你會點揀?

佢用啲咁嘅手段霸到間屋、嘅第二啲地方會受返、唔好諗咁多。

條氣真係唔順、就好好努力生活話比佢知、你地一定洗左錢搬出去、但你地有能力、活得比佢更開心更好。

3個讚

繼唔繼承嘅嘢, 邊個講得埋? 老爺臨老入花叢最後益個北姑都聽唔少啦
有遺囑: 你住唔住喺度都可以留/唔留比你老公;
無遺囑: 你住唔住喺度都會有一部份比仔女 , 詳見《無遺囑者遺產條例》(CAP.73)
結論係: 你地住唔住喺度同遺產分配係零關係!

7個讚

地方幾夠都好,我真係接受唔到同老爺奶奶+姑仔一家一齊住(仲要關係唔好)

我住緊果層、有個大單位、爺嫲兩兄弟同老婆加仔女一齊住、playgroup咁

仲要聽過一兩次嘈交、我工人姐姐八反嚟話係兩個新抱爭要用有套厠間房。

之後個細佬係做消防、排到宿舍搬走左、個淨低係新抱日日同奶奶嘈

個奶奶鬧佢有本事咪成家搬出去囉、唔比家用學咩人大大聲、我地窮、供唔起你呢個公主、成層都聽到。(佢個大單位….都值7球傢:see_no_evil:

4個讚

你姑仔係要霸間屋,住响度同唔一齊住都可以耍手段。我朋友姑仔,身在外地都有辦法叫個阿爸俾咗香港大部份錢同屋佢,冇嘢留俾個阿哥。

對我嚟講,令自己有能力搬走,自己一家生活先係最終目標。四大長老有冇嘢留俾我,我都冇咩所謂。

鬧得好,個奶奶幾衰都好,最緊要有本錢同人嘈,食人哋住人哋憑咩

2個讚

冇錯,對女同對新抱點同,我都傾向留返d野俾個女多過仔

Off topic, 有套廁都只值7球咋?!

3個讚

係囉,我老公朋友個老婆又係咁攪笑,佢講到明等99死左就搬去99間居屋住,間屋係62生前買落,但係老公朋友仲有家姐細妹,佢講到一定全間屋只係俾曬佢老公咁…
同埋老人家都可以好長命架

1個讚

我果度長期跑輸大市……

一廂情願, 呢D情況有遺囑要睇下比邊個, 無遺囑係咁多兄弟姐妹平分, 唔好以為係仔就大晒

2個讚

仲要通常都係啲女會照顧父母多啲,仔大哂咩。不過好多上一代又真係只會留俾仔:woman_shrugging:t2:

咁佢要識寫遺囑先可以咁做, 但好多時呢D老人家又好忌諱做定遺囑, 覺得大吉利是

2個讚

爭產咪就咁黎。
身邊聽都唔少case,咩情節都有

2個讚

佢99好憎個新抱,之前反左面,所以我覺得會平分,唔會特登留間屋俾個仔

唔會做定遺囑啦,99好憎個新抱架,同埋佢地都唔係有錢,第時99再老D,分分鐘要請工人照顧,無錢起上黎可能要按左層樓

再絕啲逆按揭

1個讚

所以真係唔好咁老定,老人家層樓太多變數,同埋樓齡都大,我另外有個FD,佢呀爸層樓要大維修,叫佢夾錢佢唔夾,佢呀爸嬲嬲地按左層樓黎拎錢,睇個勢第時都會按到盡…

3個讚

爬晒文,無人問樓主佢老公點諗既?
老公都係想繼承間屋? (唔知係公屋定私樓啦)
如果老公都係想要死霸爛霸既你都要同佢一齊嫁啦,所以好奇你老公係點諗。

SHARE一個CASE,同事T 一家三口租村屋住,佢細妹同老豆住公屋,但同事T一直都有名O係公屋,近年,同事老豆百年歸老,同事T繼承左公屋,依家一家三口搬入公屋同個妹一齊住。

所以如果樓主老爺果間係公屋,主要都係睇有無除名,如果無除到名就最終都係有名果個繼承。
如果係私樓,普通一個名樓契無遺囑情況下,伴侶50%,子女50%,長命契就直接係聯名果個繼承。

3個讚

我地搬出去,我老公肯定要同意先會成事,一齊決定既,因為佢自己都想搬。間屋佢意思係都唔係佢決定到既,如果真係搬左出去,無都無計架。
本身我諗法係因為我老公間屋有份,(62口頭講過話留比兩兄妹)如果因為我地搬出去就無左,唔係咁講得過去,不過算啦,學大家咁話,唔知幾時發生,又唔知之後發生咩事,顧掂自己先。