應節地開個post
我難忘細個去公園仔煲蠟，玩燈籠。連續兩晚晚飯後有節目，阿媽又放人，簡單嘅幸福
祝大家無論何地都過一個幸福，完整，齊心嘅中秋節
4個讚
Me2!
好期待食完飯去煲蠟，其實玩下蠟燭姐
好難忘一望落樓下公園四處燭光
仲有玩紙燈籠著哂火，之後即刻比返老豆
夜晚去賞月野餐，細個平時都唔會「出夜街」
係中秋啊媽先會帶我哋去「夜街」
預祝大家中秋節快樂
3個讚
看見有人煲蠟到咁上下放咗啲水落去火升到兩層樓咁高，嚇死我
3個讚
學啲表哥表姐用燈籠入邊支蠟燭點著火柴黎點其他蠟燭, 點知支火柴啲火好高, 燒著左燈籠。個燈籠仲要掛係度既, 燒得好快, 好在啲大人坐係側邊, 即刻拎走燈籠掉落地踩熄左…
中秋節好開心會去公園玩, 然後成家人夜一夜 (玩到 12點幾1點) 先返屋企 
我表哥同哥哥就係咁玩，而家諗返覺得細個太大膽
大學時期有讀 chem 嘅朋友加料炮製，現在諗落都危險。
所以依家冇咗煲蠟呢樣嘢玩lu，而且有意外
真係好危險
我從來都唔會煲蠟淨係玩蠟燭，原因係：
因為k2個陣，有個同學煲蠟受傷，
冇返學好耐，到佢返學既時候，我見到佢2隻手都係一舊舊好似肉芽既野，好慘，好震驚我5歲既腦袋
個次都係我唯一一次係學校，用心跟老師祈禱
2個讚
望住個月亮，我個心會掂念住香港嘅家人，朋友，黃店，手足，47人，健仔，陳日君，肥佬黎，鄒幸彤，傑斯，梁天崎，周庭，流亡嘅人，大小浪浪等等
我冇宗教信仰，但願以上各人平安健康，終有一日我哋會團聚，但願人長久，千里共嬋娟，我愛佢哋每一位。我日子過得安穩係佢哋有功勞嘅，永遠唔會忘記佢哋
5個讚
我係中秋節出世, 由細到大都係用月餅instead of birthday cake… 一定有得吹蠟燭囉… 大量添… 
祝BD各成員中秋節快樂, 身體健康呀…
6個讚
細個家境唔好,冇錢買蠟燭,所以冇玩過燈籠,
仲有我係深水埗人,成日食海鮮
細個會同D堂/表兄弟姐妹返長老度食飯過節玩煲蠟, 好開心嘅時光~
果時D老豆老母自己打牌, 無人理我地點玩
成班朋友租船出海過中秋，順便係船過夜，
遇上大風，真係秋高氣爽，
船艙比咗啲有細佬和老人家嘅家庭，
自己和啲朋友係船上面吹，又凍又大風，
自己有帶咗褸上去，一早就比朋友攞咗去著，
好彩其他人借件衫俾我。
以後唔再租船出去過夜，情願租渡假屋。
細個已經要走兩場，第一場係婆婆到做節食飯，成大班表兄弟姊妹好開心，婆婆會比利是我哋買燈籠.
第二場去阿麻到，但佢住唐樓，出面根本冇位玩，間屋細又超多人，大人又打麻雀，好悶，寧願留係婆婆到玩.
廿幾歲人，同朋友傾講起其實咁大個中秋都未煲過蠟，當晚去左五塊田同我"圓夢"。
當時係12月。
其實我都係負責點左幾支蠟燭，其他野都係佢地做晒 
2個讚
讀書時代有一年農曆8月15日撞正我新曆生日，無同學仔可以同我一齊慶祝生日，個個都要留係屋企做節
記得有一年中秋節，
姑姑帶我去食中午自助餐，
媽咪就話：中午食飽啲，
今晚唔煮飯。
果一晚佢7點鐘就上床訓教，
我好悶，落街玩。
玩到差唔多10點先番屋企。
就自己上床訓教。
2個讚
都係煲蠟，再大啲就同frd打通宵麻雀
有
結婚之前果一個中秋，我老母如常地為咗錢發我脾氣 情緒abuse 我，而我為咗唔想攪寸個party, 明知會好難受都照去做節。結果我一去到，我老母即刻楝高個餐牌，然後同佢隔離位講「唔想見到佢」
中秋節朋友介紹識咗我老公，一大班人喺沙灘傾計玩通宵，而家，我寧願早啲瞓啦