樓主, 唔好怪我直, 有啲人係會曬命, 其實某情
度上, 樓主你自己已經將人地講既嘢用黎比較自己.
我自己唔會咁諗, 因為每人既際遇都會唔同, 只要自
己比上不足比下有餘就已經足夠.
老公自我中心，睇哂婚姻輔導都改變唔到
小朋友仲細，唔想佢地冇爸爸
自己已經唔望第2春，亦冇信心拖兒帶女會揾到個好男人
我以為對對夫婦耐左都係咁平淡
但有時出黎同朋友食飯，見到人地唔係咁
睇得出佢地仲係好甜蜜
1個讚
我諗佢唔多唔少都有曬命，同我講買樓
但我又犯賤，問佢買邊到，問佢幾大
然後去中原成交睇幾錢
如果有朝一日可以係我曬命就好
我都想試下曬命
其實我講既重點係你自己已經將呢樣嘢
和自己比較, 所以先至會情緒低落.
記住唔好將人地講既嘢去用黎和自己比
較, 你自己都有比既心就只會無限輪迴係
比較之中就會不停咁唔好開心.
2個讚
我有呀！
就上星期見到個舊同學開5間分店既POST，個心即刻沉一沉。想當年未結婚大家一齊落CLUB 玩，佢即晚主動識左3條仔，都係做律師，其中一個係佢依家老公。羨慕就當然啦！不過自問我冇可能會咁樣識人，佢做到，抵佢！
另外，當年佢買第一層樓時，我同BF都覺得個市會向下，層樓又舊位置又唔好，點知佢3年後夠錢換7百尺半山，羨慕就當然啦！不過自問我冇咁既膽，佢做到，抵佢！
羨慕完，再睇下自己比唔上佢，但我有我既幸福自在，同老公呻幾句，完~~
最緊要提住自己: 各有前因莫羨人
人人條路都唔同，偶爾M到前唔抵得一陣好喇，花多D時間喺自己身上好過啦！
3個讚
我都會有呢種諗法，但反而唔係朋友，係一啲唔識既人作比較（所以我都對自己講唔好咁無聊浪費係其他人身上)
我身邊朋友個個都比我過得好好，搵到好老公，又買到樓，又好快生到BＢ，仔女讀書又叻。但其實每人背後都有佢唔開心一面，所以朋友無謂比較，我反而成日都稱讚佢地你真係好遇到乜乜咁好咁好。就算佢地呻唔開心，我會覺得幾幸福幾完美表面佢地都會有煩惱，只係大家所煩既都唔同。
1個讚
大家成年人
道理我都懂
但自己面對果時又另一回事
我會專注自己發展自己興趣
建立自己嘅自信
就冇咁得閒留意其他人⋯
女人係會比較 比常心
大部分人都係咁
係呀
心態問題
到你買到千呎屋
個friend 搬去獨立屋
你一樣可以唔開心㗎喎
苦樂全在主觀的心
不在客觀的事
5個讚
比較都正常嘅，真要比的話自問都唔差吖…
你想像吓真係俾你去到你朋友果個境界，又會點呢？係咪真係你諗咁美好？
到時又有果個境界嘅煩惱
普通朋友會、好好既朋友會替佢開心
所以有時有開心唔應該分享，或者唔好去到咁盡，雖然自己唔係曬命，只係想分享自己嘅開心，但人哋聽落就會覺得曬命
仔女孝順，兒孫滿堂
如果明知朋友group有人剛剛唔開心，當然暫時唔好send 開心野，
但ig fb呢啲，除非係64/612呢啲日子，否則我我覺得唔駛下下就住其他人，其他人都係成年人，如果睇左唔開心，最簡單方法係唔睇，當事人又唔係公眾人物，唔駛咁多社會責任
即係其實要識做， 咩場合講咩說話 ，人哋sad緊仲喺度曬自己開心事，忽然間都叮一聲，說話都要講timing
我覺得呢個係common sense, 剛發生唔開心事當然唔好亂講野。
唔通父母過身五年後，朋友group仲唔send 得母親節父親節長輩圖咩
1個讚
雖然係知道，但有時自己一下子就會唔記得咗， 或者自己講錯嘢都唔知， 都係要提高警覺
佢自己人品點先？
有啲人好唔識趣架
1個讚
我細個父母好鍾意將我哋同人哋仔女比較。我受佢哋 影響都好鍾意同人哋比較。
其實我自己已經比一大半人好，生活得好好 事業又ok，又嫁咗個好老公，老爺奶奶又好錫我。我好後生(22歲)就有第一層樓。
但有一段時間，成日同人比，咩都可以比：男朋友，事業，打扮…成日覺得梗係覺得活得好慘，自己要更努力，先可以超越其他人。
之後發覺咁樣好辛苦，的起心肝要改變自己嘅諗法。慢慢改變自己，唔理人哋點樣生活。 因為其他人嘅生活，唔太關自己事。
希望樓主你有一日都明白呢個； 人比人，比死人嘅道理。 無論你自己有幾出色，永遠都有更出色嘅人， 無論你生活有幾美滿， 永遠有人更加美滿。 滿足感係靠自己醒覺。
所以唔好比較，咁人生先會快樂，滿足。
2個讚
如果你個女聽話生性，一句冧你嘅說話已經會令你感到幸福㗎
1個讚