https://www.instagram.com/p/ChD71GAP-AA/?igshid=YmMyMTA2M2Y=
soching冒住放棄女團夢的風險出story，大家都睇下佢share的post
加油集氣、傷者康復固然重要，但都唔好忘記追究事故責任，近幾日唔見大家再講個幾間公司（呢個時候就好掛住蘋果d調查報導）
今次唔係單純意外，更係結構性制度問題
亦唔單止係dancer權益（每個上台ge人其實都有機會中，唔中12子只係時運問題）
如果今日唔追究豆腐渣工程，將來只會有更多意外
而如果viu繼續咁營運，遲早害死mirror同collar
呢啲關注嘅點係咪唔算追究責任嘅範圍？
Fans 唔施壓叫停演唱會？咁都關事 
至於低成本template，講真如果唔係涉及安全同人權問題，其實人哋點搵錢真係好難控制，我覺得個類比係近似快餐店同fine dine，fast fashion 同luxury brand 咁，都係睇下間公司target 乜嘢
唔單止係鏡仔同dancer
呢啲亂嚟嘅工程
根本已經充斥各行各業
唔正視嘅，任何人都可以係下一個阿mo
追究責任實在係最重要
因為疫症（原有專業人仕冇工開要轉行），因為移民潮，人才外流對工程界好大衝擊
呢啲情況只會不斷發生
低成本還低成本，安全呢條底線唔可以過
過咗就要付出代價…
我自己底線係安全同人權（不過人權比較多灰色地帶，同埋好多覺得自己地位低的人員都會容許別人exploit自己）
反而覺得係請大家反思，下次如果發現有異樣，會否更大力做更多
fans的責任同主辦方肯定無得比
而fans其實開show前後都有施壓過，例如鬧條橋搖搖欲墜
但如果今日出事ge係12子，相信一定有唔少鏡粉後悔點解當初唔激進D
其實宜家講返轉頭已經無意思，就算作為dancer女友的soching當日都抱僥倖心態，無發過聲。但下次呢？如果下次再有咁ge情況，大家會點。今日就算制度改善左，都需要監察ga。
同埋用消費者抵制爭取改善問題，唔係新鮮事
假設你知道某企業強迫勞動、縱容企業內性騷擾之類，咁集體消費決定其實都可以係一種有效壓力。
咁都可以怪fans無俾壓力？！莫講話當日即刻有粉絲發起聯儲簽名要演唱會安全，即使無都無可能怪消費者，有幾多人會估到啲工程會流到咁？再講，雖然今次dancers係受害者，但唔等如佢地無責任一齊行動什至拒絕演出嚟抗爭，舞蹈總監rock sir更加有責任幫dancers發聲，呢件事好多單位都有問題，點解會變咗某部分人既責任？
其他想搞演唱會既人最無辜
一直以黎就算有意外 都唔係呢種大型事故 搞演唱會既都好守道德標準(即係建構時間要足/金錢要使就使無縮皮)
呢舖viu明顯係"紅"到衝壞腦 唔理咁多 成本效率至上 破壞晒所謂既"行規"
依家情況就似 一班學生讀左9年書 個個都好乖 突然有個插班生叫"死人viu"既破壞課室秩序 然後就變左要全部人一齊規管 咁樣死唔死
淨係規管viu啦唔該 係佢搞搞震之嘛
至於推個責任俾fans 呢個實屬無腦既諗法 自己找屎
(況且大家都見到fans好努力做嘢)
dancer人工/權益… 佢另開議題好D囉 炒埋一碟黎討論 "棧"令到呢個議題排到最後 無人關注 甚至有反感
係呀，各個行業都會見到呢個情況，特別係老師，IT 界，醫生護士
一諗起個心就實
我自問喺行內係中堅，少少老屎忽啦，但有經驗，我自己都走
關於呢點，其實So Ching 只係share ，個帖文唔係佢寫。佢係觀眾之一，亦算家屬之一。或者佢都認同如果當初自己有盡力，可能悲劇就唔會發生…
當然以上都係我估㗎啫
但無謂對傷者家屬咁harsh 吖…
無特登對佢harsh ，傷者家屬唔等如佢講既野一定要照單全收，佢repost得即係認同，我亦只係對point唔對人地講出唔認同之處。事實上佢repost完之後網絡上對鏡粉有好多攻擊，真心唔明點解責任會去咗粉絲度，某程度上粉絲都係受害者
你咁講係咪知道今次事件啲乜嘢？
係你就講出嚟啦。
Fans 嘅輿論係會影響件事嘅發展
意外發生前，佢都係觀眾之一、家屬之一、沉默之一，走唔甩
意外發生後，眼見仲有Fans 覺得鬧花姐鬧魯生就係唔啱（？）綑綁式支持金魯花至係「真鏡粉」（自稱）
法律責任嗰啲後話啦…出咗咁大意外，14日，冇正式交代過，仲諗住推Collar 出嚟試水溫。淨係呢點已盡顯公司高層縮骨
悔恨，佢最有資格講
原來香港都一樣有豆腐渣工程,突顯老闆階級縮水又可過享受生活,一般打工仔就辛勞過活,連出事都唔想追究責任
係呀！真係愈來愈多這些工程，求其完成就交功課，無發生事故只係好彩。
其實今次演唱會，fans都應該爭取權益吧
作為真正金主，fans club買飛都咁難…
係咪已經養左隻怪獸出黎…
呢個真
日日面對傷者，身心疲累⋯⋯
希望大團圓結局
不過Soching一句，一石激起千重浪⋯⋯
多謝你長文回覆我，比我了解你嘅points. 我諗我明白你想表達的嘢，你係咪想講作為fans 可以比多啲行動上嘅嘢去施壓主辦方make sure 安全同冇問題，避免意外發生。
我認同消費者係有好大權利的，但只限於未決定俾錢之前。當你錢都比埋，其實無咩可以做，人哋都唔會show 你。以show biz 演唱會黎講，飛都買咗，錢又比晒，我實在睇唔到消費者可以有咩施壓嘅空間，集體要求退票唔係冇可能，但冇先例，真係好難達成。
我好贊成要追究責任的，要比傷者交待，要避免同類事件發生。但要搞清楚咩叫追究事故責任，搞清楚邏輯條線。「如果當初咁咁咁，今日就唔會發生意外」，呢個係if then，但唔係責任。責任係某方在理應該要做呢樣嘢，但佢冇跟隨，導致事情發生。
篇ig 我係認同第一句，但其他嘅我覺得有少許唔關事。可以反省，但同追究責任唔係同一個層面嘅嘢。咁樣俾人感覺有少少藥石亂投，方向失焦。
多謝你花時間閱讀 
