所以我之前經過一番爭扎後決定唔撲飛
我只係想睇其中一個
但問心佢哋整體嘅演出水平係未值得我科水入場
1個讚
撲飛睇車禍現場
冇錯
根本不嬲主辦單位同黃牛係互惠互利嘅關係
各取所需
1個讚
引fans科四舊水入會買飛
點知7成位係油黑晒嘅內部飛
真係㩒住搶
3個讚
唔止
出左絕望座位表先知880坐山頂個下震撼
3個讚
完全係要將d fans錢榨乾榨淨
李生做生意係世一，但偶像生意唔係搞地產，得罪粉絲基本上係唔會有運行，追偶像係一件開心事，使錢可以買到開心，大把女人肯使，問題係使得條氣順唔順開唔開心。一個偶像要紅最基本係要有粉絲，唔係贊助商，但而家係完全本末倒置哂，寧願得罪粉絲都要益自己友，後果好快會出現，就係心淡，呢個世界大把靚仔，大把人唱歌好跳舞勁，因乜事一定要追你，仲要追得咁辛苦咁唔開心，要搞清楚咩係偶像，人地應援你，偶像都要有野應援返粉絲架，唔係單向，要學點經營一門偶像生意，學下日本J家akb，佢地係絕對唔會亦唔敢得罪粉絲，因為冇粉就冇偶像呀。
另外講下黃牛，其實viu想hold起靚位賣貴價，無可厚非嘅，不過可以做得好睇d唔好咁樣衰，將d飛hold起俾贊助擺明係向粉絲挑戰，又講下日本，J家一向都有自己做埋牛，將d靚位放上流通高價賣，不過全部係枱底操作，而且唔係所有靚位都咁賣，FC係有可能中神席，粉絲有盼望，先會一路咁神心支持落去，條偶像路先可以行耐d.
9個讚
佢唔係益自己友，係自己，贊助商咪佢啲公司囉。唔叫你地join電話plan join nxxtv買保險，佢公司啲業績增長點黎？
我都係第一次見出歌幾乎係粉絲比錢做哂宣傳，公司乜都唔使做。唔怪得開公司咁快轉賺錢啦。
今次事件後，睇得出佢地只係當mirror 一件商品，衝出亞洲上billboard ，慳啲。
我本身係忠粉，幾十歲人，我搶飛當日都辛苦到喊左2次，因為辛苦同唔甘心買唔到，你投入越大失望越大。尋晚喊多一次，因為諗返起個日真係好辛苦，堅覺得自己有創飛創傷後遺症，你話我誇張都係咁話。
追星求開心，我十幾二十年前追smap， 飛左N 次去日本睇演唱會，當年資訊無咁流通，但係辛苦啲都叫有得睇。今次，我真係覺得比人玩同唔受尊重，我會脫團粉，費事自己咁上心，情緒唔可以咁樣被控制，只繼續支持個別喜歡個一兩個。
11個讚
係….li方面應該向J家學習吓，同埋就算佢哋忙拍戲忙舞台劇，但都會認真練舞練歌，所以睇J家演唱會真係覺得值得
哈哈….諗起J家就想起我嘅青春已經一去不返了
你個網名係唔係包含咗J家某團名，定係我諗多咗
2個讚
講真要做到比真鏡粉買到飛, 其實佢地不嬲都有同應援聯繫,
佢地只要應援個邊有幾人就可以每人應購一張飛, 已經可以
做到. 真粉絲得一張飛都唔會攞去炒咁簡單都做唔到, 要咁樣
焗人去買產品仲要產品先至可以買飛.
1個讚
認真造星既團隊就真係造粒星出黎令香港娛樂圈再次比人
留意, 但大老板就一定係當佢地係商品咁做. 但錢就真係唔係
咁搵, 做左應援咁耐既真 fans 都買唔到實在太過份.
1個讚
以前睇歐美歌手演唱會，主辦單位會hold起靚位比fans club
正中間前排係比sponsor
fans club係側少少, 但都係頭十行
1個讚
講得好中肯，其實我覺得呢種追星文化就係搞到啲野太過商業化，有時fans都要反省下係唔係真係要咁盲目去課金… 今日呢個局面，其實fans本身都唔係無責任
利申，非鏡粉，有聽有喺音樂平台download阿Jer啲歌因為覺得佢真係有實力唱得好，但完全無課金追星買任何產品
7個讚
very true
以前其中一個歐美歌手嚟香港開演唱會
主辦單位會問fans club要預留幾多張飛比佢哋
仲要係比靚位
完全感受到被唱片公司，主辦單位尊重嘅感覺
起碼會追得開心d, 覺得值得d
6個讚
咁我又寧願d飛再賣貴d
但係比真正fans買
好過昆人入fans club後
hold起7成飛做內部飛
就算最貴嘅飛賣二千幾, 甚至三千
再唔係整d VIP飛, 再賣貴d, 加後台pass
但放返多d位, 尤其是靚位
一樣大把fans好開心咁科水
好過而家咁, 好似比人玩
咁樣一來主辦單位可以cover返少咗sponsor條數
二來fans都係心甘情願比錢
咁大家都開心
2個讚
贊助商背後條數應該超出我地想像。
聽聞agent 追到某個數就有22張飛，我老公幫我問過fwd agent , 講左要買150萬投資保險鎖5年，先會送兩張$880 。網上見有其他送飛plan 係買10年儲蓄保加危疾，連登計過數，兩張飛既成本價錢係6-7萬，但唔知佢點計出黎。
3個讚
原來Mirror演唱會就係用嚟幫自己旗下保險公司咁跑數 
真係超出我想像
難怪fans咁嬲
希望fans理智d, 就算買唔到飛都唔好咁比人利用去買咩保險果d
如果冇人咁做, 咁下次hold咁多飛都冇用
相反fans為咗入場睇演唱會走去買保險，咁李生咪識做lor，下次hold夠8成又點話
3個讚
咁玩法如果年年開演唱會年年都買保險，啲保單真係供到100歲都仲未供完
1個讚