有個大學相識好多年，好啱傾嘅朋友
呢幾年佢生左小朋友就更加多話題啱傾，有時我俾下意見佢，佢又俾下意見我。差唔多日日有msg來往。
上個月佢講到同老公唔啱，想離婚，我勸佢諗清楚，多啲溝通磨合下先。咁好啦，最後佢地無事，我當然好戥佢開心。之後，佢話佢洗禮，咁我唔信教嘅，咪講一兩句，話搵到一個信仰有精神寄託係好事。
之後幾日佢無msg我，我就照樣r下野傾，佢好冷淡回應，咁我係慢慢feel到佢有啲野唔妥我，因為佢耐唔時成日無啦啦一兩句說話/事情唔妥某人而有同我講，咁我就無再搵佢啦。因為好攰架嘛，無啦啦講錯野咁就要被佢咁對待，你有需要搵人傾時我即刻陪你傾，但唔啱聽就即棄，算係點！？
好啦，呢幾日佢whatsapp返我，講佢爆瘡喎….我隻貓剛剛個晚過身…（早幾日突然急病，送去醫院…搶救左兩日一夜都係去左….我而家打呢段文字又想喊…）我喊到死去活來時你同我講你爆瘡….？！
我小朋友六月一日公佈小一派位，你關心都無句，我隻貓過左身，你成個月無搵我，第一句唔係問我你點呀…而係講你爆瘡！？我唔想亦無心機回應….我只想搵人傾下貓貓突然過身點同小朋友講，點安撫佢地…我都好自責點解唔早啲發現貓貓有唔舒服…如果早啲…一切可能唔會發生….sorry 講遠左…同事尋日見我無乜心機，都有問我咩事，我都叫做有個人傾下…呢下我覺得同事比起呢個所謂朋友好更多….
總之，覺得呢個朋友係要人地去關心佢關注佢，啱聽就不停搵你，唔啱聽就嬲你一排但又唔直接講咩事，然後隔一排又扮晒無野咁搵你聽佢呻….咁點解我仲要去keep呢段關係？！隨時講錯野又嬲你一排， 朋友嘅野要咁攰我想放棄….
6個讚
但你朋友同你講爆瘡時，本身知唔知你貓貓過咗身㗎？
如果知，咁佢梗係有做得唔好地方。因為連問候都無句。仲要小朋友升學校都唔問吓
如果唔知，可能佢見自己好一段時間無覆你，決定搵D嘢講撩番你，希望大家聯絡番咁。
我都識D朋友係咁，一味只講佢自己嘅嘢，就算我講到自己嘅嘢，佢都要拉番去佢自己嘅事月上。呢D朋友我都唔會太想接觸。關係係雙向家麻。一味只有你講無我講。我頂唔順
6個讚
而且我都有朋友係咁㗎，只想聽啱聽嘅說話，仲話閨密喎？咁有時覺得佢有做得唔啱地方，係番意見佢。佢係唔聽㗎。另一朋友講嘅嘢就接受。
因為我永遠講事實嗰隻。佢接受唔到。只認為自己啱晒。所以而家我有D咩深入分享都唔會俾呢個朋友知
其實樓主會唔會…將小事化大左…
我覺得…禁耐朋友… 咁突然冷淡… 又變正常, 其實好小事, 每個人都有情緒有心情…
我有時直頭 “哦” 完就唔再應 (忙或沒心情), 但有事再傾又會好好傾…咁囉~
咁貓貓過身, 又有無同佢講? 我覺得千萬唔好以為POST 左響IG/FB人地就一定睇到一定知道咁樣…
小6派位, 開心唔開心…
其實講黎講去, 如果真係下下計到, 你關心先定我開口先, 咁樣…並唔係好朋友所為…
好朋友應該你接受何時何地, 不問付出只求帶比人開心, 一齊互嬲, 又無野又開心吹水
咁先係好朋友… 而唔係… “放棄”
我並唔係話樓主錯晒, 我只係想講, 人人都唔係完美, 人人都有臭脾氣~
4個讚
唔知，但一排無聯絡係相向溝通的話係咪應該問左人點先呢…
一黎就講自己煩惱, 我真係無心機回應…
我聽左佢幾年老公小朋友嘅事，呢排嘅冷淡先令我醒覺，原來我一直只係佢嘅聆聽者… 而我所謂的意見， 一唔啱聽就會淪為佢口中不滿朋友A／Ｂ／C一樣
我諗下諗下, 我可能會係大家口中既衰朋友 
我朋友唔多, 只有2, 3個可以放心比我同佢地傾心事,
唔開心, 我就會搵佢地講呀呻呀, 對方聽完比返應見我, 我可能都係聽完就算, 未必真心接納.
有時講講下, 我忙起上黎, 我會話 “做野先” 就唔見左. (當然真係忙啦, 唔係耍佢)
到朋友唔開心, 可能我聽完後, 會鬧鬧鬧點醒佢, 聽唔聽都好啦, 講完就算.
有時又係忙起上黎, 我會話, 你講住先, 寫住先, 我一陣睇.
