又有條理，可否分享下
不如講講你具體既問題係乜野?
eg 你覺得自己三分鐘熱度? 你覺得你邊方面無條理?
或者有無咩日常事例係你點樣無條理咁?
即係大家都係做同一件事， 但係我就永遠做得比人慢，做咗好耐都係咁
即係每日去跑步，做得兩三日又冇繼續
個人又冇手尾， 睇嘢又睇頭唔睇尾，又甩漏，想搵想搵返個樣野又搵唔到晒我好多時間， 其實如果有手尾又好整齊，應該會有效都好多
純粹個人意見
如果你覺得果樣野唔重要
你自然過兩日就唔會去堅持
如果你覺得果樣野係好重要 (eg 日日準時番工)
即使你唔願意你都會自然做
1個讚
我都係咁
我老公就係處女座 好有條理
我都係處女座，set 咗 plan 就風雨不改。
在現實生活中如果我有呢啲仔女和下屬，佢哋應該好憎我。
好似我呀
如果我可以冇咗呢啲缺點
應該可以成為成功人士
我屋企人形容我係學嘢好快條learning curve 上得好steep但好快就平咗，whereas 其他人慢慢上追過哂
我都係，然後旁人和自己不斷叫自己手尾好啲，但又做唔到，煩惱咗好多年。
直到手機出現，我將所有日程set曬鬧鐘，文件資料儘量電子化，一search就有，就唔執都好快搵到資料。
唯獨有啲文件/物品都係無辦法電子化，我就會整個盒，唔知點分類嘅嘢就丟入去，大約每個月清理一次。
1個讚
你本身唔係咁既性格 &果D唔係你鍾意既嘢
應該無"好方法"的 你需要的應該是一個說服自己堅持下去的理由(信念)
好多例子都係咁…
- 女友想纖體 不成功 分了手 纖體成功瘦了20磅 > 要令ex另眼相看
- 老人戒甜 戒唔到 老朋友糖尿日日洗腎洗肚 ok主動唔食咁甜&做運動了 > 不想日日去醫院
- 不願下廚的人 某次被朋友讚有天份後 不停鑽研菜色 >想獲得更多滿足感
- 長輩不願洗手戴口罩 認為多餘無用 灌輸佢其實唔係為佢自己而咁做 係為左保護家人 > 最緊要孫仔無事
成日諗 執行力好高 愛整齊整潔既人 其實心中係咪都存在某D信念/想法(佢本人未必發覺) 先會咁堅持到落去 
我都係 以前有scanner就store落電腦
依家有手機 就影相仲方便 手機跟身隨時都搵到
仲可以上埋cloud 就更方便
應該都係想"一search就有"既感覺 令到我不停咁做落去
不過都識得一個儲左30年報紙/雜誌既人 堆到全屋都係紅白藍 就黎連開飯既位都無
有提意過佢不如入落電腦 又快又可search 又可唔使搞到間屋咁
不過 佢無動於衷 … "一搵就有"應該唔係佢杯茶 
1個讚
我先生 有條理 不過唔係想想樣都有恆心
講講佢儲物既方法,
例如一個膠箱 膠箱要編號碼
佢會放同類型既野 書本 係同一個箱
然後影相 加入個excel list 度 邊本書放邊個箱 最底層定中層
又例如 一個紙箱 又要編個號碼比佢
放好多唔同set既玩具 影相
(影相目的係一開箱就大約知邊個位置
張相又會save係電腦 另外會print張相係紙箱側邊 咁搵野時就好清楚) 再mark excel list 個箱有乜
佢有十幾個箱裝野,例如我要搵一隻公仔或者某本漫畫第一集, 佢可以五分鐘內搵到
我先生個excel表應該好強勁
但佢無share過比我睇 所以唔知佢點編排 但佢講過佢放野方法就係咁
另外減肥,以前有一年keep住成日跑步,所以我減左十磅
而家我都減唔到,除非身體出左事必要我減,暫時我都唔想郁 講到尾係我懶
1個讚
我覺得依啲都係性格嚟，因為我見身邊無條理嘅朋友真係幾十年都係咁，除非真係遇到一啲大轉變先會改變到少少，所以真係幾難改。
不過你留意到自己有咁嘅問題，而又有心想改都係好嘅第一步，恆心嘅嘢我覺得同決心掛勾，你決心唔夠，就唔好要求自己一下子改到，例如跑步，先定跑到五日，真係做到，就再加日子，慢慢加上去，定一啲短期目標，你有成功感先會有心落去，一嚟set到日日跑，你根本就做唔到就唔會想做落去。
至於條理，又係遂樣遂樣試下先啦，唔好諗住一下子成個人改到，邊樣你最想改善，就諗下計先，例如好似大家講嘅電子化，會唔會用啲app幫你mark低啲嘢，睇下會否好啲。
1個讚
中， 鍾意嘅嘢整得好好
會好D，定mark落簿?
真係睇你習慣，咪兩樣都試下囉，無壞架
我又係咁， 想瞓多陣
最弊就係我mark咗落本簿度，本簿又唔知去咗邊，同埋有好多嘢mark嘅時候又唔知係分開幾本簿呀 ，定係一本簿mark曬，一本mark晒又好似好亂咁， 最後我又會唔見咗本簿喎， 電話都試過唔見
我一有目標（不論大小）一定要諗辦法完成及實行，無論要幾耐時間
我覺得係天生，因為做唔到個心唔舒服
1個讚
每星期運動 3~5次，每次兩小時，維持超過 30年。
會覺得悶架，但練武不練功，到老一場空。
要保持到水平，再倦再無時間都要擠出來。
年青時，一個國家冠軍教我，與其多想如何改變，首先去做到風雨不改地練習。之後便會自然明白自己需要有咩改變。
可惜即使我一直堅持練習，到退役前都唔了解這意思。
反而退役後，再無勝負心下反而明了，技術也諷刺地進步了。
找樣有益的事，強迫自己持之以恆。
只要有一件事鍊成恆心，其他事也好容易有恆心。
4個讚
記喺電話app度啦。
我用google keep，可以search可以sync。電話唔見咗，都可以喺另一部機login 攞返