其實多唔多人咁做? 發覺頭幾名都係個間幼稚園, 上幾屆又係個間幼稚園, 懷疑佢地已有network建立個databse… 而我地學校係差一分已唔知跌去邊
所以想請教下, 平時可以去邊到收集? 厚面皮問上幾屆的媽媽攞? 謝謝
見過有facebook group
見過但無寫學校名
有寫學校名，佢個database 列明學校同班級科目，好清楚。
我知道有d名小有呢種根深蒂固既操校內past paper風氣，有操同無操真係差好遠，亦間接令某d中學公開試成績優異，因為d學生自細操開卷，好習慣模式，容易拎高分。
除非學校已有呢種固定既風氣，否則唔好咁細個就操paper, 真係好慘。
1個讚
請問可否share fb group name?
我小朋友就係無操, 成績中上, 但佢開始有種努力極都追唔到個幾個人的感覺…唉…
我無bookmark, 只係fb feed 過比我，我又咁岩睇到。根據fb演算法，當你用fb search 相關keywords佢就會彈比你。
小朋友好想拎第1名？呢條係條不歸路，操得一科就有另一科，仲要唔止操一年。
2個讚
我就做唔出咁厚面皮， 初小時我無PＡＳＴ ＰＡＰＥＲ 操都有D ＨＡＲＤ ＦＥＥＬＩＮＧ， 覺得唔公平， 但諗真， 學校年年的卷TRICKY 位都唔同, 我會用心思時間TRAIN 小朋友遇到咩卷都用心做, SO FAR 小朋友成績ＴＯＰ １０
其實去到呈分都無卷流出街, 咁你點呢?
好老實講係睇需要，小朋友唔係個個都適合操卷，就算操到，你睇下有個考第一咪一樣垃圾
1個讚
你真係講出我感受, 仲要個小朋友問佢係咪咁差成日得啲豬肉獎… 我話你少啲careless mistakes其實係滿分…
希望呈分卷唔好流出, 我個突擊測驗反而成日最高分…
1個讚
我估到你指邊幾間 幼稚園, 其實好困難估背後原因, 讀得嗰D 幼稚園都係谷開, 考得前好正常
不過去到高小又另一番風景, 小朋友自己的QUALITY 重要D,
其實你小朋友係咪都好前, 想考級十嗰種?
FB有個谷叫"小學試卷分享" 都有唔少人POST上去
但坦白講, 我覺得除左常識有D用之外其他用處有限, 因為我小朋友學校出名深, 教快教深考深
最緊要係家長發功同了解佢學校出題手法同MARKING SCHEME
中文: 不供詞填充, 我自己出卷好過出面搵, 因為D範圍根本唔一樣; 閱解, 人地D卷唔會出到又語譯又修辭又感想; 課文問答: 要背一字不漏果種 (小學行中學模式)
英文: CLOZE PASSAGE 根本無得捉, 做人地D卷係無用, 自己買D 中學CLOZE做下仲好; 閱解唔止睇答案, 唔可以簡答, COMPLETE SENTENCE唔可以錯GRAMMAR, 錯一個扣一分, 好多時錯GRAMMAR答啱都無用, 仲有D問感想要自由發揮, 要小朋友執生; 作文都佔20%但呢D都無得捉路
數學: 我已經唔知點講, 我買坊間話最深果兩本, 小朋友都好配合做, 但屋企做有9字頭, 返到學校就得8或7字頭, D數係幾刁鑽, 頭腦要好清醒, 對小學生嚟講係唔易
常識: 嚟呢間學校之前我未見過D常識卷咁深, 又有課外時事題, 又有剪報評論分析
2個讚
你學校d卷應該好有market! 好多神小家長追求呢d卷。
1個讚
呢個真，要了解學校咁出題其實想問咩，要你答咩。
但點去了解？一係就r d pp 黎睇，一係outsource 比d補習社一邊托兒，一邊操卷。
我地學校測驗會派, 考試先唔派, 所以就會睇D測卷點扣分
好似COMPREHENSION咁, 我開頭以為只要有答案KEYWORDS就可以, 點知原來係要無懈可撃唔可以錯GRAMMAR, 咁就要同小朋友就要練好D REPORTED SPEECH
我無試過, 但聽聞OUTSOURCE果批就係最低分果批
1個讚
對對，你真了解，佢係想做級十內
謝謝分享！
請問坊間最深嘅個兩本數學補充係邊兩本？謝謝！
有本叫"高階能力訓練", 另一本好似叫"高思維", 另外我仲有買D一份份單元測驗方便TIME時間做
其實有本仲深, 不過佢寫明係奧數我諗唔係咁多學校會出 (不過我小朋友果間耐唔耐會出) 所以我先買埋, 但坦白講我自己都唔識做 
係睇埋答案都唔知點解果種 
好似呢條：
另外大家知唔知教圖有POST D DEMO PAGE 可以比大家睇下程度
https://www.hkep.com/_v3/index.php?target=publish&mode=1&lang=tc
PEARSON:
1個讚
thanks so much!!
專攻某幾間小學做到食飯一條龍又有舊小學老師座鎮既應該唔會差到bottom ge, 係就好笑lor