已經放左半年，由7百中減到六百尾，但睇親樓都壓價，要求六百中，點知呢兩日隔離座有個低層成左五百尾，agent 即刻打黎叫我減價到五百中….唉！呢畢錢用嚟帶去移民, 減埋按揭都唔係剩好多，咁搞法真係未必夠錢走，唉！
你間屋景觀、層數、座向同 5 百尾嗰間屋一唔一樣？
我舊年賣嗰時 agent 都有講隔離座低層單位賣出幾錢叫我減價，我話嗰間屋景觀樓層座向全部差過我間屋，梗係賣平過我，最後企硬用心水價賣咗
2個讚
你有冇check過銀行估價？
同埋你有冇俾agent 知你放盤係為移民？知你等錢洗佢實壓你價
2個讚
而家個個咁掟…一開呢D 壓價case 係麻煩
景觀唔同，仲有我係高層
幾間銀行估六百中至尾
我一直都話係換樓，仲話係番同區搵….梗係唔會話移民啦！
3個讚
而家個巿買家都係想執平貨、點講都唔理你、agent只係想做成生意、好巿就話會俾估價高、而家就相反啦、睇你有幾大信心同急切性
3個讚
高層邊有可能仲減平過低層呀
Agent為求收佣金乜都講得出，唔好俾佢地影響到，希望你啱價先賣，加油
放咗咁耐多唔多人睇樓？ 睇樓係得個睇定係真係有實客開價？ 同埋問吓個經紀，而家放盤最平嗰浸幾多錢啦。 如果你個單位質素好，有啲人畀得起多少少錢，都可能會揀你個樓instead of 最平但係質素差嗰啲。你可以同個經紀講有實客可以再講。 只不過如果連啲人嚟睇樓或者開價都冇，就好難咁樣講價。
最近樓價係咁跌，呢期冇得同年頭比㗎啦。 自己考慮吓賣唔到樓可否唔移民住？ 或者如果照移民但放租，租金是否cover到供樓？ 香港有冇人幫到手？ hold 唔hold 到唔賣樓但責住筆錢幾年？
如果有啲負責任啲嘅經紀，啲人睇完樓，可以試吓問吓佢啲客覺得點。 了解吓其他邊啲單位會係競爭對手， 嗰啲單位嘅價錢如何
我講我自己，通常有客嚟睇樓我會執到間屋整齊乾淨（我有小朋友同5隻貓貓），起碼人哋嚟睇時個觀感都好重要，加油
所以有時都係，唔好咁老實
1個讚
AGENT講野千萬唔好信﹐信佢就中計啦 …(如果你唔係好急放既) 直接同AGENT講﹐唔到 (6XX萬) 唔比人睇啦﹐有心既開定票 (我最盡接受6XX萬) 重要大返佢轉頭﹐叫我開價低過間低層﹐你無野呀? (之後又漏下口風再係咁收返盤唔放比佢賣)
3個讚
我諗你預左600中成交啦…
而家賣的確係遲左,我朋友年中賣樓移民,個價都唔高,我都話叫佢上年年尾好放盤,賣左住酒店,我唔係馬後砲,我上年年中已經睇到樓市開始下調
我覺得可以用新近成左五百尾嗰間既網上估價, 黎對比返估價 vs 成交價減左幾多成… 再 tune 下自己心底個價 
其實樓市就跌左好耐, 只係慢慢咁跌, 跌下又上返下咁… 呢期係多左業主掟貨, 一有低價成交就會令到啲買家壓價壓得好勁。而家多數啲買家都只肯出到網上銀行最平嗰間估價 (連裝修), 如果殘裝應該會壓多起碼幾十萬…
1個讚
大家面對現實，樓價的確下跌中。由國安法成立開始，我身邊的朋友一個二個賣樓移民。加上經濟差，樓價點會升？看股票市場就知，樓市是滯後。
樓主急放真係要比同區樓價平少少先得，如果唔係，諗定plan B 放租。
16個讚
我覺得最緊要有實客想買先好考慮減價。最多同agent講價錢可以傾。
我都有朋友係移民但照keep 住層樓放租算
佢唔想賤賣