唔會收集，溫熟自己學校果啲都已經好費時，仲邊有時間理/做其他學校d卷
1個讚
就係問會唔會收集自己學校past paper
通常friend 底嗰啲先同你share
呢啲嘢唔會周圍share 喎，個個都有咪冇優勢囉?
不過校內要咁高分有咩用㗎?
其實就算自己學校都唔會出返一樣咖啦 (始終咁多人有兄弟姐妹) , 有卷當然好, 但無都唔係好大問題, 會出D咩你其實都知咖啦, 
中文咪不外乎閱讀理解, 重組句子, 標點符號, 造句 …
樓主係話你小朋友係AIM HIGH, 咁我話我自己經驗你聽 (我小學就係年年級5內, 但我小學階段係一本額外補充都無做過) , 要做到融會貫通"獨孤九劍"咁呀, 無招勝有招, 無論學校點出你都接得住。 我記得以前仲係分中, 英, 數, 社會, 科學, 健教, 課文要滾瓜爛熟, 抽任何選段都可以接到, 文句倒裝都唔會比佢陰到, 零錯別字係基本, 字仲要靚唔會比老師扣寫得衰嘅分
當年兩個仔小學有收集,
我有10幾年嘅past paper，比d仔當補充咁做，
係有重複題目，
但最重要係做 tricky 嘅題目，或者冇教嘅嘢，
英文記得有教blue blood ，點知考試係成part 呢類 white lie ，yellow dog, green hand , black face ⋯冇教嘅嘢，有 past paper 咪可以溫咗先, 同埋啲tenses ，表面係咁，又回想，又希望，d小朋友係要做多啲，先可以睇真啲，諗嘢快啲，composition 又係，要有structure ，串錯字扣分，marking scheme 都要知，減少扣分
Maths 嘅題目都好 tricky ，大致係將重點去咗第度，啲細路未必咁諗得通透，或者用太多時間諗，我覺得有訓練下呢啲題目，係好嘅，
所以past paper 係有用嘅
最top 真係唔係靠操，係有啲天份，融會貫通，舉一反三嗰種
我知因為我小學都係咁
練習都唔駛做
到中學就係操都只係中上
最top啲狀元都係上堂已經明晒。
做練習都有，但唔會係最勤力嗰啲
所有嘢都係easy job
1個讚
請問你經什麼渠道收集? 謝謝
仲要有D PASSION! 我唯一唔駛點喺考試前預備果科就係中文, 自細都對呢科有興趣, 所以做卷係好暢順, 即管放馬過嚟~ 根基打好仲會越嚟越易, 會考果陣都仲患得患失 (因為唔知其他人咩料), 到A LEVEL 係踏出試場果下已經覺得無問題, 果不其然:
(其實中文想攞高分/升GRADE 仲有一個重要竅訣, 但好多人都忽略左。呢個竅訣話易唔易, 但話難又唔難 – 字靚, 比人主觀感覺好, 分數唔會太差, 小學開始練係最理想)
相反D數就真係喊出嚟!! 用時間最多但成日唔知做緊乜咁! 鮮有合格 
中六能夠DROP數簡直係恩典
2個讚
主要係同校車嘅家長
2個讚
你係文科朋友?
你中化好堅!
我會考純靠背科中文都A到，又真係有啲passion, 輕易背晒啲文言文。但中化就唔知發生乜事了，上堂都遊魂，係冇慧根就冇! 勉強B咗，已經覺得唔錯喇。
英文就真係因為好鍾意睇書睇電視由頭到尾唔駛溫。
啲physics 數學又係唔係我passion 又唔係強項，死做爛做都係B
借問聲間小學咁樣考法，d唔操卷既小朋友係咪普遍低分？間學校係咪有操卷文化？
中學我同意，小學就唔認同
小學有太多嘢要學，好多基礎要打得好，唔可以齋靠天份，到中學就可以自由發揮
我覺得係
點解學校要出d out syl 既卷既？出得深d, tricky d 真係有效分到學生水平咩？
到頭來個個都操卷，無家長背後發功既小朋友就慣左接受低分，慣左自己唔夠人叻，甚至接受自己係蠢，咁樣都幾灰wo
利申，小朋友仲係幼稚園雞，我只係想了解下d小學係咩玩法。
文到唔文呀, 中六即DROP晒所有要寫羅馬數字嘅科! 自知數感為零, 無謂仲要兼顧短板
但小學生就唔得囉, 要全科讀, 所以我覺得小學要排前列就係唔可以有短板, 中英數常視音就好似6塊側板六角形嘅水筒, 任何一塊短左你個水筒都裝唔得多水, 呈分就係鬥多水之嘛,
利申: 自知無咁好心機練呢6塊板, 在下幫小朋友揀左條捷徑
記得好似視藝同音樂計少啲proportion?
小學都係集中打好語文基礎
依家我都側重英文多啲
始終話唔埋幾時移民走人
捷徑係國際學校?
你中文咁好，你捨得佢中文少咗? 雖然你可以自己教
以我知，好多學校都係咁，家長都會跟返佢嘅模式教小朋友，
事實係我兩個仔，一個因為咁，唔鍾意讀書，dse 成績普通，去咗英國讀物理治療，之後留低咗，細仔好Ok, 打得個底好靚，搵到自己讀書方法，大學好多時都係讀past paper，佢話根本冇可能讀得晒，今年將會响香港做 houseman
1個讚
咁你覺得細佬算唔算受谷？
btw, 比著我咁考法都唔會鍾意讀書啦
唔會。小學啫，唔洗搞到好似公開試咁大壓力。
1個讚
老師出測驗同工作紙都係考試題目嘅 tips，年年學生都會犯錯嘅嘢年年都出，望多幾年發現到個 trend 就可以 “對症下藥” （如果以前有做過下補習賺錢，望幾年考試卷就會估到老師出咩），慳返好多氣力。有啲學校有 FB group 有啲係問上幾屆。
但我絕對唔認同操其他學校嘅卷，一來程度唔一樣，二來出題方法唔一樣會兩頭唔到岸。