我都有類似朋友。有時你唔知講錯邊句得罪佢， 講緊唔係大是大非， 而係雞毛蒜皮，例如就咁講一句懷疑佢支持嘅偶像 p 到誇張咗 (其實本身唔知佢係開始有少少支持呢個人） , 佢就嬲。 又或者有時太忙唔記得佢講過嘅事佢又會唔開心比 說話你聽咁。 久而久之就會開始講嘢就住就住， 因為你唔知邊句會觸動佢神經， 亦都唔太接受相反意見。 有時覺得做朋友做到咁心很累。 不過由於相識已久， 叫做了解大家脾性， 佢都係一個好人，係值得交嘅朋友都嚟。 所以隔一排又會搵返大家當冇事。
人大到咁上下
隨緣隨心便好了
2個讚
咁又唔需要話放棄。
靜一排唔主動聯絡佢，睇吓佢再會唔會搵你?
題外話. 比個HUG你先. 我好明白失去寵物既痛.
個時我狗狗走左. 我抑鬱左成3-4年先可以好啲…唉…
而家講起又想喊
1個讚
其實我覺得一段相處裡面如果有唔愉快.
不如脫身出黎會比較開心. 人生已經好多苦要受.
何必重要有更多野令自己去煩惱呢?
如果佢再搵你你先應佢啦. 如果佢都係冷淡對待.
咁大時大節先祝賀一下算了.
朋友唔係冇長久. 但好難真係KEEP到關係.
加油呀樓主!
另外貓貓走左你都一定好唔開心. 先令自己心情好一點再決定吧.
我狗狗走都抑鬱幾年先MOVE ON到. 而家我貓貓都16歲我都好驚佢地有咩事.
所以現階段自己為重. 其他野唔好理咁多啦.(抱抱)
1個讚
你講出我唔想keep嘅原因，不是關係相唔相向問題，而是我好怕下次又會唔會講左啲咩唔啱聽嘅說話，又被冷對待一排？ 如果要講野就住就住，怕唔知邊句又觸動佢神經，我覺得好有壓力
謝謝你，你都take care
同朋友想處，志在舒服。如果某些朋友令我覺得大家相交，相處唔舒服，我會逐漸疏遠。
其實會唔會係你諗多咗，佢係有嘢忙而唔係想冷淡對你？
可能係佢角度，係忙咗一排突然發現好耐無搵你呢位朋友，所以搵個輕鬆話題同你傾。
我覺得話自己爆瘡呢啲咁無聊嘅嘢，係真係當朋友先會無啦啦同你講
純粹想講你可以從其他角度諗，有時事情未必有你諗到咁差。
如果你覺得咁樣相處唔舒服，就慢慢疏遠佢啦
其實佢IG動態分享話only set俾true friend睇, 之前一日幾次updates, 呢一個半月我一次都睇唔到
好啦,可能佢都有野煩緊唔update, 點知原來係爆瘡…
咁我係味諗多左? 可能係, 可能唔係
同佢講你貓貓死咗，如果佢冇安慰你，絕對bye bye得
正常人要求
我尋日忍不住同佢講貓貓突然過身, 無心機同佢講佢嘅爆瘡
佢只係問係邊隻, 點死
可能我悄緒實在太低落, 我無再同佢繼續講
首先俾個抱抱你
失去寵物真係好難接受…
我都好明白有啲咁嘅朋友真係好無奈，我都有個識左1x年朋友，成日我搵佢時佢鍾意就覆，唔鍾意可以成個星期都唔應 （但你會見到佢online/ post IG, 絕對唔係公事忙得滯），但佢有事搵我 我見到真係即覆
漸漸就會對佢好心淡，變左有咩事都唔會諗起想搵佢傾
我覺得做朋友係雙方面維繫，好多時唔係剩係一個人想keep就得
我啲朋友全部都係咁。所以我已無朋友。
該主題在最後一個回覆創建後90天后自動關閉。不再允許新的回覆。