歡迎入去佢度睇原因，我覺得版主講得非常岩。
10個讚
完全可以理解，今次咁嘅安排絕對係打開mirror沒落嘅序幕，完全印證佢哋真係玩鬼我哋呢啲粉絲。
1個讚
可惜！但做得啱！
真係嬲嬲地，support
將fans 真心當狗肺
實名制，黎明早已試過
再loop下呢篇
點解香港啲show
鬧極都係絕望座位表？
點解寧願前排坐滿嗰啲冇反應嘅贊助商貴賓，都唔放多啲出嚟俾fans？
點解香港啲主辦單位睬你哋都有味？
我作為一個表演者身兼中小型主辦單位，
嘗試列出一啲阿媽係女人嘅問題同原因。
但先旨聲明，下文我可能會唔小心自吹自擂，但絕非我本意，我份人好撚謙虛（雖然你哋唔覺…）。
首先我講出個結論：
我都算全香港數一數二對啲觀眾好（即刻自吹自擂），
有贊助都唔收，攞足九成出去公開售票，
但都不時收到啲觀眾屌呢樣屌嗰樣。
你話喇，橫掂都係俾人屌，
嗰啲大型主辦單位，
真係睬你哋都有味啦大佬。
我就係尋晚俾人屌完（下面會講）
所以先想寫吓呢篇嘢發洩（飲一啖diamond black，拿出了一張木枱，準備反枱）
先講吓啲結構性問題：
1）贊助商
喺香港搞show，市場相對上非常細，入場人數唔多，尤其只可以開到一場紅館（8000-12000人視乎開三面台定四面台、個台幾大）甚至只可以開到一場其他細場（熱門場地500-3000）嘅小型演出。對一啲中小型主辦單位嚟講當然ok，但對大型公司嚟計，真係賺得雞毛咁多。
收贊助有三個好處：第一，就係有額外收入，唔使淨係靠門券收入，可以賺多啲錢；第二，可以確保門券有人認頭，唔怕賣唔晒，即係都係收入問題。第三，越多贊助感覺上個show/表演者越受歡迎，長遠計又會增加越來越多嘅收入。
講嚟講去都係收入？梗係啦，話事嗰個唔係表演者，而係要向老闆交代嘅營運者。佢哋搞show，自負盈虧甚至賺錢，係佢哋嘅頭號目標，好合理。
2）內部認購
有內部認購嘅好處，除咗益自己友之外，更加主要嘅原因，又係確保門票收入。
有內部認購，其實係會多咗人買飛。
原因有兩個：
第一，好多人其實係好懶，要佢上網買飛，佢寧願玩吓wordle。但係只需要一個WhatsApp叫熟人幫手就買到飛，會增加購買意欲；
第二，優越感，如果你同人講：我識人可以內部認購買到mirror/張敬軒演唱會門券，嘩….聽到都正，即刻買飛。
仲有最緊要嘅就係，老闆啲朋友問到話要飛，你有冇得唔俾？大部份人都會俾囉，佢要幾多都一定俾佢。除非你好似我咁，係癲嘅，先會敢屌返個老闆轉頭。
3）「但係你成日絕望座位表！
啲fans會好嬲喎！
長遠計都係蝕錢喎！」
唔會囉。呢一套行咗好多年，佢哋俾人鬧足咁多年，佢哋繼續賺緊錢，啲老闆係唔會feel到你鬧緊佢，就算feel到佢都唔會care。
4）解決辦法
得兩個。
第一，好似我同其他獨立單位咁，又係表演者，又係營運者，又係老闆。只要當個營運者／老闆完全從表演者個角度出發，明白表演者好珍惜每一次演出，希望自己嘅支持者可以睇到自己嘅心血，佢哋就會改變。但如何明白我，除非你是我。
第二，啲營運者開明啲、表演者勇敢啲，屌返個老闆轉頭，叫佢冷靜啲留返多啲位俾啲fans。
5）但其實係比較難
首先點解我可以做到9成以上公開發售+唔收贊助商（自吹自擂喇又…）：
