無做野唔係問題…但個人自閉先係問題
搵私家睇。
私家可以揀醫生，唔啱揀過第二個。
3個讚
之前因為一d事一定要睇政府先有認授性
不過依家冇諗住再睇，私家一黎貴，二黎冇勇氣，都可以話有陰影
1個讚
同意，搵佢去街shopping 扮靚or 附近做yoga，可能做左師奶咁多年，冇晒自信，鼓勵佢一齊扮靚
其實一黎未必一定要搵精神科,
搵社工傾下先都可以,
唔得再轉介去心理醫生,
你知啦社工比較得閒可以同你傾一兩個鐘,
醫生最多同你傾幾分鐘就踢你走
1個讚
希望你再踏出一步，咁先至有轉機。
或者可以搵社工傾下，有時如果藥物幫唔到太多，可以由心理上入手。
3個讚
係個醫生衰！唔係個個醫生都係咁，你果次好唔好彩。你再排過，慢慢試藥，試藥過程會辛苦，但試啱就好值得！
親人往往唔理解，佢哋覺得你無病呻吟，其實情緒病同糖尿病性質上無分別，都唔係病人完全控制到。病人最多都係做吓運動，希望有所改善，但有時genetics 太強，外在嘢無乜幫助，只能借助藥物
好多病人好辛苦捱果陣都只係想親人理解，偏偏好多人仍然對情緒問題認識太少。你盡量唔好對佢哋有期望，減少令自己失望，唔好比佢哋踩多腳。同時間去排期睇醫生，政府都有好醫生，佢哋未必噓寒問暖，但唔會個個好似你上次個咁衰！
6個讚
有人既地方就會有是非
而且呢個世界都好多三姑六婆
但係番工既野
只要你做好工作然後有糧出就夠
你肯出黎做野已經好好
加油
如果家人係你既困擾
你可能要搵下社工傾下
有無d 臨時宿舍可以俾你暫住
雖然唔知道係咩情況
但如果家人根本唔理解你
你為佢地而自殘或自殺亦唔值得
政府醫生有時d 態度真係好晦氣
唔憂做咁款
俾我會投訴個醫生態度惡劣
你已經係depress 仲要咁樣
搞到你唔敢再睇
相信呢度好多網友會支持你
得閒多d 上黎吹水啦 
4個讚
要認授性咪照去政府睇，佢哋係咁上下，唔洗理佢講乜，拎完你要嘅嘢就走。
私家貴都要睇，一次2千，你預睇3次先，有限錢，醫生對証下藥係最有效。
除非你想咁樣繼續落去。
2個讚
其實疫情下好多人都有
我早排都係咁，好怕見人，好抑鬱，甚至想死，冇人明白自己，我自己上網睇電話搵人傾，轉介左社工，雖然俾唔到你好實質解決方法，但搵人講完舒服啲
2個讚
搵私家睇X2
2個讚
你似講緊我，只係我無佢咁嚴重，
試吓：剪頭髮，穿啲方便靚衫，波鞋，搵返外表嘅自信。 跟朋友或者親戚出去行吓，坐車。
1個讚
其實我睇咗你第一個post，已經估到佢大概係咁，
我都提過，之前我都係咁，
首先幫佢建立返外表嘅自信，
唔需要好貴及豪華，清爽舒適嘅衣服就可以。
佢識得用智能手機，善用巴士app，可以幫到離開社區，又識得返屋企。
U2有好多介紹街境 及 外區 餐廳食物 影片，
當年我走出社區嘅動力係 ⋯⋯跨區買餸返屋企。「由筲箕灣去大埔街市買餸」
3個讚
我係過來人
試過行遠啲都有困難，自信心極低
如果佢想正視問題
陪佢見下心理輔導
可以搵出佢真正怕啲事
1個讚
樓主你好好，肯諗方法幫你朋友。
有冇機會可以同佢仔女同老公傾下，如果佢地都齊心出手，應該可以事半功倍
。
我諗開頭唔好咁急住一嚟要去街做啲乜，幫佢set啲簡單任務，落一落樓下開信箱呀～拎外賣呀咁，再慢慢陪住佢一步步去遠啲。
同埋最緊要去見下社工或心理醫生解開佢心結，宜家好似有啲用視像去見嘅，可以陪佢一齊見下都好。
6個讚
可能佢又唔想花大錢, 我覺得公園行下都好~
1個讚
我諗要慢慢嚟、呢傢連話想單獨上佢屋企、佢都有啲抗拒、我估可能因為佢屋企開始多野同亂、唔想人上嚟。
唔敢用「我嚟幫你」嘅姿態去揾佢、驚佢抗拒。
呢傢做到係、喺電話日日都傾下計、講下無謂野、起碼仲有同人溝通先。
或者我自己諗啲問題出題、問返佢可以點解決、等佢覺得其實朋友都需要佢、自己仲有價值先？
2個讚
Feel到佢老公同仔女係嫌棄緊佢、呢個問題好深層次、因為佢老公擔起成頭家十幾年都呻過好辛苦、應該冇餘力去了解個老婆發生乜事。
佢老公同我講過：你信佢講？唔通屋企火燭佢仲會得喺度唔走咩
我覺得呢個朋友唔係咩衰人、只係唔係一個勤力同叻嘅老婆/阿媽、萬一佢有咩事我都唔會開心
試過、佢會話唔行得會腳痛