我識人幼稚園移民外國生活幾十年，廣東話識聽識講，睇中文字就麻麻地要諗一陣先明，講廣東話口音係鬼鬼地。
娶埋個台灣老婆，國語台語都識埋。
其實就算唔識中文，返嚟亞洲區生活一排都可以學番中文。
同意，情意結呢樣嘢多數要喺嗰到長大、一路吸收本土文化，語言先浸到出嚟。
識得有個外國出世外國長大嘅香港人，佢自己本身對香港文化有濃烈興趣，所以由細自己揀廣東話配音卡通片、大個睇星爺，同佢傾計、笑位完全無問題。
亦有人屋企廣東話，睇叮噹卡通片（唔係多啦A 夢），講嘢都成個鬼仔咁，仲要表達唔到，廣東話退步到只有媽咪先明。
個個小朋友情況都唔同，各位盡力就好，不用強求。
2個讚
識講已經好好啦其實
有啲喺外國大 全英文一句中文都唔講
其實有時連講都未必得
我屋企會講家鄉話，我多數都聽得明，但要講只能講
詞語。我細個係講得可以的，愈大就愈唔識講，
不過係咪去返家鄉一排就識講呢，都有可能。但係
家鄉話寫既文字就好肯定唔識。
雖然我自己教幼稚園同小學中文，但係我開始對仔女
既中文都慢慢抱平常心，我係我，佢係佢，我會
用不同有趣方法教佢中文，但另一方面，我都要返工，
又要同佢玩，照顧佢起居，所以也只能盡量抽時間教，
所以佢既能力程度去到邊就看造化。
只能說寓學習於娛樂同埋短而頻密的學習時間，已是學習最有
效的方法。
1個讚
我5歲半先黎香港, 講家鄉話無你呢個問題, 而家仲係好流利
我細佬妹就連聽都唔係好聽得明
所以六歲前黃金時間應該好有用
不過我對幼稚園無乜記憶
當時應該係講家鄉話,但我無乜印象
當然，但同誠品睇中文書又截然不同，我認我老土
我個仔讀完中一上學期就去咗外國，由細到大我仔英文好過中文，我有運啲中文書過嚟，但佢基本上唔會拎嚟睇，都係睇英文書。幸好佢肯繼續同我哋講廣東話，不過我唔期望佢識寫好多字，識睇已經好好了
1個讚
你小朋友個情況係特別難…
所以你唔洗低估自己先
有書喺伸手拎得到嘅實物永遠係最好
至於佢肯唔肯睇，幾時肯睇，就好個人…
1個讚
真係好個人
好在佢會同我一齊睇周星星嘅戲
再簡化啲，又去返聽歌、唱歌、煲劇（劇集、電影、綜藝）、睇書（包括漫畫
）
浸多啲喺語境入面，爛船都剩三分釘
都算香港文化重心之一
等佢大個啲、有足夠理解能力，先再講周星馳係咩人啦…
隨心。
唔好俾自己同仔女額外嘅壓力。適應及投入新生活先。
以後有心再學中文。
2個讚
請問你運書本時有無用膠包好和放防潮包？因我怕會船運會有蝨，我本身自己的書無書蝨，但怕船運又耐又潮濕，同埋如果我包實晒d書，海關會否拆開檢查？拆完會否包番好？Thanks.
由於我有好多書運過黎 唔會同一箱放晒書 我打散放
每箱內容大約1/4箱書或少啲 視乎重量 會分幾個密實袋袋住 加啲衫 一個紙箱放細包吸濕包
海關無拆到我啲箱
由香港船運到英國屋企 大約三個月 啲書黎到無問題
2個讚
我見有人講識聽唔識寫嘅問題，其實我見我嘅幾個（外國出生）竹昇表弟係用拼音輸入法（唔知用普通話pinyin定廣東話jyutping）但總之佢地係可以喺ig post打中文，都好好㗎喇。而家人人都打字，寫字唔係咁重要，認得個字大概咩樣，有少少錯都ok。
佢地講嘢非常流利，而且我feel到佢地都好重視傳統美德，例如會提住孝順父母嗰d，我自己都有d佩服。
2個讚
而家好多時都可以voice to text，唔會再打輸入法。
我仔响香港時都係用拼音輸入法打中文，唔會用倉頡速成手寫9筆呢啲輸入法。
所以除咗識講，認到字都會有用，識寫就真係難。我哋識寫嘅，好多時都會執筆忘字
個仔十歲
嚟到都有睇中文書 睇廣東話卡通片（龍珠）
唔太擔心佢唔識中文 （聽說讀寫應該可以keep到）
個女四歲
用廣東話溝通得好好 會同佢唱兒歌 （以前tvb啲兒歌）
寫簡單中文字 （小、大、人）
佢大個咗唔期望佢識寫同睇 識聽、講就滿意
研究話移民小朋友 12歲係最能夠保留到母語同時學到外語嘅年齡 （雙語都能夠學到聽說讀寫native程度）
年齡愈細就移民 學習雙語情況愈困難
呢個係事實。香港人係香港要同內地人競爭，去到外國都一樣要同中國人競爭
識多任何一種語言係工作上做研究上社交上都有優勢。
我嘅目標係識睇，聽同講