢覺得自己老土，咪一齊傾下點扮靚著衫先