做人下下比較自己會好辛苦。
好多人報喜不報憂架
你睇剄佢收成但人地背後付出有幾多又唔知道。所以做好自己唔需要去同人比較
咁樣生活才開心
我老公雞肋，似平淡roommate
佢老公結婚多年，相處仲係soulmate
我學歷高，但讀個科唔吃香
我自己性格又悶，係職場上浮浮沉沉
佢學歷低，但可能性格熱情，間唔中就聽佢又升職
而家人工應該已高過我好多
仲有好多好多，愈比愈覺得自己過得混噩
係，我甚至已經unfollow佢既social media
廢事自己忍唔住同佢比較
其實有時人大左，識睇情況講嘢係禮貌一種
1個讚
咁你朋友有佢嘅煩惱啫，好似我啲有錢朋友，我讀書叻過晒佢哋，但佢哋一係有父幹一係老公有米，我就極普通，但佢哋原來啲奶奶好難頂，又唔出得聲，我自由自在過佢哋好多囉
而且佢哋有咩都會問我（中英文啦時事啦）即係各有各好囉，唔使比較
你同你老公，要經營下
好吖，保護咗自己先
唔見佢啲嘢就慢慢唔駛再比較，個心會舒服啲
Social media 本來就係報喜不報憂
睇多冇益
見到朋友生活多姿多彩
生日走幾場，大把人同佢慶祝
見到自己都冇嘅
都覺得唔開心㗎
1個讚
係度叫你唔好比較、人地自有苦處、人生不如意事十常八九、大家命水唔同都冇用,
因為樓主一早明呢D道理, 只係做唔到, 做人就係咁無耐,
我記得以前有個會員講過, 如果一個人可以trigger出你唔好嘅一面, 咁不如唔好見,
朋友冇錯, 樓主亦冇錯, 但起碼呢一刻要諗左自己先, 要諗辦法令自己舒服D, 簡單直接方法係唔好見, 暫時唔follow fb/ig
9個讚
其實你忟既係自己
我覺得性格既野，揚善隱惡啦
但人生過得無意義，就真係要搞搞佢，至少要令自己為自己感到驕傲
2個讚
你努力就一定會有成果，生命有高有低有跌有宕先係人生
但唔好focus喺人哋表面嘅嘢，底嗰浸你未必知
就咁聽，唔少情況係道明 女人出嫁就即係等於第二人生嘅開始。 無論以往本身條件幾咁一般啦， 嫁得好就會成為別人羨慕同妒忌對象。 但一切都係講緊 際遇。 有時覺得人大咗， 自己過得從容開心先最重要。 如果次次見完自己唔開心就疏遠佢啦。
1個讚
你朋友係咪內心強大，好自信果type? 定係有信仰？
大家各自修行吧！我朋友暴發戶，有車有樓有靚錶！有時扮講笑笑我住公屋，又要返工仲要同人迫車⋯我都係一笑置之！雖然佢物質比我好，但我知佢小朋友有啲問題，自己原生家庭唔完整！我雖然窮又要迫車返工，但我父母超愛錫我，而且我啲小朋友好生性讀書又好！所以唔好同人比較，搞到自己唔開心！其實每個人都會有難處，只係你睇人好人睇你好啫！人哋唔好嘅嘢唔會曬比你睇架麻，好就話曬啫！
6個讚
冇信仰
有自信，少少厚面皮添 
可能因為有啲藝術家性格，份人唔realistic，所以唔會妒忌人哋擁有嘅物質或金錢。
另外因為鍾意靚嘢，一定唔會妒忌人哋生得靚女，仲好鍾意同人哋做朋友。
3個讚
咁佢好好丫，好親近其他人
其實講到尾：有健康就好夠，仲有大把嘢想做同可以做
1個讚
我都有句呢排幾常講
你睇我好， 我睇你好
你羨慕人地有嘅嘢
人地同樣都有嘢羨慕你
有好多嘢， 無得比， 無得求
我旦求係 無愧於心， 我盡咗我能力
得到想要嘅當然好
得唔到都無計
1個讚
都會嘅，感懷身世咁
我以前都會好羨慕點解人哋出身咁好，屋企有錢，父母有學識，大大方方，正常嘅一個家庭。人哋有人幫佢鋪路，或者至少教佢點行，我就只得我自己，唔單止無後台，仲要照顧埋屋企。人哋一份糧自己用，我就大把人幫我用
有時而家諗起都有啲怨恨我父母，但每次都用佢哋年紀大嚟平伏自己。或者你都諗下用一個理由嚟平伏下自己
5個讚
講得好啱
2個讚
出身冇得揀，但氣質，學識，學養，眼界，修為全部後天可以培養，哪怕你四五十歲都唔怕遲
羅蘭係咪老得好優雅？佢後生專做奸妃，又唔靚
我求其數十樣嘢免費嘅，你一定做到，又改善到自己
- 同老公及屋企人改善關係
- 去借好多書睇，唔同種類都殺
- 做運動，令自己身型又fit又靚
- 多啲笑，多啲表示禮貌
- 做義工，助人助己
- 練習靜觀，留意自己身體，呼吸
- 瞓夠飲夠水，皮膚及氣場都靚
- 上網讀啲免費course或參加免費講座，YouTube 節目等等
- 做下小手工，畫畫，寫作，砌puzzle，種植等等，訓練心思
- 屋企斷捨離，改善執念，令自己住得舒服
我唔信命，呢個世界對自己好嘅人，冇嘢可靠得過自己
我成績好，但我工作運普通，hea住做，老公都冇錢㗎，賣樓都可以唔賺錢，父幹更加冇，佢唔問我攞已經好好，亦要養家有家累
我啲舊同學，住山頂嘅有，出國讀書有，唔使做嘅有，但我覺得自己亦冇不足丫，佢哋有佢哋煩惱，有情緒病，有奶奶煩，仔女問題，健康問題等等，冇我咁知足常樂，冇我咁自由自在囉（當然我自己都有嘢煩嘅）
26個讚
其實同人比較冇意義，人生只活一次既話，有冇諗過改變？
「老公雞肋」其實真係幾hurt, 有冇諗吓點修補？定補都嘥時間就不如放過佢同時放過自己？可能下一個就係 soulmate 呢
工作只係人生一部份，唔啱搵過份
我都覺，不過一直唔坦白講怕hurt到樓主
關係健康嘅婚姻會令女人漂亮㗎，樓主諗下點補救，你仲有得揀去過幸福人生
1個讚