第一，內部認購。我不是真正大眾有興趣的對象。雖然以入場觀眾計，只係計我嘅solo演出，今次開29場，有近30,000觀眾捧場，但只能夠話核心內圍嘅人好支持我，行出少少啲人已經識我老鼠。唔會姨媽姑姐個個都話要內部認購。
第二，我冇乜朋友。我係咪唔幫人買內部認購呀？唔係，我幫小學同學、中學同學，甚至幾個網友買添。但因為我真係好少朋友，所以好少內部認購。
第三，贊助商。
因為我就係導演以及表演者本身，所以好著重觀眾嘅感受。
以前喺舊公司，同事即使傾咗一堆贊助商返嚟，都會俾我彈走晒好多，因為我根本唔肯放大量嘅門券出嚟比贊助商，只係肯俾少量，仲要唔係最前排嗰啲位。咁人哋贊助商梗係唔肯啦。
到今次我自己搞，我直頭大條道理唔需要去搵贊助。有兩三個贊助商自己聯絡我想贊助，但因為上述原因，最後我都冇收到。
以上呢啲都係中小型主辦單位先比較容易做到嘅決定。
6）就算大型公司想做都冇用㗎。
一開始我講咗，就算好似我咁，可以做到唔收贊助商+9成幾公開售票，一樣係會俾人屌。（發洩時間，雙手準備反枱）
我已經唔止做到咁㗎喇喎。
為咗我啲觀眾唔需要買黃牛飛，亦唔需要set高啲價錢等觀眾買貴飛（有啲舞台劇前排幾行賣緊$880甚至過千俾fans，我知我賣頭幾行過千都一定賣得晒，不過我又唔想）我每次都搞「乜都唔知嘅優先訂飛」。隔走咗啲街外客，同埋知道大概人數先book場，變咗令到核心支持者一定買到飛。
仲有我啲同事真係出晒名細心、勤力、有禮貌、講人情、講道理。送晒小禮物、又貼心關懷、又溫馨提示，乜都做齊（唔係我逼佢地㗎）
但！
…
2個讚
佢由中環演唱會嗰次(ie.消防問題被取消左第一場)開始我就有去睇, 完全冇任何網絡問題, 又易買到飛, 又冇黃牛, 佢都一樣有sponsor, 又唔見fans compain買唔到飛?
雖然我唔係Mirror fans, 但真心鄧佢地慘, 不過其實呢D內部黃牛問題已唔係一朝一夕, 香港做fans完全得唔到尊重, 但我亦唔樂觀情況會有任何改善
5個讚
其實主辦方能力上都處理唔到咁多fans，所以佢都唔會介意少啲fans架啦。
我見佢都唔得閒招呼我，所以我而家都係多啲留意其他香港明星。
因為黎明係自己老闆
2個讚
即技術上唔係做唔到，係你有幾想佢做到
3個讚
根本當班 Fans係水魚，個個入左會諗住多啲機會買飛，頂佢原來又係有限額，我都係諗住有機會睇演唱會先入會，由朝 retry到夜晚都買唔到飛，真心火都黎，出年唔洗旨意再入會。
4個讚
lets see 全民造星可否變成全民拆星
仲要新入會唔計。下，無課金架？佢都痴ga wo
viu話搞網上live, 好似都要收錢,
今次暫時未升級到關公災難, 似乎彈已拆
阿婆路過想問下… 點解買飛要由朝早賣到夜晚先完? 我以為一開賣就within 15 分鐘就賣完
歌手、贊助商、viu/經理人公司袋袋平安, 黃牛依然有市場, 腦細話齋, 睇唔出有任何理由會改變現狀
呢個反而好，否則係咁加新會員，啲人根本買唔到，又呃人入會呃多一筆錢
1個讚
，唔係咁衰呀？我終於明白一句，成也fans, 敗也Fans, VIu會唔會自視過高，真係覺得Mirror好勁！
一定會收錢喇，但真心今次覺得佢地好失敗！
梗係收，李生點會唔lam到盡
到時有唔同鏡頭睇歌手表演，唔遂個鏡頭收你錢算有良心啦