話說係2019年尾 同老公拍咗六年拖 終於都傾結婚 大家歲數都係20中 搵幾多洗幾多 好不容易有個目標可以儲錢+籌備婚禮 點知喺2020年頭求婚 咁岩發現自己有咗(冇特登搞大個肚)如是者 隔多幾個月見到有得抽居屋 因為有自己家庭都未必方便同奶奶住 加上即將有小朋友 梗係嗱嗱聲簽紙結婚 用白表家庭申請 點知又中左 下年搬入 但閑閑哋裝修費律師費厘印費 都要洗$400,000 我哋死慳 都係啱啱好夠比 分分鐘可能仲要問屋企人借啲
其實我一直都好想搞番個小型婚禮 兩家人見證 出門斟茶 請少少朋友搞個cocktail party
我問老公 老公就話點都係搞埋間屋先再諗 我問自己屋企 自己屋企就冇所謂搞唔搞呢啲大龍鳳 問老公呢邊屋企人 佢哋意見係 如果特登做個婚禮制造認可 唔係太值得 因為係人都知我哋已結婚生仔 喺人哋心目中我哋都係兩公婆 唔使搞咁多嘢 叫我哋不如慳返啲錢影輯靚結婚相好過
依家我人越大就越諗會後悔 但係我又驚搞得間屋黎 銀包元氣大傷後 要時間儲返D錢 加上小朋友不斷長大都要用錢 到時結左婚已經幾年 先無啦啦搞個婚禮好似好唐突 但係我真係好想著裙褂 呢樣嘢唔係結婚相可以做得到 各位姊妹可唔可以俾少少意見 謝謝大家
其實你都有條針係個心度囉 咁就認真計吓有幾多錢拎到出嚟而又唔會影響到生活 而果個數搞唔搞到你想要既婚禮 唔得就再儲 我自己又唔覺幾年後搞會唐突 反而到時帶埋小朋友黎見證又幾特別
4個讚
可能因為我個人比較怕麻煩同比較現實,淨係簽紙同屋企人食餐飯就算啦…
除左簽紙食晚飯同斟茶,其他4大長老無要求既,我全部都無做…
連婚紗相…我都係租左一套衫(同有BOOK 化妝師化一次妝),簽紙當日自己去影左幾張炸…(反正我覺得就算比萬幾二萬蚊,影完都唔會有人囉返出黎睇)
反而我真係覺得D錢用係裝修屋企同小朋友到係最實際.不過最主要都係要睇你同屋企人想點,最緊要係經濟上負擔能力既…
BTW… 如果你想就攪就唔洗點理人點睇既…想攪咪攪囉
10個讚
咁即係本身新屋都係猛猛緊，你哋唔會有多餘錢做其他野，
好現實，No money no talk.
我明好多女人對婚禮（唔係婚姻）好渴望，但你哋情況唔容許你達成願望，
人生總有遺憾，let it go
7個讚
大有大搞，細有細搞，早幾年有人去麥當勞搞添。
cockparty 都可以搞到好複雜…
但係不能忘記結婚／婚禮係兩個人既事，都要尊重你先生既意願…
睇你咁講，錢係最大阻力，你又唔想自己後悔。
咁咪諗清潔自己想要咩樣既wedding 先，大概計下條數，搵個時機，同先生傾下。
1個讚
咁你個經濟情況就緊係乜都唔搞啦
正如你話齋留番D前錢搞屋同比小朋友
但你個心係想搞，唔搞又後悔咁咪如實同老公講，佢應該會體諒你既
細細地慳住咁搞得唔得？就咁裙掛＋兩家人食飯咁 o 唔ok?
唔想咁屈就，就等多幾年儲吓錢先搞囉，幾年後擺冇問題吖，最緊要你老公支持你就唔駛理其他人點諗
1個讚
想補充一點 我個陣比自己屋企知道有左 我屋企曾經好惡咁鬧我老公 搞到我老公有條刺點都係唔中意我屋企人 所以咁耐兩家人都仲未見面食過飯 我覺得依下真係有d離譜 
同埋個陣簽紙只係朋友見證 無任何家人在場
1個讚
兩家問題比搞唔搞婚禮仲urgent wor , 不如你處理好老公同娘家關係先諗其他野，
否則的話就算你地去茶記擺酒，到時咪一樣面阻阻
11個讚
屋企人知你有左…就緊係會緊張嫁啦, 鬧你老公都好正常, 但係你老公有條剌,唔中意你屋企人兩家人無見面食飯就唔得喎…咁點樣都唔岩禮數…你要諗下點樣可以攪攪佢…
3個讚
其實租套掛著斟杯茶比四大長老，影下相，夜晚食餐飯唔會用好多錢啫，呢啲想做咪去做。
至於cocktail party同朋友聚呢樣呢，家陣疫情之下你又有咗，真係唔好諗喇，咁多限制攪都攪得唔盡興，如果你有咩唔舒服大家好內疚，遲啲先算喇。
5個讚
我個人就覺得婚禮勞民傷財, 難得4大唔要求搞
但竟然你咁想搞就細細地搞個囉, 唔係第時成世個心有條剌
4個讚
而家都好難擺酒啦, 請家人食飯幾時都得, 我係樓主會寧願儲下錢先, 開關後去外國補渡蜜月/補影婚紗相好過
3個讚
計吓條數先，租褂、西裝都係一萬左右，如果仲要化妝同影相就再預多一萬，之後兩家人食餐飯又一萬，睇你自己有幾多錢係身，如果會一世遺憾就等有多啲錢先做啦，回憶係你自己，好多人攪完場大龍鳳到最後D相都係床底咋。
2個讚
間屋會支出好多，所以我都贊成你老公想法，搞掂間屋先，仲要預錢裝修over budget，一收樓就要供樓加管理費，每季差餉地租。
如果你有心力，可以細搞，兩，三圍食餐飯，book 2，3套衫有限錢，你計過數係有錢搞就說服你老公去一齊實行
3個讚
give me five… 
我同你一樣, 結婚簽完紙去酒樓兩家人食餐飯同斟茶, 婚紗, 裙掛全部都無蓍過, 全程簡單Smart Wear…我覺得好自在, 好舒服… 樓主, 咁好彩抽到間屋, 就應該留番D錢係間屋到, 好大機會住成世, 無一世, 都十年八載啦… 仲要有小朋友要用錢…
最後, 真係人人唔同, 如果樓主真係想搞, 細細地簡單一個party, 一件婚紗, 又唔係好多錢… 留個回憶都唔錯…
3個讚
你呢刻覺得自己好想著裙褂，唔著驚會一世遺憾，過多幾年可能會後悔因為當年擺果晚酒洗大咗搞到裝修左cut 右cut 
如果真係怕遺憾，平平地租套褂兩家食餐飯算啦。到你小朋友出世，你會變得現實d, 乜都小朋友開支行先，應該就唔會因為冇擺酒而遺憾架喇
5個讚
