我相信食正餐前唔食零食，早睡早起，係好習慣
少食零食對身體會好好多
希望樓主諗下，其實有啲嘢都無須太以小朋友開心為中心，你寵到佢公主咁，但佢唔會tough唔會克服到困難，總之佢鍾意就做得，未必係好事。大個點算？
佢要乜玩具你都買，佢唔會珍惜，大個亦鍾意就買，未必識理財
唔係嚇你，我有個大學同學由細到大好幸福，連啲親戚都每個月比幾千蚊佢洗，佢鍾意買乜就買乜，佢講到明見到乜鍾意佢唔買唔得，一定要掃晒佢先安樂。
佢Year 2已經九張信用卡，min pay渡日。grad後好似欠廿萬要屋企還債
希望你唔會介意我咁講
我有諗過呀，就係嗰種聽話令我有窒息嘅感覺。
買玩具係好開心，我買嘅只限於毛公仔，暫時個女都好珍而重之，好長情，爛左要補、補唔到就整件衫比d公仔著。佢好怕浪費，無論係食物定錢。我好有心機教佢，佢好開心可以做我個女，我同佢講多謝佢肯做我個女，真心。
上一輩感覺最大問題係以權威嚟壓啲細路，令到佢哋冇晒自我。冇錢就應該坦白同細路講唔好嘥嘢，但唔係乜都唔比，又打又罵
呢一輩教仔女，應該尊重佢哋意願，同佢哋講道理，發展佢哋自我，培養佢哋自信，教佢哋理性思維，喺有限資源內選擇
唔係佢鍾意乜就得，用物質去令佢幸福開心，連壞嘅生活習慣都縱容仲同佢一齊做喎
太物質啦，唔係咁樣，好浪費兼無謂，買物業會好d。
我拍過幾次拖，我好深感受家庭教育對一個人嘅影響
我有個ex好恐怖，屋企教得唔好，都係任佢做乜就做乜，長期薯片做正餐，又夜瞓，淨係打機，個房又臭又亂。咁差discipline 嘅人對自己讀書，工作planning都極差，連書包都唔識執
呢啲人我應該唔會嫁
樓主我唔係話你，我只係咁啱諗到
老公啱啱同佢睇完卡通片，而家已經差唔多十一點，我知道係個壞習慣，但大家真係好享受Lee啲家庭親子樂，氹佢瞓前仲要傾下劇情，要回味一下。
父母出街表面好好，但返到屋企就會互相呼喝大家，有粗口果種
所以無必要我自己唔會講粗口
賽馬日唔比買"書"，一本本果d 書
因為呢個太痴線，所以我個仔有好多好多圖書now 
我已經教咗個女點揀老公：
1.唔煙唔酒
2.識煮飯、肯招呼人
3.肯做家務、乾淨企理
5.尊重別人及識得自重
6.有學識
以上都係我教女嘅大原則，我相信物以類聚、人以群分，希望佢搵到愛錫佢嘅好男人。
早啲教佢係好，不過都唔好太大期望
男人唔壞，女人唔愛
愛情係盲目
我自己都覺得揀錯左老公，希望儘力教到個仔唔似佢爸爸XD
最重要係唔好佢開心佢鍾意就放棄晒所有原則，當正佢皇帝咁，個家庭圍住佢嚟轉
我都覺，感情無得教
不過呀囡大些一定教佢唔可以影裸照同安全性行為
小時父母因
我諗同上一代比較唔同就係會問小朋友既意見
佢未必有得揀，但會想知佢點諗，了解佢諗法
有限空間下都會偶然放鬆下
好似上次出街玩都玩到10點先返屋企
不過係街都見到有些小朋友都一樣
疫情困得太耐啦
當佢係皇帝⋯咁變相係放養，女仔唔可以冇教養，會好粗鄙同唔識大體，大個成個潑婦咁好失禮，仲教壞埋下一代。
係呀，教係冇用，反而你培養到佢有正確價值觀，佢自然識揀，搵返近氣質近價值觀嘅做另一半
起碼唔會做小三先
一定係行BLW，老一輩一定係餵粥先，我小朋友係食蒸熟嘅菜、紅蘿蔔、香蕉先。
我個原則就係教到佢係個咁嘅人，搵返同類。
1.唔煙唔酒(我覺得食煙係自殘)
2.識煮飯、肯招呼人(有社交能力)
3.肯做家務、乾淨企理(間屋亂個氣場會差)
5.尊重別人及識得自重(做人基本態度)
6.有學識(肯做好自己本分、可以發展自己事業)
基本上唔係d咩苛刻要求。
好基本
其實我覺得一代比一代對愛既教育進步咗，聽返呀爸細個，用幾毫子零用錢買少少零食，明明係用勞力賺返黎既零用錢，來源光明正大，都仲要偷偷摸摸出去買，買完唔小心俾呀爺捉到，即刻拎棍係度打，要打到佢痛打到佢傷打到佢驚。我真係覺得好恐怖！
而我從來都冇聽過呀爸講愛我，但人大左，了解到佢成長嘅環境，會明白到。佢都極力避免上一代既恐怖教育，我好多謝佢。
當我而家做咗媽媽，真係錫到錫唔切個仔，成日控制唔到講好愛佢
愛的教育，非常好
都係呀，我地既上一代都受佢地既父母影響，只係佢地唔講，我地都未必知太多佢地既童年經歷…睇完你咁講，我都有興趣問返我自己既父母
我唔愛壞男人，沾花惹草玩弄感情多性伴有性病嘅風險較高，好污糟。
有同個女分享過做左婚前檢查同結左婚先有sex，因為未check過唔知對方有冇病。再者，未check有冇遺傳疾病而意外懷孕⋯會有風險，呀女表示明白、受教(希望佢真係識諗，我已經盡左力)，佢亦知道孕育下一代係件好認真嘅事，如果搵個壞爸爸，自己同個小朋友都會好慘(我再舉例說明，又係已經盡左力去說服佢認同我嘅觀點)。
少少好奇，介意講你囡幾大嗎？