年頭同而家都差好遠，重用上年比
5個讚
玩閉關搞清零
做乜生意都頂唔住
睇下通街吉鋪就知道
點解住宅就可以獨善其身呢
2個讚
香港只會越來越差
最緊要係人才同企業走晒, 冇特別政策吸引D人跟本唔會返. 而家要用更多成本去維持服務/貨品質素, 攪攪下愈來愈多企業唔做或直接搬.
而家政府揸fit嗰班個個奴才, 跟本唔會有長遠計劃發展香港.
回流既只有少部份, 亦都唔係有錢有能力嗰班, 幫唔到D乜. 除非揸fit嗰班轉莊, 吸引返真正有能力有錢嗰班.
4個讚
年頭炒緊通關，重升下升下咁。
通關後，勁有錢內地人唔會買香港樓，普通有錢嘅就買新
D 新樓都開低過頭同區舊樓先有人買。啟德新盤上年一q 清、今年再推賣得2 伙。黃竹坑正情食蛋。
賣樓不是睇現價、係用埋永來2-3 個月個價做指標。而家大把盤，買家慢慢揀
1個讚
我朋友下星期移民，不過佢之前都堅持香港樓價唔會跌好多因為多人有需求，我有朋友呢2 年先入市，如果跌就慘
「如果跌？」
已經係現在進行式喎。新聞已經報過，3年前買嘅地鐵盤，最近賣出，分別平咗15-20%
2個讚
咪係，發展商啲新盤帶頭劈
我識有個手持瓏門優質盤見novoland 平成咁即日減一球成功賣出，有時真係要面對現實，同最高位比盞自己心噏
1個讚
我都有2個朋友早2年買左樓花,而家住都未住就跌緊 
同意, 看看木廠,喵喵,冰廠,醬園, 已可知道癌細胞快速擴散侵襲各器官, 無忘八萬五
7個讚
我朋友買地鐵居屋樓花,俾左首期大約30萬,如果跌得多,佢有可能唔要啦,佢而家都未收到樓,佢之後要供好多
瓏門傳聞風水唔好
咁我朋友都住左2年，但佢係新區新樓，應該無咁易跌既
1個讚
住緊都起碼賺左租金
叫你朋友留意FORMAL AGT係殺5%定係殺10%, 而家新樓樓花如果主動起身話唔買簽CANCELLATION 係可以殺5%止蝕, 但如果比尾數先DEFAULT就殺10%, 所以叫佢睇清楚合約
1個讚
其實我唔明到呢刻有哂數據，點解都有人覺得香港樓會唔會跌，真係被人洗腦洗得太犀利
凡事物極必反，有上一定有落，跌返落去好正常
4個讚
好多人好似忘記咗1998-2003年樓價跌足6成。我2004年頭買入一間，上手業主97年買入一千一百萬，賣比我四百幾萬，蝕到佢入肉。
2個讚
係，我覺得宜家樓市係似大跌期…
你2004買樓係咪大把盤，業主減價求人要？
我2009年頭買樓就係咁樣，完全係盤等人，果時一日睇10個單位不是夢。後來樓市升，一直都無試過咁樣盤等人。
現在好似又回到大跌期，記得當年買樓業主係主動減價的，客未問已先減。
個人意見，如果夠錢就走咗先，唔好宜家賣…
請教一下, 如果一早預見大跌期, 唔係更應該而家減深啲賣左先? 愈遲賣愈賣得平?
我覺得而家個市係移民盤掟貨, 同埋買家等跌到底… 如果輪供樓能力, 暫時未見好多人供唔起, 暫時仲係 心態>能力
咁要睇你需唔需要呢筆錢，樓主嗰度比人叫減100萬，如果留多幾年先賣，可能搏到唔駛減呢100萬。交稅又係一個問題，因為樓主有mortgage，賣完樓所剩不多，我估佢都無需交太多稅嘅。正如你所講，買家調整心態後賣家可能唔駛賤賣