不過有啲真係要賣咗層樓先有資金走
同埋有啲地方有層樓收租又要交稅
1個讚
我都差唔多放左3個月，頭幾日睇既客一口就殺15%，我老公聽到真係想殺人！
點知依家我地減下減下都差不多果個價，都仲未埋牙。
唔理喇，訂左機票下個月飛，呢個禮拜都賣唔到就放番租先，搵人幫手供下再算。
邊有得冇了期咁等。
You are not alone……4月搬走租屋住5月放租到而家⋯得啲agent 問價都唔係還價既⋯好靜個市⋯快啲搵人買左我層樓啦🫣🫣
Exactly! 所以先至想賣咗先走。
今朝agent 話個客肯加多少少，但都係低過六百萬，所以推左, 因為除咗嗰個單位係五字頭，其他都無咁低…其實好茅盾，賣左可以即刻搞移民嘢，但錢少過到去又擔心
梗係賣咗有個錢係身最好啦
差成100萬梗係唔賣啦
1個讚
Agree, 無可能咁樣比人壓法。一來低成交嗰層樓係低層, 座向又唔同, 二來可能內籠好殘, 三來 confirm 左唔係轉名? 近期都唔少人趁跌市甩名, 叫 agent 查清楚先 
除非樓主嗰度係單幢好少成交, 如果唔係唔應該只睇一單成交做指標, 起碼都睇最近一個月拉平均咁睇
2個讚
唔係馬後炮
兩年前一早講咗香港樓死硬
只係大家俾市場氣氛蒙騙
本地強勁剛需, 大陸人爭住買, 供應少, 建築成本升, 銀行唔會call loan etc 今時今日已經冇人講
樓主要賣唔應該睇近排成交幾多, 而係估黎緊3個月成交幾多, 再set價. 原理同升市時一樣, 當樓市個trend行緊時你唔可以set市價去放, 唔係你有排都放唔到.
6個讚
樓市再咁落去, 政府會出招減辣, 到時就係樓主出貨逃生門, 要好好把握
1個讚
Agree! 等政府出招一回彈嗰下, 食住個勢減深少少賣
1個讚
我都放緊，都有好似你果種情況有特別平嗰盤出現，不過都只得一兩間。若果市價都係特別平嗰果個價錢，點會費事黎問你壓價，直接揾第二間啦。
大行唔一定啱, 但個市下行就係人都知
1個讚
真。。。面對現實啦
其實諗住移民 都係覺得香港樣樣都會一直差落去 國際金融中心地位不保 資產會一路貶值 但又偏偏認為自己層樓仲好值錢？
賣家唔信agent 但同時買家都唔會信賣家同agent 講真賣家話換樓 呢個時勢買家一律當移民盤處理 個個一開始就壓15% 試下又何妨 反正大把盤揀 幾多人走 有眼睇
祝大家好運啦 買賣呢啲野 除咗市場有時仲靠下緣份嘅
12個讚
朋友想賣樓，大屋苑，叫價稍高，唔係開天殺價，幾個月冇一個人睇，地產同佢講屋苑同戶型單位有80幾個放盤，唔低過銀行估價嘅根本冇買家問。
1個讚
我老豆前排同我講，我堂家姐年頭放樓，話減咗好多先甩到手。
佢係火炭私樓
1個讚
一年前賣左樓移民的朋友話，當時d買家已經一開口就減話要100萬，用屋苑最近成交價做base，朋友等左幾個月終於屈服，減價賣出走人，九龍區私樓。
依個市壓 15% 正常，30% 都可試
唔急唔好賣，自然有其他人會賣。再唔係，可能同價揾到靚啲盤
但你放租要諗埋稅務問題
如果供應會唔會好蝕
1個讚
其實通關之後會好d，香港冇d人諗得咁差，至少係英國呢邊唔少人仲打緊香港份工，亦唔少人諗住拎左護照就回流
唔係喎，一年前家人放樓以最高價賣出左，放左2個月都冇，個時仲好旺嘅