但有時我會唔見左人… 到記得果時, 已經係NEXTDAY
不過 so far, 呢2,3個朋友, 大家點都好, 會嘈交會不滿, 但都唔會反面…
人老喇, 真係唔夾反左面 (或許係疏遠左) 既都唔少, 最後就係呢2-3位朋友了
1個讚
我唔會keep, 因為咁樣相處好辛苦
都有朋友係因為類似咁而疏遠
btw我貓貓今年2月過身, 養左十幾年…
之後有cancer, 其實我發現得早, 但由睇醫生到走都只係2個月時間
我都好傷心…真係好放唔低佢
到而家返到屋企見到佢骨灰都會喊
好明白貓貓走左真係屋企人走左咁傷心
呢D冇養動物既人係唔會明
同埋你有自己家庭, 朋友呢D就隨緣啦, 自己覺得唔舒服就唔好keep了
我隻貓星期日仲好精靈… 星期一上午開始匿埋，放工返黎已覺唔妥，佢連行到去飲水都無力烏低…半夜送去夜診醫院… 中午醫生話我地要有心理準備… 星期二晚無呼吸走左…
短短２日咋… 上星期佢仲日日朝早8點幾叫係門口ｍｅｏｗ我地叫我地起身開門…
我仲未接受到佢咁就走左… 只係１歲１０個月咋…
anways… 大家都take care
我明白你~ 其實我感覺到你好在乎呢位朋友.
不如試下換個角度睇…
能成為人地既樹洞其實都係一個福份~
起碼, 佢係相信你先會搵你講.
你都係壓力影響自己情緒，
先至有這樣思想，
過一陣子心情平復就無事。
2個讚
其實我有啲明你，我前排都有呢種感覺，覺得自己都做咗咁多年樹窿啦，點解喺我需要人聽我講嘢時你仲可以不停loop一啲同我無關痛癢嘅事，而我講嘅就冷處理
不過當啲負面情緒離開後，諗返大家關係的確係自己照顧對方多，只係人大個咗，照顧自己頭家啲瑣碎嘢已令人非常疲累，然後個地位咁重但又好似唔當自己係一回事嘅朋友真係會有啲hurt,我無選擇同佢疏遠，只係再提提自己，對方唔係一個可以依賴嘅對象，有心事想人理解千祈唔好搵錯對象，咁樣諗之後個心係好過啲，都無再嬲對方
但如果你expect要對等嘅關係，咁我諗呢類朋友唔值得太花精神去keep,呢類人未必係唔想付出，只係好多時佢哋唔會敏感到將朋友嘅事時時刻刻放喺心上去關心人
1個讚
佢都係搵話題同你傾，無惡意嘅，佢唔知你最近發生咁多事。佢咁耐唔搵你，可能都有啲你唔知道嘅原因，但佢又唔好意思講，想搵個easy啲嘅話題開口姐。
你一向做開樹洞，你醒覺咗，覺得咁樣唔妥。但佢唔知架嘛，佢好自然咁用返以前同你相處嘅模式。
睇得出你對朋友有期望，所以先有傷害。如果佢唔符合你期望，你唔開心嘅，都可以疏遠佢先，得閒鍾意先答佢兩咀，唔鍾意就唔理佢。
如果你都唔想keep個朋友，你都可以將上面嘅嘢爆俾佢聽，反正你都唔怕佢嬲啦。
我有個朋友，從來都唔關心其他人，剩係一味講自己嘢，成班朋友得我仲會應佢。其他人問我點解仲應佢，我話我得閒就答一兩句，唔得閒就唔理佢姐，無壓力，亦無期待過佢嘅關心
可能係佢習慣咁多年只做呻嗰個，如果你想同佢繼續可以坦白講出嚟，要話佢知貓仔死咗之後有幾傷心佢先會明，話佢知你有嘢呻；不過如果你冇乜心機同佢繼續培養感情就算啦，做朋友都睇緣份嘅…
朋友嘅嘢係咁， 嗰一刻可能好啱傾， 突然又因為一啲事，一啲環境大家疏遠咗， 有時都覺得好兒嬉， 朋友就好似生命中的過客
4個讚
我以前都識個咁嘅人，
嗰陣我爸爸做完手術在家休養.
嗰個人約我出街，
我回佢唔出喇，因為爸爸剛做完手術，我想係屋企睇住佢.
佢竟然回「
」
呢條友仲自稱係我好朋友，一句慰問都冇.
當年冇diu7佢，我都算好脾氣.
之前之後都發生好多事，立心絕交先掂，同呢啲人做朋友，簡直係浪費自己人生。
1個讚
而家大家都習慣咗send msg 溝通年代
每個訊息都係突然間架啦
唔同寫信、寫 email 咁講幾句開場白咩 
如果佢本身唔知你喵喵有事，你又無主動講，又唔怪得人喎….
做人媽媽都知一個女人其實都好多野要兼顧
好多時可能你地唔能夠好完善地溝通
等你小朋友搞好小一嘅事情
約佢出嚟食餐飯無事啦
