當然，我成日話自己好懶都會試吓教。
只係唔抱期望嘅心態，同佢哋唔學都唔會覺得可惜。
1個讚
可唔可惜冇得講嘅
好似學琴，學畫畫嘅心態都冇所謂啦
1個讚
我認為要識聽識講基本，其餘寫同睇隨緣
3個讚
可以識睇餐牌程度
不過我明白，唔計政治，中文文化源遠流長，我都好喜歡睇中文小說，家長可能唔捨得
盡量啦，移民冇辦法，命仔緊要
5個讚
加拿大多華人
仲要以前咁多港產電影電視劇同明星
依家冇咗呢啲，又難keep咗
好似去台灣咁，逛誠品，識睇繁體字，係一件幸福嘅事
我都好慶幸有能力閱讀紅樓夢，讀唐詩
不過要家長努力灌輸中華文化唔容易
2個讚
你啱 睇到呢到啲留言笑咗
有個重話學嚟無用 學其他西方語言仲好
好似好睇唔起香港人嚟個身份/中文 最好就全部白人朋友 唔識講唔識寫就最好
係咁有志氣就自己投資移民 唔好用香港人爭取翻嚟嘅野
不過香港都見唔少 寧願用甩甩咳咳嘅港式英文同個仔講野都唔用中文
2個讚
有mirror
1個讚
其實小學程度嘅中文就夠用，所以有啲家長會等小朋友讀完小學先移民。之後係英國唔用都好，將來大過返工想學返，佢都有個底，易啲pick up
3個讚
我都有呢個諗法
但咁又即係要玩多6年愛國教育
我自己都鍾意睇中文小說，都想仔女中文能力夠睇。係新加坡既國際已經差不多每日有一個鐘中文堂，屋企講廣東話睇viu. 不過，仔女中文都係無興趣。大仔自細讀國際已經唔like 讀中文，細既之前讀local, 而家中文已經比小一時淺好多好多，一樣唔鍾意讀。
不過唔識讀寫中文又無乜問題，呢度好多人唔識中文都發展得好好。
除非大陸人移民，否則大部分我識既星州華人中文都幾差下。
1個讚
「喺海外長大嘅小朋友，應該會慢慢遺忘香港人呢個身份。佢地長大之後唔會明白鹿島條野，月京舞璃，村口督史到底有咩咁好笑。」
3個讚
我都有咁諗，小學畢到業嘅話起碼叫中文有小學程度，已經開始接觸詩詞，文言文
睇書果啲就不嬲都會比input ， 哪怕係睇下消閒書，雜誌 謎語都好，用kindle dl中文書都好方便，移民一定要買
中文學習同辛苦二字離不開，不過文化承傳我個人認為重要
小學要開始培養
2個讚
我唔會為中文玩多6年…
我小朋友走時會係7歲及8歲半, 我要求唔高, 去到唔會強求要佢地學中文, 但中文書會拎過去
當然, 仲係香港呢一年我希望佢地盡量學多啲學好啲中文, 明知佢地唔會keep到, 但求佢地有個中文概念就夠…
3個讚
好多父母為小朋友早些習慣當地，用當地語言同小朋友溝通。小朋友當然唔識中文。我好多朋友親戚都係咁。
但小朋友嘅適應能力，根本唔需要擔心。學習當地語言係佢哋嘅生存需要，一定融入。反而大人通常有難道。
2個讚
我比大家更大困難呢……雖然情況有d唔同都搭嘴講下～
我做翻譯，語文教學相關工作……所以呢方面有點執著，我經驗嚟講，學英文係最易嘅，資源同方法太多，首先唔需要擔心英文。
小朋友係有能力吸收更多語言，而中文同西方語言差異大，對腦部發展，建立另一套邏輯，對個人多元發展好有幫助。
教過喺香港嘅國際學校d英文為主要語言嘅小朋友，學中文好難，因為無咩場合同誘因～
都係我嘅concern……（不過都教過好多小朋友已經識兩種語言，中文係另外加嘅）
我先生係法國人，搬去法國更加難搵學廣東話中文嘅群體，得我一個人努力。但先生都好支持我教中文，佢自己都有學，身體力行。
小朋友好細，不過我已經教緊中文字，佢剛3歲都認到最少60個字，我唔會放棄要佢學中文。
我反而一早決定放棄英文！
…因為本身識2種難學嘅語言，反而英文要學返係唔難，除非資質好差。
另一理由係我法文唔係太勁，如果小朋友唔識中文，我將會難以深入溝通。
有幾個表親外國長大，但係佢地中文都ok㗎，講ok同簡單睇得明。
最緊要父母肯用心教。
諗到乜打乜，毫無組織，sorry for 1999
最後我睇返，大家著眼於識多種語言“有無用”呢個點，咁我自己嚟講，識好多種語言都其實只係純粹豐富一下自己嘅內在，如果“有用”等於“搵錢”，呢個層面上係無咩關係……～
14個讚
我小學係中文人，中學到四十歲係英文人，近兩年睇返中文書，挑戰古典小說，都幾開心中年仲pick up返
但你話喺香港及世界，讀英文實在易好多
想知其實多唔多人想小朋友學？
我有frd有考慮過到去教小朋友中文（佢AL中化A)
2個讚