2歲啦
我都係，係我人生其中一個最正確嘅決定。兩家人食飯，我又smart causal, 大家真係有時間傾到計sharing, 我哋又冇壓力。
婚紗就係影婚紗相時著，如果有得揀返轉頭，應該連婚紗相都唔影，攞舊錢去旅行好過。
4個讚
2歲… 比我一定留錢比佢讀書好過。
3個讚
我就係啦連婚紗相都無影… 用晒D錢去日本旅行三個星期… 爽呀… 我依家成日同我個女講嫁唔好搞咁多嘢, 我自己結婚都無著掛無影相, 唔好你結婚又要我著掛, 我去影相呀… NO WAY… 
1個讚
樓上好多提議租裙，萬鬆啲就有，再搵間平嘅食肆，我當化妝set 頭自己搞掂，我估所有野加埋點都要兩萬啦？冇可能平有平搞去茶記、麥記。除非樓主唔著裙掛。
但樓主可能連層樓都再問屋企人借錢，而老公同女家關係差，
咁即係連呢兩萬蚊都未必拎得出，連平有平搞都唔駛諗wor
3個讚
XD 因為我識人做傢私. 我房床連衣櫃都係萬幾蚊炸… 用黎影幾張相就洗左我唔係好捨得…而且小朋友到到都要用錢. 有個錢係身真係感覺實在D
1個讚
唔擺酒其實我覺得婚紗相唔係好緊要, 一黎我未聽過有人之後會囉返出黎睇, 淨係擺酒果陣要放係門口比D客睇下.二黎果萬幾二萬蚊,要黎買其他野真係幾好洗…
2個讚
聽到都開心
搞婚禮唔淨係傷荷包咁簡單，
時間、心力、人情世故都係考慮點。
Floor plan坐位，
印請柬派請柬，
衫、場地、音樂、流程等。
仲未計淨邀請朋友，唔邀請兩邊屋企人，之後嘅閒言閒語。。。
如果有錢請人搞，自己做公主著靚靚出席就話啫，
否則有時間同小朋友玩可能值得啲。
同埋，如果要屋企人幫手買樓，
未還晒錢，但有錢搞婚禮，屋企人真心ok嗎？
口上冇講，但心總會有點感覺吧。
要搞，x婚周年紀念依然可以大搞，
唔一定急於一時。
6個讚
租套褂，1200蚊左右（上年陪朋友租過，再平啲都有，再唔係carousell大把）
化妝簡單梳頭自己搞，免費
影相搵朋友影，免費
做最簡單的儀式，出門入門斟茶
2家人book張枱食飯
好多結婚用品又可以上網free
咁樣計落其實所費無幾，但可以圓你心願
我會覺得值
但cocktail就唔好諗了，仲貴過酒店擺酒
著褂的感覺同著婚紗好唔同
我結婚當日深深明白到
1個讚
我有朋友結咗婚生咗小朋友，三年之後，喺酒樓間房擺五圍，親戚加好朋友一齊食飯。
如果唔揀啲好繁忙嘅日子，酒席當你$5000一圍 ，租裙褂或者加多一條靚靚嘅裙，其實應該幾萬蚊內搞掂。
但其實如果你有呢個心願，搞得嗰樣，又想嗰樣好啲，加加埋埋啲錢就會越滾越大。
睇吓你個Budget 咁樣得唔得，但係如果唔得，我覺得都唔好勉強。
2個讚
既然想著褂，可以租套，斟茶，回門，兩家人一齊食晚飯，一，二圍都ok.
我覺得女人趁後生留倩影，呢啲係開心嘅回憶。
1個讚
好現實唔駛問人借錢點搞都無人理、好多時話平有平搞但搞搞下都會out budget , 尤其本身樓主都對婚禮有期待、實際如我影婚紗相時都鬼遮眼加左好多野、擺酒又係、左加右加就唔少錢了
2個讚
勉強搞，一陣搞得唔好都係會後悔。我就好後悔自己個婚禮，兩公婆都避談當年婚禮，早知唔搞算。
1個讚
same here, 同埋好同意"應該連婚紗相都唔影，攞舊錢去旅行好過" XD
1個讚
其實我當年結婚都無擺酒，連結婚相都無影，因為手頭唔鬆動，要儲錢買樓。依家經濟能力好咗啲，老公都問我要唔要補影相。
我都有心動，不過一諗起要1、2萬就唔肯定值唔值得⋯
1個讚
簡簡單單租套靚婚紗簽紙未算囉，D錢留返搞間屋及BB出世，讀書用仲實際。
我結婚超過20年，當年結婚已經超簡單冇擺酒，但有去影樓影婚紗相，有去教堂行禮有小型茶會，有請人拍片影相，結果自己只睇咗一次咁大把。
反而仔女細個自己拍D片及相無限loop。
2個讚
樓主，有啲嘢如果好想做，就諗方法去做。
舉例：想買貴嘢但貧窮，就要搵方法去脫貧，然後實現夢想。
另一個更快捷嘅方式係——唔好「想」啦，只要你冇呢個心願，咪冇煩惱囉！
當資源唔夠嘅時候，就要慎重咁分辨needs or want!!!
人愈大唔係應該愈成熟，愈現實，愈理性咩？
以你嘅經濟狀況，如果實現左你啲「want」，係咪會影響到你家庭嘅「needs」先？
岩丫，呢啲就係成長
其實你夾係中間，即使你屋企人點鬧你另一半都好，你都要做到和事佬。
你比人搞大左個肚，唔通你冇責任咩？
比著係我，我會當住雙方面同自己父母講：
「大家都成年人，男方冇迫我，我係自願，我哋冇避孕係因為都打算結婚想生BB，而我哋都已經plan左結婚（或已經求咗婚）。你係要怪責嘅就怪我，又或者怪你地做父母嘅唔識教女啦。」
婆媳糾紛係因為有一個廢嘅老公，如此類推。
6個讚
以前讀econ 入門有一個concept 叫highest valued option forgone.
Scarce resources（ie錢）時就要取捨。
又或者照搞婚禮都得，但會唔會影響到層樓，從而影響埋家人關係？
3個讚
如果儲蓄未係好豐盛，就實際啲好，何必為難又辛苦自己老公同小朋友，多個錢傍身，生活冇咁大壓力
1個讚