該女網民在facebook群組「香港公營房屋討論區(FB版)」發帖，指一家三口輪候公屋已6年，早前拒絕了2次配房機會，結果第三派則分配至36年樓齡的長康邨康順樓1個3人單位，形容該單位「細到爆」，坦言「好失望」。不過她未有透露前2次為何拒絕配房安排。
翻查資料顯示，樓主申請的公屋地區為擴展市區，長康邨康順樓屬標準Y一型大廈，一般而言2至3人單位面積為24.35平方米（約262呎）。
帖文引起網上熱議，有網民好奇樓主前2次拒絕配房安排的原因，亦有街坊指出康順樓的單位的確很小，而且樓齡舊，建議她考慮日後轉買綠置居，「已經係最後一派，唯有將間屋裝修得靚啲，至少住得舒服啲」。
有網民則批評樓主嫌三嫌四，「呢間大定劏房大」、「有瓦遮頭仲喺度嫌細」、「排咗6年就有好幸福了」，亦有人幫樓主計計數，指「當你月租屋1萬，8年上樓期，提早2年上樓，你已省了19萬2千，你唔呻下錢多？」。有人亦寸爆表示，「咁你拿拿臨排多次啦，6年好快姐，最緊要人住得舒服…你排多次都快過人地一次，唔好委屈自己就真！」。
其實只要跟足標準大小唔係垃圾房隔離都可以接受，如果覺得屋太細就要明白點解新樓俞愈來愈細，因為政府沒有審批新來港人士權利，人哋唔想要就送嚟呢度多少都冇得say no，睇下週圍環境就明白質素只有變差，香港人要認命
你叫攞幾球買納米樓, 龍床盤D人情何以堪呢?
瞓街可以無限大囉
長康雖然舊唔近鐵路站
但係交通算OK 啦
番工時間有過海巴士、小朋友番何文田名校都有繁忙時間巴士搭
三人單位唔通仲想要600呎?!
講真Y一型內籠四四方方,
262呎可間兩房,
三個人點解唔夠住,
畀啲更新款嘅公屋仲唔見駛
等咗6年咪算快
隔離仲有青衣西南體育館, 去青衣街市, 圖書館都有小巴有巴士, 又可以行落涌美,
WALKABLE DISTANCE 有酒樓食肆, 有超市, 有街市, 有郵局… 行山又有細山步行徑,
咁都唔滿意真係唔知講咩好
嘩~識貨呀你!!! 
長康就係因為舊
所以配套都已經發展得唔錯
948 線都係爭取多年宜家先有咁多班次
另外你講既"青衣西南體育館" 都係呢幾年先落成
我都住左N年青衣, 不過唔係長康果頭, 其實覺得幾方便, 去葵芳, 去荃灣都好近
948 更加正啦, 我都成日坐, 我覺得好過黨鐵
yeah~俾個五黎呀 
番工搭948 如果有位坐
可以訓下覺
真係好舒服
公屋嘅262呎點都比私樓嘅262呎大啦……實用咁多….
佢咁不滿，咁真係唔應該要嗰個單位，留返畀會感恩嘅人仲好….
厭棄咪住C樓囉, 無人攞支槍迫你住架
係，最近先聽到有人話佢個新移民親戚，做地盤，月入曾經最高八九萬，但出現金糧，話做得野，判頭要留佢，所以俾佢出現金。
二派啟業邨唔要，三派何文田。
分分鐘稅都唔駛交
新移民好識玩架，個個都做現金工，跟手排公屋，以前公司個同事又係咁，仲可以申請埋姨媽姑姐來
其實係…當然一講呢D…就會好多 anti 公屋人士就會話 “平租係咁” “唔好要囉” …etc
仲要假離婚呢D
果個網人流主要係新移民 
公屋一向都係跟人口比例派單位，三人單位係得咁多地方，嫌細就退咗佢囉！
係出面可以 租／買 大啲㗎面積。