證明你同小朋友都冇經歷過補習社，身邊亦冇沒同學仔去。
冇卷都可以流出街架！我以前讀書有補習社專補我間學校，每個學生記幾題，補習社就可以還原成份卷架喇！真係好 work，呈分嗰陣好多人跑出黎。
1個讚
老實，細佬係開心人，乜嘢考試，佢都會打機，亦唔係長時間溫書，唔係谷啦，溫書都有方法，明知淨係讀學校嗰d唔夠，冇理由唔搵方法解決格，
而且我覺得溫past paper都唔算谷，本身嘅識咗，再識多啲課外野，成績好啲，自信都大啲，總比有啲小朋友成日溫書，冇時間玩好
我都覺得有past paper反而會溫得好輕鬆。我細個都係唔多勤力嘅人，但會自己走去書店買補充，唔係用黎做，而係攞黎貼題，每次臨考都望（係望，寫都懶得寫）下個topic嘅問題答案, 有時都貼中學校份卷，好有成功感。
黎到自己小朋友，發覺學校未出過補充嘅題目，有啲無從入手…
我覺得小學做練習同溫好本身課文已經足夠~
唔操卷唔會特別低分左
小學考返自己學校教既野,平時跟功課跟貼D仲好過操卷
就係有d小學會出out syl , 刁鑽野黎考學生，否則d家長就唔使周圍r卷啦。
不過間學校有無教淺考深係可以讀之前8定先既。
我女學校係教多考深,考到80分已經好高分,所以我地無再R卷溫,溫曬平時D野再加強基礎算啦~當然如果好進取要考級頭既同學,我相信佢地有呢D試卷資源
捷徑係插左間龍校, 咁就考第尾都直上, 大家慳返D錢同精神, 學你話齋, 隨時走人~
1個讚
對於我來講，above avg 已經還得神落，為個1，2分不如多d時間去玩仲好。但可能做級頭先有得再跳所以不得不chur. 家家有求啦呢樣野。
1個讚
咁好？考第尾都唔會被勸退？
除非私立，否則賴死唔走應該係得開。
但都好少真係踢人，一陣傳左出去上報紙電視就麻煩。
勸應該會, 但退唔退都係家長自己話咖啫, 唔係個個都王傑會知道幾時要退 
即使大仔讀得普通，都做到物理治療師，媽媽你真係功不可沒
1個讚
你中文咁勁，有係咩心得教小朋友？
中學已知佢dse 成績只可以讀好一般嘅科，同埋佢好憎香港，所以plan 定考完dse 去uk 讀，結果留低做嘢。我覺得對佢嚟講好好。
我都好想走，但放唔低藍隊友，成日諗假如隊友死咗，我就即刻走
1個讚
無咩心得, 我講佢又未必聽
我有叫佢寫好手字, 有比佢上書法班
另外就係叫佢睇多d書, 我會推薦d書目佢睇, 之後大家會討論下, 亦鼓勵佢抄低d好句 (呢我樣我當年都會做, 一當練字, 二來對寫作有幫助)
做筆記都有教下, 字體要整齊娟秀, 咁你先會想重睇自己d筆記, 買左好多masking tape 貼紙比佢用, 暫時幾有用, 佢都有心機做
2個讚
Thanks!!
請問做筆記，你係點教佢？
我細個唔識做又懶，老師叫到先抄書summary就收工。唔知道點做筆記先叫好。細個讀CE中文真係攞書店買嘅精讀就咁背就算…
有D都唔係我教, 係學校教, 我只係比D意見佢, 學校成日叫佢地用高階思維策略分析, 日子有功佢地D正反比較, 六何, 延伸都做得幾好。
EDB都有小冊子教:
通常書本有教果D佢都記得幾紥實咖啦 (但呢D個個同學都識點突圍呢?) 我會教小朋友D言例史例等佢可以正反立論, 用得其所就係畫龍點睛。
譬如講友情: 正- 海內存知己, 天涯若比鄰; 反- 白首相知猶按劍，朱門先達笑彈冠。
1個讚
謝謝你！聽你分享已獲益不少
我細個都係咁，作文用返出嚟，用得多靈活運用到，就會變自己風格。