見唔少，好恐怖，同個仔講"we now go 一田 buy 咩咩魚 and tomatoes ah
"
外國嚟講，應該讀“對外漢語”嘅人比較適合做，或者可以進修吓呢方面先……“中化”係講緊邏輯同文化，個層面同“中文作為第二語言”係兩個世界嚟。
咁當然佢中文底本身係好好，可能都會讀一讀edu or 做下tutor先過去
不過想知大家會唔會真係比錢想小朋友出去學中文字
其實佢個仔明唔明佢講緊咩？
多就好多，不過問題係肯俾幾多錢。
黃谷個班係免費嘅，所以多人去，收到full曬。
啲義工本身係小學中文老師嚟
我自己中文都攞A，但我教唔到我小朋友
1個讚
我好同意你咁講呀
所以我都擔心緊
但係身邊有朋友reassure我係可以嘅
我有一個朋友，佢中學時代已經去咗美國，依家落地生根，好堅持教兩個小朋友廣東話，佢先生都係香港人，喺屋企全廣東話，仲教佢寫繁體字，好有心機
另一個朋友兩個女由細最初想谷佢哋啲英文，全讀國際學校，都係喺屋企講廣東話，依家兩個都大學畢業，佢哋話返咗學之後真係喺屋企好唔想講中文，因為社交都慣咗用英文，但係父母堅持淨係同廣東話同佢哋溝通，依家兩樣都流利。
加油呀 
廣東話係要承傳架
唔好話移民，依家香港人都越嚟越多人唔識講廣東話
大家努力承傳
6個讚
我所認識嘅外國長大後生仔，廣東話聽講睇基本上冇乜問題，寫就真係冇乜邊個得
我教佢哋講粗口
廣東話要傳承x2
3個讚
我都好想知，不過聽父母係外人(我)面前講到咁自然流利（屋苑平台落商場同我搭同一架lift），我估佢地日日都係咁講野
1個讚
係可以，但前題係父母識教肯教，小朋友受。
部分人移民，剩係生存已經用儘全力，兩公婆都要返工，小朋友俾學校托管，未必再有心力教optional 嘅中文。又有啲小朋友， 連英國課程都未適應唔到，就唔會諗學中文了。
所以可以評估下自己嘅財政和教學能力，小朋友嘅能力，可以估自己做唔做到
2個讚
成長環境、文化都唔同，點可以expect 佢同我哋一樣？
我睇animation 會揀廣東話配音，笑點識得笑。
但離開嘅小朋友佢哋會揀返英文，同佢哋講周星星都唔明我講乜。
我唔係鼓勵大家放棄，仲好欣賞某d 人好堅持，但勉強無幸福。
佢哋受教當然好，無興趣亦都迫唔嚟。
事實、歷史我一定照講，但吸收幾多睇佢自己。
4個讚
可能佢哋去大英博物館、睇英國文學都會覺得好幸福。
其實我覺得呢個post 嘅討論大家都好著重大人想點、有幾鐘意香港文化、好重視繁體字，忽略咗小朋友嘅諗法。
戴頭盔：唔係想撩交鬧，真的想討論下咋，唔啱聽原諒本人詞不達意。
6個讚
我咁睇：語言唔止係語言，後面有全套哲學，文學，歷史，文化承託住
你basically要小朋友識廣東話，大部分家長應該做到
你話要用中文讀寫聽講得，就難啲，但事實上做到對個細路將來發展不錯，因為識中文係優勢（唔係同大陸講好說話）
再繼而認識埋後面堆嘢就更難，喺香港嘅香港人都未必得
你話家長有嘅心我絕對尊重，不過預咗困難，要放開一啲，自己搵個定位
7個讚
樓上講左我小朋友小六 佢係香港中文人
頭先我真係有問我小朋友,話幾歲移民嗰啲 佢地咪會唔識寫中文囉 最多都係大人同佢講廣東話 你覺得咁o唔ok呀
我小朋友話佢覺得最基本識講 第二識睇
識寫就無咁重要 佢話識睇 到時有機會返到香港起碼都識睇周圍啲字
咁我話個阿媽咪要自己親身教中文 佢話買認字卡 基礎漢字 嗰堆書自己教
跟住我問佢 咁你會唔會再學下中文
佢話keep住睇中文書就得 寫就免問
中文要學得好，好難。
如果小朋友有興趣學下、認下字，咪教佢囉。
佢無興趣嘅，教都無謂啦。
小朋友一定會識聽，除非父母首先自己放棄左中文，用左其他語言同小朋友溝通啦。
講方面，我識果啲都係愈大愈抗拒講中文，肯講果啲，都係家長逼
但現實其實係會有啲出入。
講返我自己，我小朋友黎左唔夠兩年，聽唔明嘅中文愈來愈多，但我地全家都係講廣東話，日常都係睇中文電視節目、中文書為主。
我諗到嘅原因係，以前佢細啲，識嘅中文足夠佢用，而家長大左兩歲，想表達嘅範疇濶左、深左，佢就覺得中文表達唔到喇，開始夾雜英文。
開頭我會覺得幾搞笑，做乜咁快變英文人？但慢慢，我連對佢說教都唔暢順，講幾句就比佢問「呢個字點解？果個字點解」「你講得有啲深，我聽唔明呀」呢個小朋友仲要算係兄弟姊妹中最有語言天份果個，你話死唔死丫？
唉，我要湊幾件，自問真係無心力谷佢語言，亦都預視到幾年後佢地會演化成點，可惜還可惜，只能隨緣。
佢地中文難有進步，咁我唯有鞭策自己英文要進步，我唔想第時同自己親生仔女都有溝通障礙（識人係有，媽媽識好少英文，但兩個女十歲未到已經差不多忘記晒啲中文，溝通都要估估下，一鬧情緒就不得了）
2個讚
同意
會盡量教，唔想廣東話消失
1個讚
我覺得呢點重要過識繁體字，繁體字起碼仲有台灣頂住，廣東話真係會沒落 
2個讚
我哋自己為例,我個女嘅母語係日文. 媽媽流利日文. 有時候想同個女解釋, 用中文要佢理解有困難. 如果直接用咗日文, 佢會容易明白好多, 但係慢慢就會冇咗學習中文嘅動力. 父母願願意行多一步有好大嘅責任.
好簡單啫，你冇情意結就得架啦～問題解決！