你女唔係仲睇緊卡通片嗎？
高小。學校教動物mating，佢同我分享，我就順便教埋sex education，period、生BB同墮胎都有講。
1個讚
係呀，Spy X Family，好好睇。其實應該叫Manga先啱。我係咪太細個同佢講sex education？應該大d先交代？我媽咪從來冇教過我，第一次period時好驚好驚。
高小係差唔多架啦，
女仔都會黎月經。
我媽細個岩岩發育生陰毛，
無人教佢唔識，
攞剪刀去剪左啲陰毛架。
我阿婆見到先阻止佢。
基礎性教育要講，要教。
但有啲 topics是否需要咁早講，我覺得唔太需要。始終仲細，對於成年兩性嘅複雜關係，可能未必能了解。
1個讚
咁岩我今日同朋友講，我媽媽從來無教我吔點拍拖，一味叫我哋唔好拍拖住，就算我哥大學畢業都係話唔好拍拖，話要事業有成……結果人到中年，我哥仲係一個人，我媽先急，我心諗，你一路唔好拍拖，想結婚點會有對象？
我算反叛，我會暪住我媽去拍拖，因為我老師教我，要試吓同男仔一齊，認識下，你先會知你想要個咩人。佢未必教導我好岩，但起碼佢會教我點擇偶。可能咁我先嫁得出。
5個讚
我覺得小朋友對兩性關係以及家庭關係嘅最早認知，係建立係父母相處，以及父母同祖父母相處嘅模式上。
只要家庭充滿愛，小朋友長大後，行差踏錯嘅機會不大。
2個讚
我有有睇，高小有家長指引ok。
我覺得都差不多時候，依家小朋友早熟，早d 接收正確資訊比較好。
男都仲好，有啲女仔個阿媽係到個女三十歲先醒覺佢一直冇拍拖，乖到唔出街唔識人，變做剩女
唔係話剩女唔好，但被阿媽禁拍拖社交到三十歲係慘
我有時都怕變左溺愛多啲、小朋友細時買玩具買衫多到自己都覺過分、大啲佢想學咩玩咩都奉陪
本身冇、更加想加倍錫自己下一代
跟住上一代就由嚴父嚴母變左縱孫
我媽當年都類似咁，我哥2x歲, 夜晚9點幾就叫我打俾佢問佢係邊，又叫我扮掛住阿哥叫佢返屋企……我梗係睬佢都傻。我哥朋友有一次仲同我講叫我同阿媽講唔好成日搵仔，佢會識唔到女朋友……
到我而家對住大仔，我呢刻好痴佢，因為我知道到佢升中之後，就要俾佢有佢世界，唔好好似我媽咁
1個讚
唔明點解會變成係愛佢嘅表現，放縱、放任實開心，但對身體唔好喎！
親子時光要11點先感受到？
平時樓主兩公婆好夜返屋企？
有可能咩？
結左婚先知對方係性無能咁要點做好？
1個讚
無論幾愛佢幾想令佢快樂，細路都要管教，都唔使下下就晒佢滿足佢
細路嘅快樂唔係家庭唯一指標吓嘛
1個讚
呢樣隨時愛女變咗害佢，我有女性朋友就係聽阿媽講，婚前和老公完全無性行為，結果婚後搞足成年都行唔到房（雙方都無經驗），到後期佢意識到自己係唔鐘意老公，所以唔想同老公做，一味拖，拖足幾年又兩個人都唔肯離婚，搞到好煩。
零食都有好多種，我只係要想食就食，唔好一句會食唔落飯就ban左。飯係好無益，放到餐飯無限大好無謂。6點幾開飯，5點幾食個手卷完全冇問題。我唔係比d cheap零食個女食。
開心、玩嘅時間永遠都唔夠。要做曬嘢先有得玩，work hard，play hard。練樂器、做功課、上興趣班、食下午茶、食晚飯要時間，真正玩係唔多，而且玩都係訓練專注力，開個大富翁都要時間⋯其實自己以前做功課都做到好夜⋯而搞掂曬之後我只可以去瞓，我個童年回憶：功課同瞓。
我地一早可以陪住小朋友，係佢好多嘢做，我哋唯有叫佢做快d，等緊佢一齊玩。
我結左婚先有sex，我真係接受唔到婚前⋯結論係我老公冇問題。
我有管教呀。自己覺得已經教得好好，個女好溫柔、體貼、有同理心、充滿愛、識時間管理、唔鬧人、唔講粗口、肯做功課、對要學嘅嘢負責。
大家係咪覺得我個女好壞？點解會咁諗？係咪我講左d咩令你哋覺得佢好差？佢好善良、好錫我哋、好識氹我哋開心。
樓主好坦誠分享，大家既回應都係小小提醒
我自己既育兒心得仲係好皮毛，我覺得透過互相分享會學到更多
希望樓主開得post，都用心再睇睇大家既回應
我地唔認識現實中既你兩母女，大家都係有果句講果句，無惡意
1個讚