咁樣逼人重課換票真係過份
3個讚
所以fans要團結d
唔好中計
3個讚
大家咁嬲就係咁解。
睇吓佢點拆呢場公關災難，但係佢都可能not care
2個讚
平少少咩電話plan, 一黎手比夠3年錢x 5舊
真係好痴線，sponsor 全部自己公司，食呢舊肥豬肉。咪忘記mirror 個個忙到唔知得返幾多時間排舞練歌。
1個讚
我以為一直都係咁
買香港演唱會就係一種折磨 之前買其他藝人concert 一樣係個爛鬼網無限loop 而且唔係咩好位 全部係個個網賣得ge都係側邊位 and最貴價飛的後排 。優先訂費就睇有無特定信用卡 多數無。搞到我宜家對演唱會無期望去現場睇
我個人都贊成咁做, 明買明賣… 真係好過依家咁…絕對唔尊重Fans…賣個三成飛等成班Fans爭到氹氹轉, 真係似俾丐兒…
1個讚
唔係2年咩? 我見係, 而且抽中之後JOIN 既plan 睇見電話/寬頻都有
其實真係整醒咗好多鏡粉，沉迷左3年，係時候思考下仲要唔要咁樣課金應援，成個姜濤灣冇一百幾十萬都做唔出吧，都係啲粉自己比喳。
3個讚
由一開始就已經係付出和回報不成正比，係班 fans 太天真，come on! 呢個係商業世界。
子華神話「等價交換」，要課金，先諗下有冇自己想要嘅回報先課。
自己甘心做兵，無計。
8個讚
呢單嘢真係群情洶湧，去其他新聞下面睇下仲見到d 其他留言。
語重深長，節錄少少
「1. 見到「前夫群組」版主同多個娛樂新聞媒體，都相繼控訴Mirror及其製作團隊，即刻感到震撼。呢兩年，熱讚流行娛樂明星變左流量密碼，報喜不報憂已經變左常態。有時提提大家，支持偶像嘅作品唔一定要擁抱埋佢哋嘅代言產品，都會被鬧唔貼市，今次鏡粉都受害，希望可以一齊帶起少少反思。」
1個讚
有啲留言似抽水同乖機反mirror
1個讚
其實駛咁多錢，調返轉， fans book 期同場約偶像開show 都做到。
3個讚
尋晚同朋友傾開都認同追mirror的確有頗大部分原因係情感投射，香港呢2年令人好壓抑，需要找一個出口抒壓，mirror的出現，追自己鍾意的仔，可以帶來開心的感覺，但當過份投放感情，期望愈大失望便愈大
因為反抗不義(新聞報導)而罷睇對台，無理由因為追星而縱容霸權，霸權何嘗不是另一種的不義
7個讚
其實我唔係鏡粉，但都會留意吓佢哋新聞，聽吓音樂支持吓。
之前有一個音樂會又係咁，有幾個成員加其他歌手。我一直用緊旗下嘅上網公司。收到電郵話續約可以有機會得到音樂會飛。又咁啱真係要準備續約。
於是打去問吓，原來要我Upgrade個Plan去到5百幾6百元一個月。簽2年定2年半嘅約。「有機會」有1張飛咁大把。
仲要唔知有無㗎喎，但想要就Upgrade吧。咁我梗係無咁做啦。
所以我都明D Fans點解咁嬲。支持偶像但最後變成咁。好Sad…唔關Mirror事，但佢哋公司搞到咁，為咗迎合各大廣告商。講真，要迎合，係應該迎合Fans…無咗佢哋一直支持，推到咁紅，邊嚟得咁多代言喎？
2個讚
我好簡單本身冇乜錢 連課金嘅資格都冇，平時只係去YouTube睇吓片，或者睇返Mirror Go，對我好似冇乜影響
我都有睇前夫群組篇文，睇完覺得酸味濃，無論鏡粉定前夫，選擇課金係自願性質，真係鍾意佢哋嘅話，投資都唔會問回報啦吓嘛，捧隊嘢出嚟都係諗住賺錢，唔係以為係咩呀。
4個讚
政府要求演唱會最少公開發售 3 成飛，所以主辦單位先放呢 3 成飛俾鏡粉買。如果冇下限，相信 10 成都係 sponsor 飛
3個讚
其實又唔使講到公司榨鏡嘅，
花冇百日紅，鏡接咁多job，都賺唔少。
抱抱
追星追得咁辛苦咁唔開心，追來做乜，想當年我20年前追V6，佢地來香港開演唱會我係買到飛，仲要係arena花道旁邊，開心到痴線，之後有錢去日本睇，跟朋友衫尾都中過幾次arena，係難但唔係impossible，就算幫襯牛都唔係離譜價格，而家mirror咁搞好似仲難過廿前追日本偶像咁，cls
1個讚