唔知係咪得自己係咁
朋友同我分享佢過得好
不論佢係講升職加人工定買樓
我次次口講恭喜哂
但同佢傾完就心情低落
明明本身差唔多既人
畢業後佢愈過愈好，我就愈黎愈霉
可以話我係羨慕，又可以話我係妒忌
有時見到d人介紹自己閨蜜/bff
我都會諗女人朋友之間真係有咁深友誼，零比較心？
其實係咪得我咁怪？？
1個讚
好明你
一係佢一開始就好過自己
咁好地地
本身差過自己之後變到同自己差唔多甚至比我好
會覺得不是味兒
但係平伏下來之後都會明白其實佢好唔好都影響唔到自己
何必計較
1個讚
我明白你，會覺得自己一無是處又無好際遇，例如最近身邊人陸續上樓時，自己仲係度浮浮沉沉，無定向就會覺得好失落，明明自己都好努力，點解都係咁，有時唯有樂觀d諗自己擁有既野，會開心d
女人一般都係鍾意比較㗎啦
其實你雖然冇表現出不是味兒，行為上點都show到出嚟
個friend 亦會feel到，大家就會漸行漸遠。
我有個好friend 嘅女仔係異類嚟
所以佢同好多社會頂層女仔都friend 到
不論係名人之後、嫁入豪門、靚女model，佢全部都唔會妒忌，亦唔會自卑
4個讚
我會睇下個人人品點，有啲其實衰衰地但又好似行運mode就仲灰
2個讚
我一直覺得佢係曬命
但早排係呢到睇到一句
話有時係聽個位玻璃心諗多左
我都有諗我係咪咁
佢未必係衰，但過得開心難免有d得意忘形掛
我就更加灰
我諗呢個係我心態唔平衡既主因
同埋唔知係咪因為同佢算比較熟
其他唔熟既同學都唔少過得火紅火熱我又冇乜嘢
係佢我特別上心
有時傾完會失落成日
過一排接受左就冇野㗎喇～
諗下有咩你有佢冇既嘢
我有學歷，佢冇
但反而佢有好老公好工作
家庭事業愛情我全部被比下去
如果你性格係鍾意比較，其實好難改，唯有將focus 放係其他嘢度，無直接比較可能令你會放鬆D
2個讚
如果對方本身已經係頂層
本身已經比我好好多
我應該會冇乜感覺
反而本身大家好接近
突然發現佢上左岸
我仲苦海浮沉
就好難過
2個讚
我都明，讀書時樣樣好過朋友們，出到嚟工作最霉係自己，有少少覺得係性格問題，有啲性格讀書冇問題，出到嚟唔得咁樣。
我比較老土
我信”三分天注定, 七分靠打拼”
你見人地好似好多野好順利
多數喺背後付出好多努力
(又或者D衰嘢唔同你講姐)
就算人哋條命真係俾你好
試吓學會欣賞, 認同別人
冇謂太計較
世界上太多嘢可以比較
太執著只會令自己唔開心
4個讚
朋友堆當中仲有人環境好，環境差
我早幾年都會好想八卦點解有個朋友會突然富貴，唔使返工，但不停買H袋，又換樓換半山大單位。
但大家約出來佢又無點提，態度又無曬名，自己就平常心，安慰自己其實比上不足 比下有餘。
各有前因莫羨人
5個讚
拿點為之好先？有好學歷已經好過好多人，再加埋健康及正面思維，唔係話perfect但應該已經好好
唔好比較，搵啲興趣，搵啲嘢學，做下運動，個人即刻charming晒啦
2個讚
咁佢都唔會
因為佢仕途唔順，身邊啲中同女仔朋友做咗專業人士和ibanker
佢唔會妒忌㗎
不過我話咗佢係比較特別
好少女仔咁好㗎
有個女仔，佢細個成日同我比較，我又乜都好佢少少
依家佢啲仔女攞咩獎入咗咩勁學校第一時間同我講，問我意見
其實我都唔係好了解佢啲選擇，問我係多餘 
都幾明顯地覺得佢憑住仔女終於吐氣揚眉喇要威返次喇咁
我當然都會順佢意讚佢哋啦!
1個讚
十年前，成班中學同學相聚(中學之後第一次)，其中一個同學，成為咗全部女人妒忌/羨慕嘅人。嫁得好，老公又靚佬，有份好工又唔辛苦，兩個仔女又靚仔靚女兼讀神校。最最令人“不忿”嘅係佢中學成績麻麻。
我覺得人生係有順有挫敗，今日嘅不順，可能係令你為他日嘅飛躍做準備。
7個讚
記住一山還有一山高
知足常樂
不過當然係知易行難嘅 