情境設定，一家三口同老爺，嫲嫲姑仔同一屋簷下。婆媳，姑嫂關係不和諧，姑仔黎緊結婚生bb,會繼續住係度。
問題，間屋係老爺名，如果搬左出去，之後繼承唔知仲有無我老公份？（可能比人話唔孝順，唔照顧屋企e.g…） 繼續寄人籬下，忍氣吞聲，步步為營咁住係度？要錢定快樂？同姑仔繼續鬥智鬥力？
好仔不論爺田地
24個讚
即姑仔老公會搬黎住？
咁咪變一家八口？
俾我緊係搬啦
6個讚
快樂。
人生苦短。
8個讚
搬出去算，最緊要開心
2個讚
唔知要忍氣吞聲幾多年先「繼承」到一啲唔屬於自己嘅嘢，不如俾自己開心啲，咁搵錢買自己要嘅嘢仲快啦！
14個讚
係呀
其實呢度地方夠，大家有自己房間，但始終同住，有好多其他問題。
搬出去啦，仲可以大條道理唔俾或者俾少d家用，以後照顧6299就姑仔負責，反正大家都唔岩唔使俾面
9個讚
搬，
等佢哋一齊住，相見好同住難，
你哋關係就可能好轉，分分鐘最後漁人得利
3個讚
搬…屋企要嚟休息，唔想日日對住啲唔夾嘅人
3個讚
我會搬，就算你一齊住都唔代表層樓最後會分俾你。搬走咗唔使照顧老爺奶奶，呢個重任可以交晒俾姑仔，仲唔使睇人面色，舒服好多
12個讚
但啲小朋友會大，姑仔都可能會生多2個，到時夠房嗎？
然後大家小朋友相處又會有更加多磨擦，煩到嘔。
1個讚
屋企幾大？係5000尺獨立屋？
要幾大地方先夠三個家庭住？
我寧願1家3口住500尺
唔使睇人面色
5個讚
係呀，宜家姑仔同我小朋友相處模式我已經不能接受。所以之後更加煩到嘔。
多謝大家既留言討論，我係揀搬走既。
果時決定搬走，都無諗過間屋既，當時實在無辦法再係度住落去，因為生活過得好唔開心，一心諗住要搬。
係後來突然諗如果係姑仔一心想霸左間屋，處處刁難，趕走我地，咁咪正中佢下懷？
睇完你地留言，本身實在夾唔黎，繼續住係度，只會有更加多唔同問題出現，所以都係要搬走。
6個讚
如果因為搬走而唔平分，相信佢地本身都偏姑仔多d，如果不同住，99見面時又唔太難頂，多d番去食飯陪下家人，畢竟可以陪老人家日子不多
2個讚
係你哋嘅嘢邊走得甩吖, 老爺係要留俾你哋的話, 就算移咗民, 佢哋都KEEP住俾你哋架喇
總之唔開心就搬開, 活在當下最好
3個讚
不和諧都仲要一齊住？自己攞嚟衰⋯⋯
為咗爭家產委屈自己呀？買唔到樓都出去租樓啦！
如果我個仔佢娶咗個老婆令我篤眼篤鼻，我一定唔會俾佢入我屋企，咪阻頭阻勢！你地兩個自己出去搞乜都唔關我事。
2個讚
間屋係公屋定私樓？公屋要有名先可以繼承，問房署或老爺先知。私樓就問老爺有冇立平安紙，如有先知層樓邊個繼承。其實繼承層樓唔係住得耐就可以繼承⋯⋯當然你話姑仔住咗入去懶C唔走又係另一回事⋯⋯
1個讚
老爺唔會呢三五七年走、冇理由為左間屋呢三五七年坐監咁
如果你地一齊住一定好大問題、遲啲你小朋友同姑仔小朋友爭玩具爭野玩點算、有時你唔喺屋企、兩個小朋友打架、邊個整親邊個都係煩。
到你小朋友上左小學要揾書做功課、姑仔個細嘈住晒、搞住晒又點算？
真心訓街訓劏房都好過咁樣迫埋一齊住。
2個讚